||● رابطة عشاق زعيم انجلترا 2011 - 2012 ●||● Glory Glory Man United ●|| - صفحة رقم 145 - نادي الهلال السعودي - شبكة الزعيم

PRINCE.MU · #2161 19/09/2011, 01:46 PM

السكاي تختار هدف ناني كـ افضل هدف في الجوله

هلالي للابد...... · #2162 19/09/2011, 02:36 PM

مباراة قمة
شكرا يونايتد
شكرا تشلسي
ماظنتي بنشوف مباريات بهالقوه الا بين هالفريقين

كورة قدموها ولا بالاحلام شغل عدل ورتم المباراة عالي بشكل انك انت يالمشجع مايمديك تاخذ نفس الا والهجمه مع الفريق الثاني , بغض النظر عن الاهداف التسلل فريقنا ماهو مستواه هاللعب اللي تعودنا عليه من اليونايتد من مباراة الدرع بااستثناء مباراة البروم والفريق فورمة عاليه ولعب الى اخر ثانيه في المباراة ,مستوى اليونايتد طبيعي يكون مو قد المتوقع نتيجة الاجهاد , نشوف اشلي يونق ماقدم شي هالمباراة واللي قبلها وروني بعد ماكان بالفورمه وواضح عليه التعب والارهاق من مباراة بنفيكيا , مشكلتنا بالدفاع ايفانز كذا كوره قهرني فيها تمر قدامه ويجري معها بس لاهو اللي قطعها ولاهو اللي حشر توريس فيها ,الدفاع طبق مصيدة التسلل وبيغنا ناكلها لو استثمروا الفرص اللي جتهم خصوصا حقت العبد رامي , كانت نقطه كارثيه بتكون بس الحمدلله ربي ستر,اتخيل شكل اليونايتد بهالموجوعه ونشيل بس منها ايفانز ونحط بداله الكابيتانو وااوك يالاجرام بالمهاجمين , البنقالي افضل مباراة له من بدأ الموسم مع مباراة الدرع الصراحه انفجر فجره اليمه وجت ع راس البلوز خخخ, ولايهون دي خيا اليوم كان قدها ولو الهدف مادخل حق توريس شرط النجوميه تروح له ,النجوميه يتناصفها ثلاثه من عندنا وواحد من البلوز ناني وجونز وخيا
ومن عندهم توريس , ابثرنا اليوم بتحركاته واشغل المدافعين وشكله راجع توريس فيدتش خخخخ

مبروووك منشستراويه نفر نفر
ومبرووك جلنار ع التعيين

قهر كنت متوقع نفس النتيجة بموقع ثاني

رحــ هلالي ــال · #2163 19/09/2011, 03:21 PM

ألف مبروك تعيين جلنار

إحتمال مشاركه بوجبا أمام ليدز بكأس الحليب

أتمتى من السير إراحة الكثير من الاعبين أمام ليدز

20 الكاسر ياسر 20 · #2164 19/09/2011, 05:16 PM

الف مبروك هالانتصار المهم في عقر دارنا

ماتخوفت امس الا من ثلاث اشياء ، ماتا وايفانز واندي ، حتى دي خيا اللي البعض متخوف منه
كنت واثق انه راح يقدم مباراه كبيره ، تخوفت من ايفانز لأنه مايقدم مستوى قدام اللاعبين المهاريين
والسريعين امثال ماتا ، وحتى جونز يشاطره بالصفه هذي وكنت اتمنى سمولي هـو الـمدافع مـع
ايفانز لكن قدموا مباراه جيده وماقصروا ، اندي كنت متخوف لأنه ومثل مالكل يـعرف مـباراه كويس
ومباراه ثانيه كويس برضو لكن لازم يشطح بكم لقطه

امس كان له كم تمريره خـاطئ وهـذا اللي
ممنوع اطلاقا امام فريق مثل تشلسي وبنص ملعبك .. فليتشر ومستواه كـان جيـد بالنسـبه للاعـب
عائد من فتره غياب طويـله ، وبعيييد عن مسـتواه الحقيقي وننتظر فلـيتشر الحقيقي واوعـدكم اذا
ماصارت ظروف اصـابـات وانتظم بالمشـاركه ، 3 مبـاريات وبيضبط وضـعه .. الشوط الاول كنا
مسيطرين تماما على المباراه ، لكن الشوط الثاني وبطبيعة الحال حاول تشلسـي يلـحق باللـي بقـى
من المباراه ونجح بالهدف الاول وهددنا باللقطه اللي ضيع فـيها توريس الهجمه اللـي مـدري شـلون
ضيعها الله لايبلانا

ودخول كاريك طبعا كان للمحافظه على القوه الدفاعيه بالنص

دي خيا بدا يقدم مستويات ترضي باسمه وباسم مانشستر ،، وماكان فيه شك بقدراته لكن بالبدايه
كان الموضوع صعب بالنسبه له ،، ياليت احد يقدر يجيب لنا لقطة الصده اللي تشبه صدة كاسياس
قدام اشبيليه .

