^^

والله توني ادري صصصرآحتن
شئ حلو يالله بالتوفيق للفريق
وانا بصلح لي كاس شويهي اروق على المبارات

ولنا رجعه بعدها نبارك لبعض باذن الله ~
ويعطيك العافيه حبيبي فيصل ق1

2-0

الأول تشارلي آدم

والثاني لويس سواريز

اللي مايقدر شوفها ببلغه بالنتيجة بالرابطة

انتهى الشوط الأول الحمدلله

2 - 0

سواريز وربي خطيييييييييييير ماشاء الله تبآرك الله

كآرول هـ اللآعب منتهي خلاااااص مانبيه يرفع الضغط

إقتباس والتبن ادم والتبن سكرتل مابي اشوفهم اساسيين

هههههههههههههه
اجل ادم لا تشوفه ؟
افضل لاعب بالشوط الاول ادم
تغطيه وتوزيع لعب خشات صحيحه
لبى ادم بس
قال ايش قال لا اشوفه ههههه

شوط اول حلو
عجبني انريكي وداونينغ
تفاهم كبير بينهم

سواريز كعادته لازم يجيب هدف ومعه كم مدافع

ليفربول 2-1ولفرهامبتون

هدف لهم الدقيقة 48

دخول ديريك كاوت بديل هندرسون

الدقيقة 71

نزول ستيفين جيرارد يالبيه

الدقيقة 81

إقتباس ×سواريز عصبي والا غصب يلعب المباراة كاملة .

اقسم بالله يافهد من حقه يعصب
جالس يحرث الملعب ويحرق نفسه
ويعطي كم كوره للناقه وجالس يتفرج على الكوره ؟
تجي انت تطلع سواريز وتخلي كارول ؟ هههههههههه
اقسم بالله مع سواريز قلبا وقالبا ض1
سلامات يبو الشباب !

انتهت المباراة

2-1 لليفر

سجل اهدافنا تشارلي آدم الدقيقة 11 وسواريز الدقيقة 38


ومبروك الفوز طبعا ماشفت المباراة عشان احكم بس نقلتها لكم من البي بي وأعذروني على القصور

الف مبروك الفوز
المباراه مدري شلون فزنا فيها اصلا
كيني يا انه دلخ ولا يستدلخ !!
للمره الثانيه يدخل بنفس التشكيله العقيمه !!
مدري ليش مصر الا الان انه يلعب بـ هالتشكيله اللي ماتفوزك !!
خلاص ياخي اعترف ان صفقة كارول صفقه فاشله وريحه بالدكه
وهندرسون متى تعرف انه يلعب بالعمق بس مايصلح جناح
خسارة 35 مليون احسن من خساره 55 مليون
استفيد من صفقة هندرسون لان ممكن يطلع نجم لكن كارول لاترجي منه شي بعد الهجمه الاخيره خخخخخخخ
يخرب بيت اهلك ولا بعمرك بتشوف مثل هالهجمه وتضيعها كذا !!
داغليش خلاص مابقى وقت للعكس الكروي خلاص كارول جته فرصه بما فيه الكفايه
والمباراه الجايه مع ايفرتون واللي بعدها مع مانشستر !!
مابقى وقت تجرب خلاص استمر على تشكيله وحده وريحنا

إقتباس الرسالة الأصلية كتبت بواسطة Cяαży ĻỉṿęяρσσĻ هههههههههههههه اجل ادم لا تشوفه ؟ افضل لاعب بالشوط الاول ادم تغطيه وتوزيع لعب خشات صحيحه لبى ادم بس قال ايش قال لا اشوفه ههههه

ياعزيزي انا ماشك بقيمة تشارلي او شي ولكن ينثبر بالدكه عشان يعرف حجمه بس !!
والهدف لاتستانس تراها طالعه برى بس المدافع غبي خخخخخخخخ
المشكله يقوم ويسجل هدف على نفسه ويعترض عند الحكم صدق غبي خخخخخخ

إقتباس لوكاس ! هدفهم خطأه 100% واقف جمب كيلي وش تسوي ؟ فليتشر بنص المنطقه لحاله وانت جالس تتفرج جمب كيلي ؟ نص تمريراته غلط , هههههههه اجل يخش على سواريز ويرجع الكوره لهم الدقيقه 79 !! فريق مثل ليفربول مافيه محور مثل الناس ؟؟

