عضو اللجنة الإعلاميه للرياضة العالمية رئيس رابطة ميلان
تاريخ التسجيل: 27/01/2009
مشاركات: 4,232
هاردلكم الخسارة من الحين هدف أودينيزي كالعادلة خطا من ابياتي إصابة باتو يبدو انه راح تطول وراح نخسره كم مباراة الغيابات أثرة كثيير و الشعراوي ماهو قد الطموح والضجة الي مسوينها علينا الاعلام
هاردلكم الخسارة من الحين هدف أودينيزي كالعادلة خطا من ابياتي إصابة باتو يبدو انه راح تطول وراح نخسره كم مباراة الغيابات أثرة كثيير و الشعراوي ماهو قد الطموح والضجة الي مسوينها علينا الاعلام
ان شاءالله في امل وتتعدل النتيجة من اي لاعب ويسجلون بعده الثاني
صعب ؛ صعب مرة نسجل بهذه الوضعية ولو جاء لنا هدف في الشوط الاول راح يكون حظ وراح يجي من ركلة حرة زي ماشفنا كرة سيدورف , جهة يسرى باعمار كبيرة باللغة العامية شيبان يتقدمون لمنتصف الملعب بعدين نشوف كرة طولية بالعمق , والجهة اليمنى تدافع صح لكن اباتي ماادري وش فيه اخبره قبل نزعته الهجومية افضل من كذا بكثير اما الحين جالس في الدفاع وماتقدم غير بكورة وحدة ! اعتقد إن التعليمات تجي من اليغري , ماسيمليانو بإختصار اذا تبغى تلعب كرات طولية دخل انزاجي كذا والله مستحيل تسجل لا ابرا موجود ينفعك بقامته الطويلة ولا باتو اللي كنت مأمل شيء ورى الكرات الطولية بوجوده لكن بعد ماطلع ايقنت اننا مستحيل نسجل بهذه الطريقة , بإختصار اليغري الاصابات مؤثرة صح لكن الطريقة اللي تلعب فيها الان ماتناسب أمكانيات الميلان ولا اللاعبين الموجودين على ارض الملعب عندك خيار تغيرها او إدخال بيبو فهو يتناسب معها أكثر الا على طاري الإصابات ابعرف المشكلة بإرضية السان سيرو والا بالجهاز الطبي والا بالحظ الزفت , كل مباراة إصابة الى متى ؛ اغلب الاصابات بالسان سيرو هل ممكن تكون المشكلة من الارضية اللي اشتكوا منها الكثير في الموسم الماضي !! على العموم لي باك مطوٌل بعد المباراة للحديث عن كل شيء تقريبا , لكن اليغري اذا تبغى تستمر باستعمال الكرات الطولية آدخل انزاجي , ولازم يدخل تايو لتفعيل الجهة اليسرى اللي مايشغلها اي لاعب شاب , مستوى مخيب , لا نتعذر بالاصابات المستوى إجمالياً سيء سيء سيء وفيه لاعبين مستواهم قل بشكل غير طبيعي
عضو اللجنة الإعلاميه للرياضة العالمية رئيس رابطة ميلان
تاريخ التسجيل: 27/01/2009
مشاركات: 4,232
افضل وأسوأ لاعب في المباراة هو ابياتي
مع اني سبيت فيه لأنه السبب في الهدف الشوط الأول الأ انه انقذ الفريق من الخسارة في كم كورة وتألق فيها هاردلكم التعادل مع هذي الغيابات المباراة صعبة إن شاء الله يرجعون كل المصابين في المباراة الجاية الحكم ظلم الميلان وحرمه من ضربة جزاء واضحة لبيبو انزاجي في آخر الدقايق الاخيرة إن شاء الله نعوض في الجايات
نابولي تعثر بالخسارة , اليوفي تعادل بأرضه , الميلان حرمه الحكم من ثلاث نقاط مستحقة , للي شاف المباراة سواءً متحيز لفريق او محايد يأكد إن كورة انزاجي الاخيرة بلنتي صريح , ماعلينا من البلنتي الحين ؛ الميلان قدم افضل شوط في الدوري لحد الان , شوط شفنا فيه تياغو ونيستا يتناوبون في كل 5 دقائق واحد يهجم , اقصد بيهجم يعني يسوي له هجمة قدام المرمى مهو يتعدى منتصف الملعب لاننا متعدينه من الاصل اودنيزي مع كامل إحترامي له الا انه سرق النقطة ولم يستحقها ماقدم شيء يشفع له ويخليه يستحق النقطة سوى الضغط في اخر الدقائق ولا غيرها شفناهم راكنين بالدفاع , لو كان ابرا او روبينهو موجود اليوم شفنا النتيجة ميلانية هاردلك لنا كنا نستحق اكثر من نقطة وهذا وحنا نلعب بدون كذا لاعب له وزنه في الفريق !
كل ماقلت هانت جد علم جديد !
إلى متى والميلان على هذا الحال من إصابة لاصابة , قلنا نبي نفرح بعود ابرا يوم السبت الا تجي إصابة باتو وش السبب أرضية السان سيرو اللي مابقى احد الا واشتكى منها , والا الجهاز الطبي ! والا كذا هو حظ الميلان دائماً زفت الله يعيننا على كاسانو اللي اليوم رفع ضغطي جسم على الفاضي شفناه يحظن على الكورة بدون فائدة , عكس الشعراوي اللي ماعنده جسم لكن يعرف وين يتمركز يعرف وين يحط الكورة اذا انفرد هذا وهو صغير ولايكسب الخبرة اللي يكسبها كاسانو , سبق وان قلتها كاسانو لايجيد اللعب الا بجانب ابرا اللي يفتح له المساحات ويعطيه كور مقشرة , غير كذا لاتدور على كاسانو لانك لن تجده !