ناني طول المباراه ماكان جيد بما فيه الكفايه رغم انه سجل هدف رائع ،، روني الى الان يقدم
مستويات ولا اروع .. واتمنى يستمر على كذا .

جلنار ، الف مبروك
معتز ، مبروك اللقب يامخضرم

من غيرك ياهنري · #2165 19/09/2011, 05:40 PM

لاتكرهوني بس لقيت هالصورة

جوناثان · #2166 19/09/2011, 05:53 PM

إقتباس

الرسالة الأصلية كتبت بواسطة من غيرك ياهنري


	لاتكرهوني بس لقيت هالصورة

بكل صراحة للتخلف عنوان

ريدفيلزي · #2167 19/09/2011, 06:42 PM

ترى هـ الرد مكتوب من بعد الفجر

’،

مبروك الفوز

وانا اقرا التعليقات احس مَ عندي شيء اقوله ..
بعض النقاط اللي حصلت بالمباراة سواء بالتشكيل او التبديلات ..
تمنيت ضد تشلسي بالذات في هالفترة يكون فالنسيا ظهيرنا ونشوف ثنائية سمالينغ وجونز بالقلب , ايفانز نقطة
ضعف تروع قدام فريق مثل تشلسي الولد فيه برود عجيب ولقطات يتشتت ذهنيا ولقطه وحده كفيله بأنه يكبنا فيها !
فرصة راميريز بالدقيقة 27 تقريبا اللي تصدأ لها دي خيا ترى فيها كمية فهاوة من ايفانز .. صحيح الكورة مرت بالعمق
من عند جونز لـ توريس لكن رجوع ايفانز للتغطيه كانت متأخره ويأشر لحكم الراية .؟!!! وتارك راميريز ومعه
ستوريدج فاضين .؟! الولد ما ينفع دام هذا مستواه غير بالدكه , يعني اذا فيه حل يتركه بالدكه فـ هو بيكون في الغالب
حل افضل من وجوده بالقلب

شغله ثانية وهي دخول كاريك , صحيح كان متوقع كـ خيار أول لكن مَ توقعته يكون على حساب اندي ! ممكن
يكون على حساب خافيير ويكون تبديل تكتيكي لاستحواذ الوسط وبنفس الوقت نقوي دفاعنا للمحافظه على النتيجة
وبرضو عندنا ثلاثي ناني واشلي وروني قادرين على التسجيل , تبديل كاريك بـ اندي غيّر بالوسط لكن بشكل سلبي
صراحه , الفارق بين هاللاعبين بهالمباراة لو تلاحظون بأن اندي "رغم ان مستواه اقل من السابق" الا انه كان
فعال اكثر من كاريك , كان يبحث عن الكورة وكان هو حلقة الوصل بين الدفاع والاطراف والمهاجمين

تشوفه يحترق ويحاول يسوي شيء بعكس كاريك اللي اشوفه في كذا كورة تجيه من المدافعين يرجعها وما كأن
له دور ببناء الهجمه ! او حتى مَ يفتح صح للاعبين الوسط عشان يوصلون له الكور ! شيء عجيب من كاريك
صراحه ! مخالف جدا جدا لمستواه بنصف الموسم اللي فات

يبقى عندنا أمل لـ رجعته المخيس

من هنا تغير الوسط عندنا وصار اضعف وصرنا نفتقد الكورة كثير وفقدانها يتسبب بضعف بناء الهجمه ..
الفريق بشكل عام مَ قدم المستوى المأمول منه ممكن هالشيء يرجع لـ سبب حالة فليتشر وما ألومه
وان شاء الله تدريجيا بيرجع .. ومب مطول , وبرضو روني رغم هدفه وخطورته الا ان مستواه اقل من المباريات
اللي راحت , وبرضو الرقابة القوية على اشلي حدت من خطورتنا .. موعودين بمستويات افضل
هذا اللي حبيت اعلق عليه ..
والحمدلله الجولة في صالحنا , عطلنا منافس وخذينا النقاط كاملة وبرضو منافس ثاني يتعثر اللي هو السيتي

