اذا طاح الجمل كثرة سكاكينه , وعن نفسي ما اعتبر سقوط البرسا في اخر مباريتين تعثر لانه شي طبيعي وعادي جداً , العام الماضي خسرنا امام هيرلوكس وفي الكامب نو واللي قبله خسرنا من كازان وفي الكامب نو ورغم ذالك حققنا بطولات .
اللي يناقش ويقول التيكاتاكا ماتنفع والاستحواذ ماينفع وما ادري ايش
اوكي ماينفع في مباراة او مباريتين او حتى ثلاثة , بس هذي الطريقة حققت للبرسا السداسية اللي مافي نادي حققها حققت للبرسا بطولات كثيرة من قبل حتى قوارديولا .
يجي واحد يهايط فريقة مسكر 11 دفاع يلعبون بطريقة الدجاج ويسجل نادية هدف بالدقيقة الـ 90 ويقول التيكاتاكا ماتنفع
في ناس ما ادري وش لون تشوف المباراة , المفروض يروح يصلي ركعتين شكر لله انها انتهت تعادل والله لو تنعاد المباراة 10 مرات كلها تنتهي فوز للبرسا , لكن هذي الكرة ليس الافضل دائم يفوز لازم تتعادل ولازم تخسر مو عيب تتعادل مع ميلان وهو مقفل 11 لاعب ولاننسى ان ميلان نادي كبير وشي حلو انك تجبه انه يخضع امامك ويلعب بالطريقة التي انت تفرضه عليه .
ولاننسى حتى وبرشلونة متقدم 2 - 1 ميلان مدافع الى اخر دقيقة حتى قبل الركني بدقائق .
ترا برشلونة خسر من وربن كازان في الكامب نو وهو يلعب بطريقة التيكاتاكا , يعني شي عادي انه يتعادل مع ميلان ولو ان مبارة روبن كازان كانت اقوى من مباراة ميلان بنسبة لبرشلونة .
على العموم هذا التعثر خيرة لان يعطي اللاعبين درس في بداية المشوار ولازم اللاعبين يتعلمون الدرس ويثبتون ان البرسا قادر على تحقيق اللقاب في هذا الموسم بأذن الله .