الله يسلمك يا انس

انتقال بوريللو متوقع لكن غريبة راح لليوفي ؟؟!!!! بمعنى انتقل من دكة روما الى دكة اليوفي

لكن يمكن يفكر انه يبي يفوز بلقب لانه لو هدفه المنتخب كان راح لفريق ياخذ فرصته باللعب ويلفت برانديلي للعب باليورو ومافيه يختلف اثنين على ان بوريللو لاعب كبير وهداف من الطراز الاول في الكالشيو اذا اخذ فرصته كاملة وفي مركزه المعتاد

اما بالنسبة لسباتيني فعلا محير هالادمي لحد الان مافيه اي صفاقات بالرغم من انه الفريق استغنى كذا اسم فلازم يعوضهم لكن الشئ المميز هو ان علاقاته ممتازة وقوية مع السماسرة اللاتينين عشان كذا اي صفقة مع لعيبة من امريكا اللاتينية مايواجه فيها عقابات وتتم بسلاسة وهذا الشئ كان ملاحظ له مع باليرمو

اما بالنسبة لطلعة بيزارو انا من بداية الموسم قلت مافيه مشكلة لو راح ترى بيزارو كبير بالسن وعطائه ماهو مثل اول ولو بعناه بملغ ممتاز نجيب فيه لاعبين اصغر افضل مع اني اشوف فيفياني الولد الجديد مفروض ياخذ فرصته اكثر

اما دي روسي مستحيل ماعتقد خروجه دي باقي في روما حتى يعتزل