انتو شفيكم عل دالجليش ترا اليوم ماسوى تبديلات خطأ
جيرارد وبيلامي دخلو الدقيقه 54 واتوقع هذا وقت مناسب
بس الخطأ الوحيد اللي سواه انو لعب جيرارد احتياطي
وشكلها تاريخيه مثل البانيو
واذا انو الريدز يبي التشامبيونز ليغ لازم يبرم 3 تعاقدات على الاقل
1ـ محور دفاعي ريغاس
2ـ جناح ادم جونسون او يوفيدتش لاعب فيورنتينا
3ـ مهاجم لويندوفيسكي او هيغواين او هولك او باريوس مانبي غيرهم واذا ماقدرنا على ذولا نجيب بينت لاكن بالاعاره اما لاعبين مثل دي يونغ مانبيهم راح يكونون مثل كارول مع اني واثق من عودته

بعدين ليفربول ليه مايحاول يضم نيمار او لوكاس لاعب ساوباولو
ليه مايحاول بـ دي روسي ترا ديروسي دخل بفترة الست اشهر
الحمدلله الفلوس وموجوده لين متى وحنى نخاف من المنافسه بالتعاقدات
اااااخ بس انتم توسطوللي عند هنري خلوه يخليني المدير الاستراتيجي بالنادي وشوفو وش بسوي بالفريق

وين اللي كانوا يدافعون عن كيني !

اشربوا انتم ومدربكم السباك.

تصبحون على خير

من وده ينوم ويقوم ويجي اغسطس ؟

^^^

لا والله ودي انام واقوم والقى عندنا مدرب ومهاجم زي الناس

الله يعين بسس

خلاص آنسوآ مباراة اليوم ، الحمدلله على كل حال


..


مباراتنا القادمة :

ليفربول × ساوثيند

المناسبة : كأس الاتحاد الانجليزي
اليوم : الجمعة
التاريخ : 6 \ 1 \ 2012 ..
الملعب : الأنفيلد رود


بالتوفييق لليفر بتخطي هذا الدور

^
لا ازوودك من الشعر بيت يوم ٦ يناير عيد ميلاد خلفهم النااقه من زينك يوم تبي تحتفل بعيد ميلادك

كيني اسطورتنا وربي اني احبك كلاعب بس مدرب تبي تنسف التاريخ بتخبطاتك وكارووول وداونينج

هندرسوون / لبييه يالثقه يعجبك حتى وهو صغير بسنه بس تحس فيه شئ يبي يقدمه مع الوقت

سبريينغ / سويت اللي عليك انت بطل

اخيراا الملك اخطأ والليفر ماكان بيومه وكارول ٣٩ عرضية ولاوحده خطيره لكن السيتي وسط ناار
هجووم قووي جداا دفااع مميز جدار صلب امام الدفاع يعني بالمختصر المفيد احمدووا ربكم ماجت
ثقيلة بتشكيلة الشووط الاول


الئ شباب جده / اليووم بالمقهى الاغلبية كانت تشجع الليفر فديتهم حسيت اني بالانفيلد من كثر الحماس

تحيتي ياااحلوووين

لبى الليفر بسس ق١

اداء اليوم افضل من السيتي ( اذا رجعت البيت اتكلم عن المباراه )

لكن رجاءً ياخوان لا احد يسب الملك
لانه لعب على احسن من السيتي وهددهم ولاتنسون ان اهدافهم غبيه كلها

الاول غلطه - الثاني لا تعليق - الثالث مرتده

يعني ما مسكو كوره ولعبو فينا وسجلو حتى هم مامسكو الكوره ١٠ دقايق وضغطونا
احنا ماسكين العب طوال المباراه

الملك ليس له اي صلاحيه في اهدافهم

هاردلك لكم جميعاً

وين فيصل بس
اجل الملك الجمنا والله ما الجم الا نفسه
ابوك ابو ابو ابو ابوك مدرب سباك
جيرارد حرام يكون مع فريقنا
اليوم يلعب لحاله ولا احد فاهمه ويطبق باس ان موف بلحاله

إقتباس لكن رجاءً ياخوان لا احد يسب الملك لانه لعب على احسن من السيتي وهددهم ولاتنسون ان اهدافهم غبيه كلها

هذا اللي يقهر ان السيتي مايلعب ويسجل اهداف باقل مجهود يعني يطقطقون علينا!
وبعدين وين لعبنا احسن منهم ، نناول لبعض بس خخخخخخ!
فريقنا مباراه كاملها ماجت فرصه الا لـ داونينغ المريض ومدري كيف ضيعها !
خذ استحواذ بس ، واستحواذ ابو كلب يعني نوريتش احسن منا يستحوذ ويعرض لهولت وهولت يسجل
حنى نعرض لكارول وكومباني ياخذها
داغليش متى يستحي على وجهه ويستقيل !