ياراجل !!
الهدف خطأ من الدفاع كلهم واقفين على خط واحد ليش ؟؟
الخطأ 50 % على انريكي لان العارضيه من عنده وسحب فيه سحبه غبيه
لوكاس بالعكس كان جيد في المباراه وقطعه للكورات جيد وتمريراته كويسه
تشارلي ادم الهدف وغيره ماشفناه !!
لاعارضيات ولا تمريرات ماشفته ابد
بعدين انت شعندك مركز على لوكاس هاه خخخخ

إقتباس الباقي كلهم 10 على 10

هندرسون تعطيه 10 !!
ولوكاس سيء

إقتباس ×سواريز عصبي والا غصب يلعب المباراة كاملة .

سواريز بعض الاحيان يكون غبي للاسف
خلاص الملك طلعك يريحك للي بعدها ومسجل هدف ليش زعلان يعني
وباين اخر الدقايق ان اللياقه راحت ولا يقدر يمشي بالكوره على طول يمررها !!
انا كنت متوقع يطلع هو وكارول ويدخل بيلامي والليدر
لكن الملك مدري التبديل الاخير بيشيله لليوم الاسود ولا كيف !!

الف مبروك الفوز

الصراحة المستوى لم يكن جيد

لكن ان شاء الله مع الوقت ينسجام اللاعبين مع بعض

:: الاهداف ::

الهدف الاول :: اضغط هنا ::

الهدف الثاني :: اضغط هنا ::

إقتباس اقسم بالله يافهد من حقه يعصب جالس يحرث الملعب ويحرق نفسه ويعطي كم كوره للناقه وجالس يتفرج على الكوره ؟ تجي انت تطلع سواريز وتخلي كارول ؟ هههههههههه اقسم بالله مع سواريز قلبا وقالبا ض1 سلامات يبو الشباب !

شوف التبديل خطأ اوكي ماقلنا شي .. لكن حكاية يتنرفز ويعصب كل ماجاء يبدله كيني ذي ماتمشي !
اوكي قدمت مستوى كبير تشكر عليه .. لكن مهما كان احترم قرار المدرب .. ذي مو المرة الاولى
الي يتنرفز فيها ويكور .. توريس الي افضل منه يوم رافا يبدله بنغوغ مايسوي الي يسويه اعلاه
لاعبين كثير بالعالم يتبدلون تبديلات غلط وهم منجمين بالمبارة ولا ينرفزون .. لو المرة الاولى
نمشيها لكن مو الاولى .. يخوي اذا اخلاقك زفت وتشوف نفسك اكبر من النادي يخوي تفضل الباب
يوسع جمل .. ماوقفنا على غيرك عشان نوقف عليك !

بعدين سبحان الله .. انتقدت كل السيئين ونسيت هندرسون .. الي لحد الان مادري وش يبي ! .. قبل نخش معي بنقاش .. ادري انك بترقع له .. بس قبل ماتقول الي تقوله .. مو تقولون انه خلفية جيرارد ؟! .. هذا جيرارد لعبه مكان ماتلعبه يعطيك ولا يقول لا !

