صراحة النمري أسوأ لاعب انضم لتشكيلة المنتخب، والله ياهو رافع ضغطي، لاعب ثقيل جدا وبطيء وماعنده سالفة، ويصر على نزوله في كل مباراة وهو ما يقدم أي شيء، ونور لو كنت المدرب أمس كان طلعته، واضح إنه خارج التغطية تماما، أنا أبغى لاعب الوسط يحرث الملعب، ماهو يلعب على الواقف، والمدرب سباك وبقوة، تغييراته أمس كلها خطأ المفروض يلعب بمهاجمين وخروج العابد كان خطأ فادح، سعود حمود كان سيء أمس والشمراني متكي في خط الثمانطعش وخارج التغطية، كنت أتمنى إنه بدى بالسالم والشمراني، واللي ما يثبت نفسه في الشوط الأول يخرج، المدرب مسكين مايدري وين الله حاطه، قال لك مدرب منتخبنا للشباب وتبغون بطولات، يجب أن يكون المدرب على مستوى عالي لجميع الفئات السنية ويستمر معنا، ماهو تجيب لي مدرب من سوق الحمام