فيه أحد إستوعب الفكرة من كلام وكيل أعمال الأسطورة روزي ؟ بـ المختصر كذا : قاعدين على قلوبكم !

تكفى يا زيمان تصرف ، تعبنـا والله

الوكاد أنا أوافق أخوي هلالي من الحسا ، يوم يقول : " جيب مدافع ممتاز موب سوبر ستار يعني سوبر " <
بس المشكلة فعلاً إن المدافع السوبر ، يحتاج $ و مشكلة روما في الميركاتو هي في محدودية الكاش ، و حاجة
الفريق إلى تقوية بعض المراكز و بناء البعض الأخر !

على العموم سابا من المفترض أنه يخلص الأولويات ، ثم عاد بـ كيفه يعيش حالة الترف و اللعب مثل ما يبي !
أو مثلاً يتفرغ لـ تصريف الأسطورة روسي ، مع أني أحس إن موضوع تصريف روسي ، يحتاج ميركاتو لـ حاله
الموضوع يا عيال صعب و فوق ما تتصورون ! يعني مثلاً نادي ينافس ع الأبطال ، هل تتوقعون يفكر بـ روسي !؟
طيب نادي ينافس على التأهل لـ اليوربا ليغ ؟ أكيد لا ، نادي شغلته يكمل الدوري مثل بارما مثلاً أو باليرمو ، ظنكم
بـ يفكر بـ روسي ؟ لا ، طيب نادي ينافس على البقاء ؟ لا لا !

لكن مع ذلك تشوفونه يلعب بـ روما ، و وكيله البجيح يبشرنا بـ إن روسي خارج الميركاتو ! صبرك يا رب ..



..

إقتباس رسمياً : كورتشي إلى بولونيآ على سبيل الإعآرة مع أحقية الشرآء

بـ وجود ستيكي و بديله الحبيب لوبونت ، و الورع البطل الي جابه سابا ، أشوف إن حراسة الفريق في إيدي أمينه
و هذا طبعاً حاله غريبه بـ النسبة لنا ، الوكاد كورتشي " أبو خمس مية يورو " وينه من كل هذا ؟ أوت

طيب دامه خارج الحسابات يا سابا ، ليه ما بعته مثل ما قال ميشيو ؟


على طاري البيع ، دُفعات قيمة بيع فوزي ، على مدى كم ؟ وهل فيه فلوس من بيعة الغجري ممكن تدخل بـ ميزانية
الميركاتو هاد ؟



..


بيريس الارجواياني وجونغ الالماني


الأولويات يا سابا ، ما نبيك تمشي على نظام التجريب وإن لقحت وإلى ماضر الفحل ! بـ النسبة لي لو سابا مثلاً
يحاول يتعاقد مع أسماء ممتازة أو جيدة حتى ، ثم لـ ظروف ما قدر يتعاقد معهم ، يحول على هـ الأشكال الي نروح
لـ اليوتيوب عشان نشوف منهم ، ممكن أعذره و قس على هذا باقي إهتماماته و حاجات الفريق ..




..



أفضل خطوط الفريق لـ حد الان :

1 - خط الوسط

2 - خط الحراسه

3 - خط الهجوم

4 - خط الدفـاع

للأسف ميركاتو هالموسم مثل الماضي

مواصلة الترقيع .. والحين شبه بدينا من جديد

للأسف الى الأن الميركاتو لا يأهلنا لننافس ع الدوري .. جميع الأعبين الي جايين متوسطين المستوى

يعني نبي أسامي قويه في الكالتشيو أو غيرهـ .. صفقات مؤثره وتحدث الفارق

الحين لدينا ثلاث مدافيعن .. لو نجيب مدافع قوي جداً .. أظهرهـ جيدين ووسط بديل مثلأ نرجع قاقو .. مع مهاجم والأقرب ديسترو

أذا صار هالشئ بتفائل بالتأهل للأبطال .. لاكن الدوري لازلنا نحتاج الكثير

ع العموم ماندري عن مدربنا بعد .. أخاف يخبصنا ومانسفيد شي

يسلم لي تمك يا شبوبي ، وعلى ما قالوا أهل الخدود الحمر يا هيك الحكي يا بلى :$ ! صعب جداً إننا نقدم مستوى و نلعب كورة
و نحقق الأهداف الي وضعتها الإداره " التأهل لـ التشامب " و حنا ما نملك الأدوات الي تقدر توصلك لـ هدفك ! أو مثلاً يكون عندك
مركز أو خانة ضعيفة و تأثر على مستوى الفريق ، وتهمل ترميمها أو تقويتها ! أو تبدأ تتحيون و كأنك ما زالت في باليرمو و تجيب
لي ناس يقولون أنهم يلعبون كورة ، أو تحول النادي إعادة تأهيل لـ دودو وأشكاله !