’،

مبروك معتز

اي والله مخضرم , وللأمانه استمتع بردودك انت وواحد معنا بالرآبطة أحس اني اكتفي بالقراءه واللي
فـ بالي تسبقوني فيـه

تستآهل :$
عبدالله , هذا وانت مشرف واخضر وما تعرف الجمع .؟ حرر ردك تكفى

مبروك محمد جلنآر , الله يوفقك وعقبال مَ تفرح بـ زوآجك

’،

ترى عندنآ مباراة بكرة ضد ليدز بالكارلينغ

الوافي001 · #2168 19/09/2011, 08:09 PM

هاه كيف خشمي .. مرتفع ولا عادي ؟؟

لكل اللي باركوا بردودهم وباركوا بقلبوهم : الله يبارك فيكم ويخليكم لي

.. وانسب هالفضل بعد الله لعزيزي وحبيبي عبدالله

.. قلوب من هنا لتبوك .. وعط شوي لجلنار بما انه صار الاستاذ .. ماشاء الله .. الله يوفقه ..

خلونا نرجع لتحليل المباراة .. اقوى مباراة هالموسم .. وشفنا الدفاع والوسط اضعف مما هو عليه بالعادة .. لكن اللي فرق هالموسم انك باي لحظة تتوقع هجمة وهدف للمان وهذا المهم بالنسبة لي .. مليت وانا كل سنة امدح في الدفاع وكيف ان دفاعنا افضل دفاع بالفريق ومن اواجه فريق قوي تلقاني اشوف خياس بخياس وحتى لو فزت تلقاك تمدح وانت من داخل منتب مبسوط .. الاهم بالنسبة لي المتعة .. انا اشجع علشان انبسط ما اضيق صدري .. واللي صاير الحسن مرضيني وممتعني ومكفيني زي ما يقول علي اللي دوامه فلة .. اجل يناظر مباراة امس وهو بالدوام !!!!!!

اللي اعجبني امس هو ايفانز .. وكنت اقول بتويتر انه هو نقطة ضعفنا الوحيدة .. وبكل صراحة امس كان قد المباراة وما اندفع وانبرش انبراشاته المخيسة ..

اندرسون اللي كنا نقول انه هو زبدة الفريق ضاع مع اول فريق كبير نلعب ضده .. نيك كوباك مدير التحرير بالموقع الرسمي واللي اثق شخصيا برؤيته وتحليله قبل المباراة قال ان اندرسون بيضيع تحت الضغط .. وصار اللي صار .. لكن اللي اعجبني فيه اعتذاره للاعبين بعد ما ناول لتوريسة

.. ( حلوة توريسة صح )

روني بعد ما ضيع البلنتي قام يضحك .. مباراة ما شفت مثلها بحياتي بالتضييع والاستهبال .. اجل كورة توريس ولا راميريز ولا روني ولا بربا هذي كلها اربع اهداف + البلنتي خمسة اهداف مش ممكن تجي زيها طول الموسم كيف كل هذا بمباراة وحدة .. صدقوني لا جت الورست قول اتيمتس نهاية الموسم راح نشوف ثلاث من الخمس المذكورة ..

هالمباراة بالنسبة لي ولاغلب جمهور مانشستر اثبات : هل فريقنا بالجودة اللي كنا نشوفها بالمباريات الاربع الماضية ؟ وابغى اشوف وجهة نظركم بهالنقطة بعد مباراة امس ..

بالنسبة لي اشوف ان فريقنا تحسن كثيييير من ناحية بناء الهجمة .. ابدا ما جاء وقت في المباراة وتحس ان الفريق عاجز .. حتى بعد ما جابوا هدفهم الاول كان المطلوب من فريقنا انه يهدي اللعب ويمتص حماسهم زي ما كنا نشوف في المواسم الماضية .. اللي صار ان فريقنا هجم وقام يضيع .. نخلي نقطة التضييع على جنب .. المهم ان فريقنا وصل وبغى يسجل ..