سيناريو مُمتع بالنسبه لـ مشاهد المُباراة .. لكن كـ مشّجع لـ ليفربول شيء يرفع الضغط ويلعب بأعصابك لين نهاية المُباراة .. صحيح ليفربول فاز وشكّل خطوره بس تبقى أنت تلعب على أرضك وبين جماهيرك وخصمك مهوب ذاك الزود ومهوب كفو يكون خطير بالأنفيلد ! .. الأخطاء كثير ومن السهل إنّك تطلعها بعد المُباراة .. لكن هي الأخطاء سلسلة من أخطاء المُباريات الماضية يكررها دالغليش بنفسه .. مثل هالفرق وعلى ملعبك بتفوز وهو المطلوب لكن تكون نسبت فوز 60% لين نهاية المُباراة هنا أقول لا .. الجانب الدفاعي ضعيف جداً بتواجد ( كارا - سكيرتل ) فيه ثغرات كبيره راح توضح بشكل كبير إذا قابلت فريق سريع ومنظم .. تباعد فـ الخطوط بين لاعبين الوسط والدفاع والهجوم .. يبقى الحل الفردي والإبتكار فالمناوله التعجيزيّه هو اللي ينشّط هجمة ليفربول .. نفقد اللعب السهل المُمتنع - تقارب الخطوط .. فوضى تكتيكّه فالنّص الصراحة .. رجعنا لسالفة تضارب فـ أدوار تشارلي ولوكاس .. المشكلة إن هالثنائي متى ماكانت الكوره في جهه تحركوا الثنين لـ الكوره وتركوا مساحة الوسط وراهم فالجهه الثانيه .. غير كذا أي كورة عرضيّه مصدر خطوره على الليفر رُغم إن عناصر الدفاع مهيب قصيره بالعكس نملك قامات طويلة بالدفاع .. بإمكانه التخليص لكن الإشكاليّه تكمن فـ التمركز والتغطية المثاليّه .. الدفاع هش جداً .. وبيبقى هش في ظل تواجد ( كارا ) .. من وجهة نظري .. المعدل اللياقي منخفض إذا أحد لاحظ ركوعه في بعض الهجمات اللي علينا .. مسبب أزمه فـ الدفاع .. والخطأ الثاني يبقى خطأ دالغليش سلسلة الخسائر ليت المشكلة وضحت له إصرار غريب على ثنائيّة ( سواريز - كارول ) .. رغم إن مافيه شيء يربطهم بالخطّه ومافيه أدوار واضحه .. مافيه شيء ثابت بالرجوع والإستلام من الوسط .. بالتناوب - الأقرب - يرجع يستلم ! هندرسون على الجناح وسوء مستواه ومازال الإصرار من الملك على إصراره ودخول هندرسون بالتشكيلة وفي مركز محتاج مجهود لياقي كبير أو يعوضه بالسرعه ( بيلامي - كاوت ) أو حتّى ( ماكسي ) .. من أجود الأجنحة المتوفره والحلول بالجناح الأيمن .. ما أدري وين المانع فـ إنّه ينزل بـ أحدههم أساسي .. مازلت أشوف ليفربول يلعب على الحل الفردي لحد اللحين .. خطورتنا تجي من ( دوانينق - سواريز ) .. مافيه حل مثالي و إنتشار سريع من الفريق يساعد تبني هجمه .. يعني تشكيلة بطيئه خامله فـ الإنتشار و فـ التحرّك ! ، يبقى فوز مهم ومعنوي وإنتشال الفريق بعد خسارتين فـ البريمر .. التغيير مطلب أساسي فالتشكيلة والإبتعاد عن بعض القناعات الغريبه أمر مهم





لاعب مهم ، الأبرز بـ الليفر فالآونه الأخيره .. بس مايبرر إنّك تطلع بهالنرفزه وتعترض على التبديل ، تبقى أنت أحد أوراق الملك إستفاد ومنك وسحبك على الدكّه .. مالك أي أحقيّه تعترض وتتنرفز وتطلع بهالصوره .. لاعب محترف مر بعدّة أندية .. هالأمور غريبه تصير يعني عليك ؟ صح أبدع وتحرّك وعامل شغل وكارول سيّء وفرق بالمستوى بهالمباراة .. بس مسألة إعتراضك المتكرر على أي شيء ، شيء سلبي عليك ..





آخ .. هيبه بـ وسط الملعب .. إستلم وإنطلق وحاول .. يقلّب المواجع .. الشيء الجميل بعد الفوز إنّنا قدرنا نشوفه في أكثر من مناسبة وتهديد على الخصم .. من ناحية الإنطلاق .. إستلام كورة من نص الملعب والتوزيع فـ آخر ثلث فـ الملعب شيء جميل ويطرب فعلاً .. في كم كورة مامشت معه .. تسديته من خارج الـ 18 خلّتني آخذ لفّه على اليوتوب واتأمّل .. ياخذ فرصته أكبر ودقائق أكثر .. شوفته ضد المانيو أمر طيّب كـ أساسي ..


مبروك سكاوزيّه

باصات الفريق في الثلاث مباريات الاخيره

508 لليفربول vs 647 لولفرهامبتون
627 لتوتنهام vs 503 لليفربول
489 لستوك سيتي vs 576 لليفربول


كل مالها تقـــل النسبه من مباراة ستوك الفريق

النقاش في الطريق الان