![قديم](images/coc/images/statusicon/post_old.gif)
23/10/2011, 03:41 AM
|
![الصورة الرمزية الخاصة بـ Lionel Andrés Messi](images2/images14/images/avatars/world/barc1.png) | زعيــم مميــز | | تاريخ التسجيل: 07/01/2009 المكان: ArAr
مشاركات: 2,666
| |
هارد لك , لكل مشجع للبرسا اليوم , الفريق اليوم قدم اللي علية لعب لكن مالله كتب . مستوى الفريق بشكل عام متوسط كانت هناك فرص تنهي المباراة مثل فرصة فيا و انيستا , وايضًا البلنتي , لكن واضحة مباراة تعادل وحتى يوم جاء البلنتي كنت حاس ان الحارس راح يكون بطل للمباراة ويصد البلنتي , الفريق لازم يتعادل لانه ماقدم المستوى اللي تعودناه منه واكيد في اسباب من ضمنها تأخر في التسجيل + الكثافة في دفاع اشبيلية اليوم اشبيلية لعب الفريق كله دفاع الا راس الحربة يلعب على الدائرة . بكل امانه كانت الفرصة لنا في الشوط الاول , اليوم برشلونة هو اللي عادل اشبيلية , لو لعبنا بالشوط الاول وفكرنا نسجل من بدري كانت ممكن النتيجة تنتهي بـ اكثر من هدف , لكن اشبيلية انهاء الشوط الاول 0 - 0 وفكر بالفعل انه ينهي المباراة بالتعادل لانه لو فكر ينهيها بفوز يدري انه راح يخسر , بالفعل فكر بالتعادل ولعب 10 دفاع واخذ نقطة . تشافي - تياقو - بيدرو - فيا - ادريانو - كيتا . كلهم ما كانوا في الموعد صراحة اليوم تشافي الحلول عندة قليلة وكذالك تياقو , مدرب اشبيلية عرف كيف يقفل على صناع اللعب اليوم تياقو ماقدم 5% , تشافي اليوم ماهو تشافي اللي نعرفه , و للأسف تشافي اكثر من مباراة في هذا الموسم لم يكن تشافي موسم الخماسية او موسم السداسية . لكن يبقى علامة الـ ؟ على بيدرو , بيدرو وش هذا المستوى , اللي يشوف بيدرو الموسم هذا فقط يقول تنسيق , بالفعل بيدرو مو عارف يثبت كورة بيدرو مو عارف يتحرك اليوم في كذا لعبة تضيع والسبب ان بيدرو مو فاهم لـ انيستا او ميسي , بيدرو نايم , العام الماضي كان نازل مستواة في بداية الموسم بس الموسم هذا انحدار رهيب في مستوى بيدرو . نقطة اخرى العرضيات + الركني : طيب اذا الفريق مايستفيد من العرضية او الركني ليش نلعب كرات طويلة ونخسر مجهود هجمه كاملة , اذا انطلق الفيش او ادريانو يحاول انه يرفع المتواجد في منطقة الـ 18 لاعب او لاعبين عند 8 لاعبين من اشبيلية يعني والله لو تلعب كرات عرضية من هنا لسبوع كامل ما اقول ما راح تسجل اقول ما راح اي لاعب من البرشا يضربها . تراجع ميسي بعيد عن منطقة الـ 18 : كل ما تراجع ميسي الى الخلف اعرف ان خطورة ميسي قلت من ناحية الاهداف , اوكي صحيح ان ميسي صنع كذا كورة خطيرة بس هذي المباراة مباراة ميسي يعني هو اللي ينهيها نحاول نخليه يكون قريب من الـ 18 لان امكانيات ميسي تجعل من الشي صعب يكون سهل حتى بتواجد كثافة دفاعية ممكن ميسي بـ مهاراته و مراوغات الدفاع ممكن يسجل او يعكس كورة ويكون زميلة قريب من المرمى وقول . على العموم تعادلنا امام نادي قوي امام نادي توقعنا انه راح نفوز علية بالنتيجة الكبيرة لان ماتعودنا منه انه يلعب بهذي الطريقة الدفاعية البحتة , تقريبًا افضل مباراة لشبيلية في الكامب نو في الدوري من زمان بعيد , ما اذكر ان اشبيلية قعدلنا مثل هذي القعدة , بصراحة اليوم تذكرت مباراة الانتر 1 - 0 في الابطال . نجي للكوتش بيب : اليوم بيب لعب بطريقة دفاعية ![Biggrin1](images/smilies/biggrin1.gif) ![](http://2.bp.blogspot.com/_1R3N3Csc3T4/Sy5WCvpbpZI/AAAAAAAABok/p-2OM-Ob_Io/s400/pep301009_ccc6.jpg)
3 - 4 - 3
3 - 3 - 4
ماهي الطريقة الاكثر هجومية امام فريق يلعب امام اشبيلية ؟
هذي النقطة المهم , ماهي الطريقة الاكثر هجومية امام نادي يلعب 10 دفاع .
من وجهة نظري ان 3 - 3 - 4 هي الافضل للفريق و للاعبين .
كيف تكون افضل للفريق وكيف تكون طريقة هجومية والفريق يلعب بـ 4 دفاع .
في حال الهجمة او في حال استحواذ الكرة للبرسا وهذا هو الاغلب اذا لعبنا في الكامب نو .
يكون حال الفريق
2 قلوب , امامهم ارتكاز وعلى الاطراف الاظهره وفي العمق قدام ثنين صناع لعب والهجوم ثلاثه .
اليوم لعبنا بـ 3 دفاع ثابتين وللعلم كنا نحتاج فقط يكونوا 2 لان مافي اي خطورة من الخصم .
بالحالة هذي افتقدنا لخدمات لاعب اللي هو الفيش اليوم الفيش قدم اللي عليه ولعب ممتاز لان مالعب ظهير لعب قلب في بداية المباراة قبل مايتم تغير مكانه .
عندنا لاعب امكانيات خيالية في التقدم ومتفاهم مع الهجوم ومع ميسي والفيش حسم مباريات كثيرة ,
نحاول نستفيد من الفيش اكثر واكثر ليش نخليه يلعب قلب , كل دقيقة يكون الفيش قلب , كل مانخسر خدمات ونخسر امكانيات كبيرة .
على العموم اللي حبيت اوصله ان اذا لعبنا بـ 3 - 3 - 4 :
يكونوا ثنين ثابتين على الدائرة في حال الهجمه .
واذا لعبنا بـ 3 - 4 - 3 :
يكون ثلاث لاعبين في الدفاع , وبالتالي نفتقد خدمات لاعب في التقدم وهذا يفرق كثير .
اذا بيب يفكر بالفعل انه يلعب بـ 3 - 4 - 3 خلاص خلونا نبيع الفيش على الاقل نستفيد فلوسة . شباب بخصوص جمهور الغريم اتمنى ان نتحاشاهم , ومن عذرهم انهم يفرحون اذا تعادلنا او خسرنا لان هذا شي طبيعي , لان البرسا هو المنافس الاول لفريقهم .
اخر تعديل كان بواسطة » Lionel Andrés Messi في يوم » 23/10/2011 عند الساعة » 04:02 AM |