إقتباس الرسالة الأصلية كتبت بواسطة Cяαży ĻỉṿęяρσσĻ لحول ولا قوة الا بالله ثقافتنا هذي لازم تتغير , اي هزيمه نطولها على المدرب ياناس قلتوا نبي كاوت حط كاوت , قلتوا ليش بيلامي دكه قلتوا ليش ماكسي احتياط , لعبه اساسي قلتوا اذا نزل بديل مستواه ازين من انه اساسي ثم تجون بعدها ليش ماكسي احتياط !!!!!!! جيرارد اصابته اللي راحت لعب اول 3 مباريات بديل بعدها لعب اساسي واصيب قلتوا ليش يلعبه على طول والحين تقولون ليش مايلعب اساسي ؟؟ يعني ابي افهم وش تبونه يسوي ؟ هدف اول خطا كاوت ورينا !! واخطاء كثير من ادم وجونسون , تبونه يطب مكانهم ؟ الفريق ناقصها شي كثير , محور مع سبيرنغ , وجناح ومهاجمين !! ويرجع كيلي اساسي

اللحين انت من جدك تدافع عنه ولا تعاند .. بعدين ثقافتنا كلنا لازم تتغير وسبحان الله انت اللي فاهم داغليش .. علمنا كيفا نفهم ونستمتع بتكتيك داغليش وشغله بالفريق .. يارجال من بداية الموسم اتحداك تجيب لي تشكيله معينه لعبنا فيها اكثر من ثلاث مباريات ورى بعض ، كل يوم تشكيله شكل وكل يوم تكتيك شكل وكل يوم خطه شكل ! .. يرحم امك اجلس على تشكيله وحده ، حتى بالفانتزي مدري من احط لاني مدري من بيلعب ! < صرت العب بالفانتزي .. يارجال خلنا ساكتين بس ، لو بعد غلطات داغليش دفتر ابو 200 مايكفي .. يلعن ام اللعب العقيم ياشيخ مباراه كامله ولاعب مطرود من الستي اخر 20 دقيقه .. ماشفنا ولا فرصه ابد ابد؟ بالمباراه كلها ماشفنا الا فرصه داونينغ اللي مدري كيف ضاعت ! .. ياخي من ابجديات كرة القدم ان هندرسون صانع لعب مو محور !! .. من ابجديات كره القدم ان الفريق كل مباراه لازم يبدل ثلاث تبديلات حتى لو كان فايز عشان يزيد الاهداف .. بعدين ياخي ماكسي وكاوت طبيعي مايقدمون مستوى ، يخرب بيتك كاوت افضل لاعبين ليفربول في السنوات الاخيره .. ومن انتقاله للفريق وهو على مستوى واحد ومن افضل اللاعبين لياقه في العالم وحاطه بالدكه .. وجاي بمباراه مثل مباراة الستي تبيه يقدم مستوى ! ونفس الكلام ينطبق على ماكسي .. ياخي امس ماكان من المفروض انه يبدأ بـ شيلفي افضل من هندرسون ، بما ان خطته تعتمد على ثلاث محاور ، وفالاكيد ان شيلفي يتفوق على هندرسون في هالمركز .. ياخوي انا امس من الشوط الاول قلت لازم يطلع هندرسون وجيرارد واستغرب انه استمر على هندرسون .. وبعدين يسحب سبيرنغ ويدخل ماكسي ، ومازال هندرسون محور ! .. وبعدين من قال ليش يبدأ بجيرارد قبل اصابته .. محد قالها لاتألف من راسك .. بعدين انت اول الموسم كنت تبي مدرب وش غير رأيك

إقتباس الرسالة الأصلية كتبت بواسطة Cяαży ĻỉṿęяρσσĻ اذا سدينا خانات الفريق واكتمل الفريق تعالوا حملوا كيني الخساره الرجال ماقصر واستلم فريق مفكك , مستوانا تطور كثير مع كيني

هذا لاصار رئيسنا منصور بن زايد ومدربنا مانشيني وفريقنا الستي قل ننتظر لمى نسد الخانات
ياخي المدرب هو اللي يسد الخانات بتكتيكه ونظرته للفريق مو اللاعب
وبعدين وش فيهم الاسماء كويسين يمشون الحال افضل من اول !
نيوكاسل وسندرلاند بلاعبين اقل مستوى بكثير من لاعبينا وشف وش مسوين !
اللي فرق معهم مدرب ، لاتقولي نسد الخانات
واذا بتقول مهاجم فـ امس ماشفنا ولا فرصه والسبب الخطه العقيمه
العيب مو في اللاعبين العيب في المدرب
-
لاتاخذ ردي بحساسيه بس حبيت اناقشك وانشب لك

^^

ياشيخ اختصرت اللي ببالي كله
بس في نقطه يمكن تشفع لكيني في هذي المبارات بس

سواريز اتوقع كان من مخططات كيني وهذا كان واضح انا متآكد
كاوت ماكان راح يبدا المبارات واضح كان سواريز وطبعا فرق بين كاوت وسواريز

لكن المركز الرابع صار صعب انا ابي بطولة كاس هالموسم
ولا يا كيني ظف عفشك ترا رافا اظاهر لين الحين محد تعاقد معه

اخ يا القهر بس :/

الفريق بدون هوية البارحة

كله بس يتناولون في نص الملعب ومو قادرين يخترقون الدفاع

جيرارد حاول بس لحاله ويد وحدة ما تصفق

الناقة حقتنا (كارول) أقول له يا صبر الارض بس

والله 35 مليون ما تستاهلها


ختاما ((((( ويييييينك يا رآفـــــآ )))))

هاردلك شباب مب النتيجه والمستوى
هاردلك الهيبه اللي انكسرت امس
ولاعبين السيتي بالرغم من الانتصار مستحوذين على الكوره اكثر...!!!

