^^^

والله يا خوي قلنا له الكوره برجل لكن هو الله يهديه مصر انها باليد


لكن دخول الان كارول و بيلامي

بدل هندرسون وكاوت

من زمان ما شفت مدرب يجازف زي كذا
هذي هي يا اخذ النقاط ولا اخسرها
ننتظر التعادل على احر من الجمر

ماراح يجي الهدف
لكن مااقول الا حسبي الله على الحكم والله قهر

انتهت المباراه

انا الي قاهرني

البرود الي في الاعبين بالخص لــ انريكي قاهرني اليوم ولوكاس معه يعك عك
ولا كوره جت سواريز الا بعد دخول بيلامي تحركاته ممتازه جداً

داونينج اشتغل لكن متى الدقيقه 84 بعد ايش ....!
تشارلي ما كان بالفورمه

الحكم حيوان بلنتيين على ابسون كلها في يده ويتغاضى عادي
ويتفنن في الفاولات ضدنا ولاعبهم دخل على اجير شال نص وجه ما حتى عطاه كرت

بروح اشغل نفسي عساني انسى

لي باك اخر الليل نروق ونسولف معكم

وش رايكم في بيلامي

صور مباراة اليوم



هدفهم زاوية ورعان



اعجبوني فيه ضرب سواريز لين طفش والحكم .....



جزارين بداية التكسيـــر









كفوووو اخيراً احد هجــده





يا واطي





الباقي هنـــا

الى متى والحكام ضدنا والله قهر طب وش نسوي عشان تعطوننا حقنا

مباراة بولتون ثلاث بلنتيات لسواريز وكلن يذكرها ولا حسب اي شي ومدافع بولتون يرجع الكوره للحارس

ويمسكها بيده ويمشي اللعب واليوم البلنتي اللي علينا مهو بلنتي

وبلنتيين بيد اوبسون والحكم يتفرج

اقسم بالله قهر ليه ليه ليه ليه ليه ليه فريقنا يوم اشتغل صح قلب علينا التحكيم

القهر ان مابيدي حيله بس حكي

حسبنا الله ونعم الوكيل

بخصوص اللاعبين اليوم على الرغم من السيطره التامه لليفربول على مجريات المباراه الا ان يوجد لاعبين

ليسوا في المستوى المطلوب

رينا ماشاهدته الا في البلنتي ما اقدر احكم عليه

سكيرتل دفاعيا ماظهر وهجوميا ايضاً ماظهر

كاراجر بغض النضر عن البلنتي اللي عليه لكن بدايته للهجمه دائماً فاشله كلها كرات عشوائيه

أغير بالكرات العرضيه سواء لنا او علينا دائماً مايزعج فريق الركبي

انريكي دفاعياً لم يختبر وهجومياً عكس كذا كوره لكن ما استغلت

لوكاس بقطع الكرات سوبر ستار لكن تمريراته اكثرها خاطئه

وآدم اغلب تمريراته عشوائيه داونينج ما ظهر الا في الشوط الثاني يو غير مكانه

هندرسون سيئ في كل شيئ. كاوت حركه وقلة بركه

سواريز دائماً المهاجم ينتظر الكرات من صانع اللعب لكن سواريز لايوجد من يصنع له الكرات فلذلك تجده

يبحث عن الكره بنفسه فهذا السبب وراء عدم ظهوره بالمستوى المطلوب على الرغم من اداءه الجيد والحركي

كارول مايستاهل القيمه اللي دفعت فيه جونسون حل هجومي ممتاااااااز

بيلامي متفائل فيييييه على الرغم من كبر سنه

تقييم الاعبين من سكاي

رينا / 6

كارا / 5

اجير / 7

سكيرتل / 7

انريكي / 7

داونينج / 8

لوكاس / 7

هندرسون / 4

تشارلي / 4

سواريز / 7

كاوت / 6

جلين / 5

بيلامي / 8

كارول / 4.5

skysport

لايفوتكم الاستحواذ 73
بدون فايــده


اعذروني على القصور
كان ودي اجيبها مع الجدول لكن النوم شايف شغله صاحي من الساعه 4 الفجر امس

نشوفكـــم على خــير

اول شي الحمدالله ع كل حال مهما كان الحال ..

اداء اللاعبين مارا حلوو لعبنا صح لكن ما أراد الله نجيب هدف ..
شوفو الاحصائيات قبل شوي ابو ظبي
الاستحواذ ع الكره 73%
وستوك 27%
يعني نلعب باب واحد ..
وتسديدات ع المرمى 24 هذا غير اللي برا ..