الميركاتو ما أنتصف لـ الحين ، لكن على ما قالوا ليالي العيد تبان من عصاريها " مثل ميشيو " ، إن كنت أبتفائل فـ بـ سبب
وجود زيمان ، و الي رجع لـ فترته فقط مع بيسكارا و أرقامه مع الفريق ، و كيف إستغل قدرات لاعبي بيسكارا الي أغلبهم من
نوعية الأسطورة روسي ، فـ على الأقل يبي يتطمن شوي إن شكل الفريق في الملعب و ترتيبه بـ يكون أفضل من موسم إنريكي

لكن إن فشل لا سمح الله ، في تحقيق الهدف ، أو حتى كرر ماسأة إنريكي ، فـ الشسمه أساساً ما يتحمله هو ، يتحمله
البهايم الي لـ الموسم الثاني ، يكابرون و يزيدون و يعيدون بـ سالفة المشروع ووووو !



الموسم الجاي بـ يكون مهم و مفصلي لـ روما مع الأمريكان ، ياما يكون تطور بـ الأهداف ، و حتى بـ جودة الإهتمامات بـ الميركاتو
أو الهدف يكون هو هو " محاولة التأهل لـ الأبطال " ، و مشتريات ميركاتو من نوعية دودو و أشكاله ! < علق على دودو وأشكاله


حنا كـ رومانيستا مُبتلين يا جماعة ! لكن مع ذلك و مع عدم وجود حتى بوادر لـ النجاح في المستقبل القريب و البعيد
حتى ، إلى أننا ما زالنا نرقب الثواني والدقائق شوقاً ولهفةً لـ رؤية الحبيبة <~ يا ربـــاه




الله يعيـن ..

إقتباس الرسالة الأصلية كتبت بواسطة برنس روما للأسف ميركاتو هالموسم مثل الماضي مواصلة الترقيع .. والحين شبه بدينا من جديد للأسف الى الأن الميركاتو لا يأهلنا لننافس ع الدوري .. جميع الأعبين الي جايين متوسطين المستوى يعني نبي أسامي قويه في الكالتشيو أو غيرهـ .. صفقات مؤثره وتحدث الفارق الحين لدينا ثلاث مدافيعن .. لو نجيب مدافع قوي جداً .. أظهرهـ جيدين ووسط بديل مثلأ نرجع قاقو .. مع مهاجم والأقرب ديسترو أذا صار هالشئ بتفائل بالتأهل للأبطال .. لاكن الدوري لازلنا نحتاج الكثير ع العموم ماندري عن مدربنا بعد .. أخاف يخبصنا ومانسفيد شي

اخوي برنس تدري وش اللي يقهر
بوريللو +روسي +بيروتا+ابو فخوذ+ بيتزارو +اوكاكا+سيسينهو+بريجي+كاسيتي =اقل شي 30 مليون +فلوس بوريني 14-15 مليون تجيب مهاجم
8 مليون حارس
22 مليون مدافع جاااااااااااااااامد ابوكلب
وش رايكم اصلح مكان زيمان
هههههههههههههههههههههههههههه

شباب لو تخيلنا تشكيلة الفريق ع الأسماء الموجوده

انخيل .. كاستان (هاينز) .. بورديسو .. بيرسي << تقريباً

بيانتش .. دي ورسي .. برادلي

توتي .. اوزفالدو .. لاميلا


والله ي دفاعنا يبي له ترميم حتى الظهير الأيسر من الصعب نعتمد على انخيل ودودو

واحد للحين ماثبت نفسه والثاني بزر وتوه جاي من اصابه وجديد ع الدوري .. نحتاج ظهير أيسر بعد شباب أضيفوها لقائمة المقاضي << تأثير رمضان

الوسط يبي لنا بديل بمستوى الأساسي .. يعني بمستوى قاقو وبيانتش .. دي روسي مستحيله

الهجوم مع قدوم ديسترو القريب أن شاء الله ماتوقع بيكون فيه مشكله قويه ..



الا شباب ماتدرون متى جدول الدوري .. طولو علينا

^

بريغي تقريباً حسم وجهته لـ تورينو ، ولا تنسى إن بايروتا و بيتزارو و سيمبليسيو يعتبرون زوائد ، لكنهم ناشبين بـ الفريق
بـ سبب مرتباتهم العاليه ، وأيضاً بـ سبب إن ما عليهم طلب بـ الميركاتو ..