منور ياكابتن كسر خاطري [ اصابته في عصب العين ] , الله يسعدك ياجاتوزو احس بعد إعتزاله بيعمل إداري بالميلان اللاعب مصاب ولا راح للمدرجات اليوم وشفناه بالدكة يساند اللاعبين ويحثهم على بذل الجهد للحصول على الثلاث النقاط , لكن قدر الله وماشاء فعل , جينارو اليوم اكتشفنا له استنساخ " نوتشيرينو " لاعب سبحان الله صرت مافرق بينه وبين جاتوزو زمان , يلعب بروح غير طبيعية اليوم كيف قدر يغطي المناطق الدفاعية وماقصر بالهجوم وحاول ؛ وقاعد يمتر الملعب , وحماسه الطاغي خلاني احس إن المباراة نهائي او مباراة حاسمة , ماشاء الله ماشاء الله , عندي نقطة تخص نيستا احس إن اللاعب كان سلبي وبقوة علينا اليوم اكثر من كورة تمركزه خطأ و ثبت كلامي للي تابع هجمتين اودنيزي الاخيرة , هذه النقطة بالخصوص نبهت وقلت عليها قبل المباراة اللاعب ماراح يأدي بنفس المستوى وراح يكون ثقيل في الملعب وراح تجيه إما اصابة اذا حاول يشد حيله او انك ماتحس بوجوده في الملعب , مطلوب من اليغري مشاركة يبييس بجانب تياغو بمباراة تشيزينا القادمة لاعب بعمر نيستا لابد ان يرتاح مباراة او مبارتين نيستا اتمنى ان يكون هذا هو الموسم الاخير لك ولسيدورف لان لعبكم المزيد راح يغير وجهة نظر البعض وراح تكون نهاية مسيرتكم شينة شكراً اليساندرو , شكراً كلارنس
نظرتي غالباً ماتخطئ باللاعبين , وراح اذكركم بعدين ان ستيفان الشعراوي راح يكون من نجوم المستديرة ؛ تمركز صحيح , مايتفلسف واجد يشوف المرمى يسدد مباشرةً ؛ عنده مهارة ويقدر يتفوق على اي مدافع عنده مواجهته مباشرة ( لاعب للاعب ) اليوم بوجهة نظري الشخصية اعتبره نجم المباراة الاول بجانب نوتشيرينو وتياغو وابياتي خطآه خرب عليه لكن كفر عنه في اخر المباراة بالحفاظ على النتيجة كما هي ورد كورتين صعبة لجميع الحراس بالنسبة لتياغو سيلفا ماادري هل احد يستطيع تقييمه او تحليل اداءه حتى استطيع انا ان افعل ذلك لاعب اتمنى التجديد معه الى ماله نهاية , ماابالغ لكن هذه الحقيقة
ولكمو ياملك المهاجمين 5 دقائق بس ولعب في دفاع اودنيزي لعب وسبب ركلة جزاء لم تحتسب وحاول يسوي شيء في هجمة ثانية , استمر يابيبو وان شاء الله نشوف تصحيح من اليغري ويستدعيك في دور 16 لدوري الابطال بعد مانتأهل إن شاء الله ؛ لاني احس انه شايل بخاطره بخصوص السالفة
اشتقنا ياحلو والله اشتقنا , توني عرفت قيمة هجومنا اذا غبت بإنتظارك يوم السبت لتشعل السان سيرو من جديد ؛ للمعلومية اذا فاز الميلان المباراة الجاية راح يصير عنده 5 نقاط وتصير نقاطه مماثلة لنقاطه الموسم الماضي بعد اربع جولات يعني مافاتنا شيء راجعين ياكالتشيو
في النهاية نتائج مباريات اليوم /
وهذا ترتيب الدوري حالياً /
مباراتنا الجاية مع تشيزينا وفي ارضنا واحتمال عودة ابرا وللمعلومية تشيزينا متذيل الترتيب الحين يعني نبي ثلاث نقاط ومستوى مقنع غير هذا لن نرضى ولن نقبل اعذار ياليغري
هاردلك يا عيال للاسبوع الثالث اقول هاردلك .. صراحه ما تابعت المباراه لاني كنت طالع بس كنت متفائل ان ميلان سيظهر بمستوى جيد وكبير لكن حسب التعليقات والاخبار الاخيره .. لا يبدو لي ذلك اصابة باتو .. والله مشكلة الفريق مو ناقص اصابات لكن اكثر ما اسعدني هو تسجيل العشراوي لاولى اهدافه مع الميلان وكان هدف مهم وانقذنا من الهزيمه
اتمنى امام تشيزينا نشوف مستوى افضل والاهم من ذلك الثلاث نقاط
عضو اللجنة الإعلاميه للرياضة العالمية رئيس رابطة ميلان
تاريخ التسجيل: 27/01/2009
مشاركات: 4,232
الله يالدنيا ,, امس يفوز علينا نابولي ويقولون هم الافضل في ايطاليا مدري ايش .. واليوم يخسرون من كييفو ,, الاعلام يرفعك في يوم ويخسف بك في دقيقة ,, إلى الآن ما بانت ملامح الدوري بشكل عام ننتضر الجولات الجاية وإن شاء الله عودة اللاعبين من الاصابة في المباراة الجاية