صور من مباراة برشلونة ومانشستر يونايتد التي انتهت بفوز المان بهدفين مقابل هدف

الســلام عليكم ورحمة الله وبركاته
صبــاح الخير على الجميع

اول شيء احب اهنيكم بحلول الشهر المبارك والله يجعلنا من صوامه وقوامه
ثانيا _ بالنسبة لماتش امس كان جيد جدا للفريق وخاصة ان بيب قاعد يجرب اكثر من لاعب طبعا فيه اخطاء دفاعية في ظل غياب الخبرة بيكي وبويول لكن عوافي دام انها ودية تياقو هالولد له مستقبل كبير كبير 10 مرات
وكل سنة وانتوا طيبين ياحبايبي انتوا
لي باك بعد وقت لا هو طويل ولا قصير

إقتباس الرسالة الأصلية كتبت بواسطة محب الذئب9 الله يسلمكم يا عيال جميعاً .. و هاردلك الخسارة .. والله يستر من هالطقم الاسود مع انه عاجبني كثير وتمنيتة من زمان بس مافية بوادر خير معه هههههههه الجزيرة متعودين يا عم خلاص لو انها للمان مع نادي امريكي نقلوها خخخخ الحين يبن ال$#@% يا فابري ورا ما تخلص ام امنا من هالمسلسل الى صراحة شويتين ونكرهك ونكرة ابو جدك من طولة لعنبو جدك 3 سنين ههههههه ترا ملينا والله ع الله بس يخلص هالمسلسل الايام هذى .. ! يالبييية بسس كـل عـام وانتم بالف خيـر وصحـة وعـافية يـاااارب بمناسبـة حلول شهـر رمضـان المبـارك .. جعلنـا الله وايـاكم من صـوام هـذا الشهـر وقـوامة ..

للأسف جانبك الصواب بنقطة المان وفريق امريكي ..

ياخي اول مباراتين بالتور حق المان حاطينها بجدولهم وحتى اذكرها كانت على +10 و +9 .. وبالاخير تروح ربع ساعة من المباراة وحنا متأملين خير بذا الجزيرة ونقول اكيد المباراة نفسها تأخرت .. ونلقاهم طال عمرهم ساحبين على ابونا ..

طبعا ما انسى مباراة مانشستر ووست هام العام بالكاس .. المباراة بين فريقين انجليزيين وكل المباراة تروح على ميسي وكريستيانو وريال مدريد وبرشلونة ..

وبعد ما جمهور المان ارسل رسايل للادراة وابلشوا امهم نقلولنا مباراتنا مع الـ MLS all stars ولا بعد نقلوها مع بداية الصافرة واول ما انتهت حطوا دعايات .. طيب يا عمي فيه قبل المباراة احتفال وعرض وبعد المباراة برضو فيه تكريم للفايز .. ما نشوف الا اهداف الدوري الاسباني ..

نقطة اخيرة واعذروني على الانبراشة الجامدة .. استغرب ليش برشلونة مصمم على فابريقاس وعنده تياقو وتشافي وانييستا وبوسكيتس وماسكيرانو وكيتا .. اشوف لو تدفعون مبلغ وقدره في اليكس مثلا في الدفاع راح يفيدكم اكثر من المبلغ المدفوع في فابريقاس ..

كل التوفيق لكم في السنة الجاية مع انها مو من قلبي .. لكن انتوا تعديتوا مرحلة الحماس .. وصلتوا مرحلة المصخرة لابارك الله في فريقكم ..

"

هارد لك ع الخساره :P ..

مباراه طيبه للفريق اذا حطينا في بالنا تغيير المراكز وقلة انسجام المجموعه الحاليه

بالنسبه لي المباراه كانت طيبه من ناحيه وحده اني اشوف فونتاس اكثر واكثر .. وشكله راح يكون له دقائق كثيره الموسم الجاي .. دايما بهدوءه العالي وتركيزه وتمركزه الحلوين .. انيق جدا هاللاعب

ولو انه الاهداف جت بأخطاء دفاعيه بحته .. لكن انا ما اشوف فيه مشكله في الدفاع بشكل كبير .. سوى انه من اللي يلعب ومدى الانسجام

الاصابات + التزامات المنتخبات الاسبانيه الصغيره + كوبا امريكا .. اثرت في مباريات هالفتره .. بس مومشكله

على سبيل المثال .. بالأمس لعبنا بدفاع مجبس خخخخخ

ماراح اتكلم عن بيكي وبويول والفيس .. ولا راح احط في الاعتبار غياب ميليتو وماكسويل وادريانو عن هالخط

راح اتكلم عن الاحتياط المباشر [المفترض] لهاللاعبين من الرديف .. على الاقل في المباريات الا مافيها ضغوطات

الا هم .. مونتويا / بارترا / قوميز / مونييسا .. مونتويا ومونييسا مصابين ، وبارتراو وقوميز مع المنتخب الاسباني ..

بوسكيتس ممكن يلعب ويؤدي في قلب الدفاع .. لكن بشريطة ماسكيرانو ارتكاز .. كيتا مجهوده ماهو ثابت بهالمركز ، ماهو المركز الا يطلع فايدة كيتا

خسارة افيلاي في المباراه كانت مؤثره لانه هو كان اكثر لاعب عنده المبادره والمقدره على تغيير سرعة اللعب من ثلاثي الهجوم

ماراح اقول لعبنا ضد شيبان مانشستر لأنه برضو هم جربوا وغيروا (وبرضو مو كل لاعبينا الا دخلو صغار ، اللهم هم يلعبو في الرديف .. كارمونا ولوزانو اظن ، ماهم صغار) .. لكن في نفس الوقت فريقهم كان اكثر جاهزيه واكتمال عددي .. و الفريق الا لعب ضدهم مغيره مراكزه واشياء كثيره فيه .. على الاقل مركز بوسكيتس وكيتا ، يفرق كثير في خط الوسط

ف النهايه اختبار حلو .. ونتمنى الفريق يستفيد منه

قيقز وش يزين ؟