هاردلك شباب مب النتيجه والمستوى
هاردلك الهيبه اللي انكسرت امس
ولاعبين السيتي بالرغم من الانتصار مستحوذين على الكوره اكثر...!!!
هاردلك بعد ماروقنا وهدت الاعصاب ,, بعد ماقلنا تحسن الحال الا الحال يشكي الحال ....
للامانه ووالله بعض اليوزرات ماعرفها ولا حرصت اني ارجع اقراء من اللي كاتب هالكلام !! لكن بختصار اللي راضي بمستوى الفريق امس وبالاداء اللي قدمه الفريق يسمحلي انه يشجع فريق مايعرفه ... منهزمين بثلاثه وتبون نشيد بالمدرب والاسلوب التكتيكي ؟! مب على النتيجه بس ... على المستوى اللي ظهر فيه الفريق ... وياليتها على كذا وبس !! الحلول اللي يمتلكها المدرب ضاعت والسبب تبديل لاعب مكان لاعب ؟؟!!
فريق خاسر !! حلولك تكون لاعب مكان لاعب ؟!!
نجي لفيصل !!
احترم ردودك ووجهة نظرك .. ولك كامل الاحقيه بالتعبير عنها ,,
كلامك ونظرك للملك انه مدرب قادر .. اقل حقوقك كمشجع متابع للفريق
بس انه يكون اللي يختلف معاك باسلوب المدرب او القناعه فيه وبامكانياته " او بالاصح " اللي يرى انه في كيني بعض الشواغر التكتيكيه يعتبر ناقصه ثقافته ؟! اسمحلي وانا اخوك ... كيني مدرب وله مكانه وله cv قوي سواء بالليفر او على مستوى الدوري .. لكن اللي ينقصه انه ابتعد عن الكوره في وقت تغييرت فيه الكوره واسلوب لعبه ... اسلوب اللعب بالتسعينات صار متخلف !! كيف بالثمانينات ؟؟؟ الفرق شاسع ... كمثال المقصد منه التوضيح لا التشبيه " ماردونا شفناه كلاعب .. وشفناه كمدرب "
كلاعب كسر الدنيا في نابولي وسوى اعجاز ومن قبله ابدع بالبارشا . كمدرب شفناه مسخره هو ومنتخب الارجنتين بكاس العالم . " ماردونا مايلعب الكوره الجماعيه زي ماهي متطلب هالعصر يلعب على نجم بالفريق والباقي داعمين له ؟؟! "
اللي ابوصله : انه الفريق كاداء وصل للحضيض مع كيني ,, ولا شك انه صعب انه يقال من منصبه .. الافضل انه هو يتنحى او انه يكتفي بانه يكون مدير كوره بالنادي ويسلم النادي لمدرب مواكب وامكانياته قويه ...
شف اونيل وش صنع في سندرلاند ....!!! وراح نشوف اكثر
اما عن كاوت فهو ظلم انه يلعب المبارات كاساسي ؟؟! كل الموسم احتياط وامام متصدر وجريح يلعب اساسي !! شفناه فاقد للانساج مع اللاعبين الاساسين بالفريق
التبديلات اللي صارت امس ووجهة نظر عليها :
كاوت وبيلامي ؟؟ كان الاجدر سحب هندرسون واللعب بمهاجمين وجناحين كاوت وكارول رؤوس حربه وبيلامي وداوننيج اطراف وجيرارد وسبيرنج خلف
للاسف اضطر انه يسويها بعد الهدف الثاثت سحب سبيرنج ونزل ماكسي ؟!! تغييرين ممكن بتغيير .
سبيرنق
علامه كامله على اللي قدمته ,, ياليت اللي يعتقد انه نجم بلاكبول اضافه للفريق يقارن بين اللي سواه امس ابن الاكاديميه سبيرنق ونجم زمانه تشارلي ادم !!
قفله للرد ,,
تشارلي ادم .. اكثر لاعب يجب انه يمسك كوره امس .. هو اكثر لاعب واسرع لاعب يتخلص منها ؟؟! الدنيا معكوسه ياكوتش