السلام عليكم ورحمة الله وبركاته
وش هالمكان الجديد اللي طبيت فيه
اخباركم جميعا فرادا فرادا نفرا نفرا
>>>>>>> لكم كلكم وزعوها
مبروك عليكم الشهر وكل عام وانتم بخير
ورزقنا وياكم فيه المغفرة والرحمة والعتق من النار
مبروك الرابطة الجديدة ومبروك يا اسامة الرئاسة تستاهلها ومبروك لساهي النيابة ومبروك للمحررين تعبكم وجهدكم وحصلتوه
اعذرونا على الانقطاع الفترة اللي فاتت بسبب ظروف عملية وزايد حضور مناسبات
وش اخبار النادي يقولون تعاقدتوا مع مدرب الايباد مدري الايفون او البلاكبيري
مدري خلونا بس نشوف اول مبارتين الموسم الجاي ونشوف وش بيسوي بس عندي احساس قوي يقول انا بنمسكه الباب قبل لايجي نص الموسم
ترى فريق برشلونة ب هو عبارة عن فريق مطعم من الفريق الاول ويلعب ضد فرق ضعيفة وضيفوا عليها مدرسة برشلونة الكبيرة والمعروفة و اللي تفرخ نجوم تساعد اي مدرب على النجاح
بالنسبة للميركاتو فضيحة مابعدها فضيحة الله يرحم ايامك يا براد وش هالسبيكة ساباتيني اللي جايبينة
بويان
! ! @ ! !@
ولا الولد جاينا ومن اول يوم ويبي الرقم 14 بالله هالاشكال تبي تجيب اسكوديتو ارجوك يا سابا تراك مضيع ترى روما نادي ليس لـ .......
بويان يشبه لعبه لاعب مكسيكي ذكروني باسمه راح للدوري الانجليزي اظن لتوتنهام من برشلونة وفشل اتوقع للهصفقة الفشل الذريع مع روما ولا اعتقد راح يفيد روما باي شئ وجوارديولا ماتركه الا اكتشف بعدم جدوى فائدته للفريق واي احد بيقولي شف اهدافه ومستوياته ترى برشلونة اي لاعب يلعب فيه بيلقى المجموعة القوية اللي تخدمه حتى لو لعب محمد الغرناطي بيبيدع طالما الثلاثي الزمردي والألماسي ( ميسي - انيستا - اكزافي ) معه بالتشكيلة بيصير هداف البيتششي
استغفر الله بس
المهم كرشة النفسية فوزي ماعليها حسوفة من سنتين وانا اقول ماهي مشكلة يطس من الفريق بس نبي سعر فيه ويطس لاي فريق برى ايطاليا عموما هذا سقوط وفشل لسابا واثبات اننا وقعنا في فخ زلابة في التصرف بالميركاتو
الموهبة اللي شفت لها تطبيل من قراءتي لخبر التعاقد من المنتديات اليوم لاميلا ممكن يكون اللاعب جيد بس ترى اللاعب هبط مع الريفر و اي مستوى مقدمه ؟؟!! سوى الهبوط حتى نحكم عليه .. وبطولة كاس العالم لازم متابعة كل المباريات كلها حتى نعرف انه لاعب جيد او لا وعموما الكالشيو دوري صعب وصعب كثير للاعب صغير تبي تعتمد عليه طول الموسم
هذا اللي حسافة روحته وبس بثمانية ملايين يعني خسارة مليونيين من قيمة شراءه مدري حقيقة ماطلعت على العقود ممكن فيها مميزات او حوافز .. بس اعتقد السبب هو انريكي قاله انت بتكون احتياط الموسم الجاي ومايحتاج مينيز خربت الاخلاق معه وقال خلاص ابفارق من هالنادي
الصفقة اللي ريحتني كثير هي قدوم العملاق ستيكي الهولندي اللحين تطمننا على الحراسة ..
لانكبات بعد اليوم
يا شباب ستيكي ارجعوا لكاس العالم ابدع ابداع غير طبيعي ووصل لهولندا للنهائي حتى هدف انيسستا الانفراد كان بيصدها بس للاسف جت قول
عموما الميركاتو لسى ماقفل ننتظر من سابا الشئ الكثير مع الملاك الجدد اللي شكلهم بخلاء وبتحسف على ايام روزيلا
لكم الف تحية وكل عام والجميع بالف خير ومبروك مرة ثانية يا شباب وان شاء الله لي عودة بعد التروايح