شبيب الحمد لله على السلامة أفلقني إن كنت رحت للملعب متأكد أن كل وقتك في المكان اللي بالي بالك ..
ننتظر التقرير يا باشا ..

إقتباس يعني اذا المدرب اخطاء في ترتيب دفاعه فهذا شي طبيعي ان الفريق يستقبل الاهداف بمعنى ان الخطاء الي اتفقنا عليه من ناحية اختيار العناصر المناسبة لخط الدفاع هو من الاسباب في خسارة الفريق

الأخطاء بالدفاع قسمين :

1. خطأ بالتنظيم يتحمله المدرب
2. خطأ فردي يتحمله الاعب


موضوعنا و محور نقاشنا عن التنظيم الدفاعي يعني الاخطاء الفردية نطلعها
، عشان كذا لازم نفهم تنظيم الفريق الدفاعي حالياً و طريقة لويس الدفاعية :
1. الضغط على حامل الكرة
2. التركيز 90 دقيقة
3. الرجوع و التقدم بشكل سريع و الفريق كامل يدافع و الفريق كامل يهاجم

هالثلاث نقاط هي النقاط الرئيسية بالدفاع .. و نسمعها ليل نهار من انريكي
لكن السؤال هل تقيد بها الفريق امس ؟ هل الفريق اتبع تكتيكات المدرب ؟ لأ و ألف لأ ..
عشان كذا من غير المنطقي نضع اللوم على أنريكي فقط
الدفاع شوارع ما فيه احد يقول غير هالكلام لكن السبب يكمن بالاعبين و ليس بالمدرب
و صدقني لو غير انريكي الطريقة و جرب كل الطرق الموجودة صدقني بنشوف نفس
الشيء و نفس الأخطاء ..

اتمنى وصل المعنى ..

إقتباس ما طلب من الإدارة أي تعزيز ! وكان يتكلم بـ مؤتمراته عن إن عدد اللاعبيين كثير ، ولازم يتم تقليله !

ما فيه شي يثبت هالكلام يا ساهي ، و بالعكس اللي سمعته انه كان طالب ايسلا
بأي ثمن .. لكن نفس الشي ما فيه شي يثبت هو طلب لاعبين او لا .. يمكن الامور
المالية هي اللي خلتنا ما ندخل الميركاتو .. و يمكن انريكي .. ما فيه شي يثبت فمو
منطقي ننتقده من هالباب ..

إقتباس بـ النسبة لـ غاغو ، فـ هو مثل ماقلت جيد جداً في بناء الهجمة وتوزيع الكرات ، لكن مشكلته دفاعياً ماهو بـ قوة دي دي + المنظومه الدفاعيه لـ روما ! خذ مثال ، في مباراة أمس قُطعت الكره منه ، في وسط الملعب ، اللاعب الي قطع الكره لعبها لـ المهاجم ، وهوبا قوول ! غاغو أخطأ أكيد ، لكن ووين المتابعة من باقي لاعبي الوسط ؟ وليه تلعب بـ دفاع متقدم دام الإرتداد عندك بطيء ! طيب الأخطاء الي مثل كذا تكررت أكثر من مره ، ليه ما يكون فيه تصحيح من المدرب أو حتى تغيير كلي لـ المنظومه الدفاعيه والطريقة ! يعني مثلاً نشوف الفريق يلعب بـ : 4 - 2 - 1 - 2 - 1 ؟؟

كلام جميل ، اتفق معك فيه إلا بنقطتين اخالفك فيها :-

1. اللعب بدفاع متأخر ما يخدم 4-3-3 أبداً و ما يخدم اللعب الهجومي .. عشان كذا هو الأفضل في هذه المرحلة

2. الفريق خصائصة تسمح له يرتد بسرعة للدفاع و هذا شفناه في مباريات كثيرة فالمشكلة ليست من سوء الإرتداد
لكن المشكلة أن الاعبين أمس كانوا مستهترين بالإرتداد .

أنا متفائل بحل المشاكل الدفاعية الموسم القادم و هذا يكون بأمور :

1. جلب بديل لدي روسي مستواه الدفاعي لا يقل عن دانيلي .
2. جلب أظهره بمستوى إيسلا لاعب أودنيزي .
3. قلوب الدفاع جوان لازم يطلع ، بورديسو غير مضمون بعد الرجعة كايير اذا استمر مستواه كذا
يمكن يرجع لألمانيا فعشان كذا لازم نجدد قلوب الدفاع بلاعبين فعلاً عليهم ضمانات .

و بإذن الله بنشوف وجه مغاير دفاعياً .