وهم ع المرمى 1 واللي برا 3 ..

وركلتي جزاء صحيحات لليفر ..

لكن يلا ان شاء الله نعوضها امام السبيرز ..

سالخير سكاوزيه ,

اجل صافقكم احباط انا العن منكم امس حلمت ان الفريق متعادل وقمت فيني صياح , واقوم اتعوذ من الشيطان واتوضا واصلي ركعتين وادعي الله انها تكون اضغاث احلام وانها من وساوس الشيطان

وليتنا تعادلنا

لالا موب ليتنا تعادلنا , يا ليتنا لعبنا بـ مستوى زين

اللي ماكنت اتوقع انهم يخطون اليوم جايبين العيد , لوكاس , آدم !!!

كارا , الله يلعن اللي انت وزيره , ويلعن وزارتك معك , لعنبوك هالكوره لو خالد العنقري فيه كان خلصها احسن منك .. اصلا اللاعب ذا احس فيه زهايمر , حسسني فعلا انك تحب الفريق , وقدم مستوى , المباراة اللي راحت مسوي غلط , وهالمره مسوي غلط اكبر منه , وموب دايم بنرقع له , صار لازم الحين ينطق في الدكه ,.

والا ياخي وشوله دكه ! ياخي اعتزل , رح درّب طلاب الاكاديميه , رح دور لك وظيفه ترزق الله فيها وفكنا من خشتك ,


كارا لي سنتين اقول انه لاعب منتهي فنيا , اللاعب خلاص معد عنده شي , صح كل اللاعبين يخطئون , لكن موب كل خطأ يغتفر , غلطه الشاطر بعشره ,
وغلطه كارا بـ مليون ..
اللي يهونها ان الهلال فاز والا كان على اقرب رحله لانجلترا وفجرت كاراغير
احس ان فيني غلّ عليه موب طبيعي

كواتس او سكيرتل لازم واحد منهم يصير بجنب الوحش آغير في المباراة الجايه .

المباراة الجايه مع السبيرز , والشغل بيكون مضاعف على الكنق , لازم يطلع اللاعبين من اجواء الهزيمه المخيبه للآمال , جونسون بيرجع وجيرارد بيدخل الدكه ان شاء الله ..

هندرسون ؟!!



بالتوفيق للفريق قدام يهود توتنهام وان شاء الله نطلع بالثلاث نقاط ,


دوكم هالورده شمّوها ورجعوها ترى ماعندي غيرها


وعلى الطاري , الطلاب اللي رجعوا يدرسون اليوم , الله يوفقكم ان شاء الله

^
هذا كول ولا انا متوهم
تكفى ارجع مستواك مثل اول وتعال بس خخخخ
ليل بيلعب في الابطال على ماظن سجلني مشجع لهم
اوما هازارد ذا تخيله جنب سواريز اووف
-

هارد لكم ياشباب ومعوضه ان شاء الله
اليوم الحظ ولاعبين الركبي والحكم والجمهور كلهم علينا
يخرب بيتهم ياشيخ وش ذا فريق العمالقه مالك امل تستفيد من اي ركنيه او اي فاول او اي عارضيه
ولاعبينا شحليلهم انفخ عليهم يتسدحون خخخخخخ
هندرسون مدري وش فايدته بالملعب تجيه كور يرجعها للدفاع او يعرض غلط
تشارلي ادم الف علامة استفهاام !! .. وداونينغ يسخن طول المباراه ومابدا الا اخر الدقايق !!
كارا مايستاهل كل التهجم عليه الخطأ تقديري لو حكم ثاني ماحسبه بلنتي !!
والحكم امرره غريب مره اليوم
معقوله يعني بكل هالمصارعه ولا لاعب من لاعبين الركبي اخذ كرت اصفر
والاغرب سواريز ياخذ كرت خخخخخخخ
بمنطقة الجزاء قلبوها كرة يد كل شوي ماسكينها بيديهم والحكم يعطي سواريز كرت !!
سواريز تعب اليوم مافي احد يصنع له او يسانده واستنفذ كل مجهوده بدري
والحين بان مكان الليدر وبان اننا فاقدينه
اللي اعجبني اليوم لوكاس وهو النجم بلا منازع مع سواريز
مدري شفيكم عليه !!
واعطيه من عندي 10 / 10
-
سامحونا ع الغياب ورح يطول شويات لين ماستقر خخخ
الحين مسافر الرياض وساحب ع الدوام للاسبوع الجاي
عوض ماشاء الله شغل عدل في التقديم تسلم يدينك ويدين المصمم