هاردلك بعد ماروقنا وهدت الاعصاب ,, بعد ماقلنا تحسن الحال الا الحال يشكي الحال ....

للامانه ووالله بعض اليوزرات ماعرفها ولا حرصت اني ارجع اقراء من اللي كاتب هالكلام !! لكن بختصار اللي راضي بمستوى الفريق امس وبالاداء اللي قدمه الفريق يسمحلي انه يشجع فريق مايعرفه ... منهزمين بثلاثه وتبون نشيد بالمدرب والاسلوب التكتيكي ؟! مب على النتيجه بس ... على المستوى اللي ظهر فيه الفريق ... وياليتها على كذا وبس !! الحلول اللي يمتلكها المدرب ضاعت والسبب تبديل لاعب مكان لاعب ؟؟!!

فريق خاسر !! حلولك تكون لاعب مكان لاعب ؟!!


نجي لفيصل !!

احترم ردودك ووجهة نظرك .. ولك كامل الاحقيه بالتعبير عنها ,,
كلامك ونظرك للملك انه مدرب قادر .. اقل حقوقك كمشجع متابع للفريق

بس انه يكون اللي يختلف معاك باسلوب المدرب او القناعه فيه وبامكانياته " او بالاصح " اللي يرى انه في كيني بعض الشواغر التكتيكيه يعتبر ناقصه ثقافته ؟! اسمحلي وانا اخوك ... كيني مدرب وله مكانه وله cv قوي سواء بالليفر او على مستوى الدوري .. لكن اللي ينقصه انه ابتعد عن الكوره في وقت تغييرت فيه الكوره واسلوب لعبه ... اسلوب اللعب بالتسعينات صار متخلف !! كيف بالثمانينات ؟؟؟ الفرق شاسع ... كمثال المقصد منه التوضيح لا التشبيه " ماردونا شفناه كلاعب .. وشفناه كمدرب "
كلاعب كسر الدنيا في نابولي وسوى اعجاز ومن قبله ابدع بالبارشا . كمدرب شفناه مسخره هو ومنتخب الارجنتين بكاس العالم . " ماردونا مايلعب الكوره الجماعيه زي ماهي متطلب هالعصر يلعب على نجم بالفريق والباقي داعمين له ؟؟! "


اللي ابوصله : انه الفريق كاداء وصل للحضيض مع كيني ,, ولا شك انه صعب انه يقال من منصبه .. الافضل انه هو يتنحى او انه يكتفي بانه يكون مدير كوره بالنادي ويسلم النادي لمدرب مواكب وامكانياته قويه ...

شف اونيل وش صنع في سندرلاند ....!!! وراح نشوف اكثر


اما عن كاوت فهو ظلم انه يلعب المبارات كاساسي ؟؟! كل الموسم احتياط وامام متصدر وجريح يلعب اساسي !! شفناه فاقد للانساج مع اللاعبين الاساسين بالفريق

التبديلات اللي صارت امس ووجهة نظر عليها :

كاوت وبيلامي ؟؟ كان الاجدر سحب هندرسون واللعب بمهاجمين وجناحين كاوت وكارول رؤوس حربه وبيلامي وداوننيج اطراف وجيرارد وسبيرنج خلف
للاسف اضطر انه يسويها بعد الهدف الثاثت سحب سبيرنج ونزل ماكسي ؟!! تغييرين ممكن بتغيير .

سبيرنق علامه كامله على اللي قدمته ,, ياليت اللي يعتقد انه نجم بلاكبول اضافه للفريق يقارن بين اللي سواه امس ابن الاكاديميه سبيرنق ونجم زمانه تشارلي ادم !!

قفله للرد ,,

تشارلي ادم .. اكثر لاعب يجب انه يمسك كوره امس .. هو اكثر لاعب واسرع لاعب يتخلص منها ؟؟! الدنيا معكوسه ياكوتش

رسميا دي يونغ الهولندي ليفربولي ب١٣ مليون

تأكدوا من الخبر انا داخل بالجوال

^^^

ياخوي دورت الخبر مالقيته


لكن لقيت كم خبر ان المفاوضات جاده مع فوسيلي لاعب بورتو

مفاوضات قويه مع بينت واذا تعثرت فان سودادو ستكون الوجهه


اكلمكم من زحمة الجامعه واسالوأ عوض ض١