نرجع للتضييع .. اتوقع وتقريبا متأكد ان الهجمات اللي ضيعناها في هالمباراة بس اكثر من الاربع المباريات اللي قبلها ..

نفوتكم على خير .. قال يوم وطني .. يوم وطني والعالم تنحاش من المملكة وانا اولهم ..

Imishary · #2169 19/09/2011, 08:11 PM

إقتباس

الرسالة الأصلية كتبت بواسطة MANU10


	هذا هو ظالتنا خلينا نتكلم شوي بالمنطق مع عودة كليفرلي راح يكون عندنا اندي وكليفرلي وفليتشر وكاريك ، اندي الواضح انه انسجم مع توم ، كاريك الحقيقه انا استبعد عودته لكاريك اللي نعرفه اما بخصوص فليتشر فـ صعب جداً هالموسم يرجع لنا فليتشر 2009 ممكن الموسم القادم نشهد عودته وابداعه من جديد فـ اتمنى ان فيرغي يلقط مودريتش بالانتقالات الشتويه ونشوفه اساسي بجانب احد الاربعه وشخصياً اتمنى يكون بجانب توم لأني اتوقع حنشوف شي مش طبيعي وشي خورافي بوجودهم مع بعض لأنه بكل امانه صعب جداً تحقق الابطال الا بوجود لاعب مثل مودريتش بالمحور او بمستوى مودريتش ممكن يكون الالماني شفايني او دي روسي طبعاً هالاسمين صعب جداً جداً يطلعون من انديتهم لذلك مودريتش اشوفه الاسهل ===================================

أنت تقرى أفكآري ؟

مودريتش

شفآيني

دي روسي

نحتآج وآحد منهم.. بسسسسسس

خصوصن .. مودريتش

أتمنى أشوفه بالميركآتو الشتوي

~

Blue Beast · #2170 19/09/2011, 08:16 PM

الوافي001

-

على البركة الخضرمه ياشايبنا ض1
ومنها لمناصب عليا ض1 | ..

\\

الحمدلله عاد النت بعد انقطاع استمر ساعات والجمدلله تم الاصلاح ..

\\

لنا عودااات

Blue Beast · #2171 19/09/2011, 09:04 PM

آوين : ناني من افضل لاعبين العالم |.

--

أشاد مهاجم مانشستر يونايتد مايكل أوين بزميله في الفريق لويس ناني واصفًا إياه بأنه واحد من أفضل اللاعبين في العالم بعد المستوى الرائع الذي قدمه اللاعب البرتغالي هذا الموسم.
وساهم ناني في فوز الشياطين الحمر على تشيلسي أمس بثلاثة أهداف لهدف مسجلاً واحد من أجمل أهداف الموسم الجديد، ليتصدر الفريق ترتيب البطولة.

وقال أوين عبر حسابه على موقع تويتر الاجتماعي عقب مباراة البلوز "يالها من مباراة؛ لقد كانت رائعة في كل شئ".

أضاف "هدف لويس ناني كان مميز للغاية، لديه موهبة رائعة وهو من أفضل اللاعبين في العالم".

وعلق أوين على مباراة الفريق القادمة أمام ليدز في كأس كارلينج "نحن الأن نوجه اهتمامنا لمباراة ليدز يوم الثلاثاء، مباراة لن تكون عادية والتنافس فيها سيكون علي أشده".

abu_malek88 · #2172 19/09/2011, 10:35 PM

بالمبارك التعيين يا محمد علي العيسي

حافظ اسمك لأنك أحد الأشخاص اللي يجمع جمهور اليونايتد في شبكة الزعيم على محبتك والكل يتمنى لك حياة سعيدة وعودة سريعة إلى الشرقية

معتز

=> بالمبارك , تستاهل كل خير يا صديقي

للتذكير ..
الثلاثاء 9:45 مساء
يحل المانيو ضيفاً ثقيلاً على ليدز يونايتد ..
المباراة منقولة على +5
المناسبة : الدور الثالث من الكارلينج كاب.

سولفوا عن إختيارات السير واللي عنده إضافات يقدمها لنا ..
بصراحة مباراة تشيلسي استنزفت طاقتنا بشكل كبير >> أتكلم عن نفسي طبعاً

Hilal United · #2173 19/09/2011, 11:33 PM

.

.

مبرووووك الفوز زعماء

و هـ التصميم لعيونكم

.

.

عاشق فنك يانمر · #2174 20/09/2011, 12:31 AM

مبروووووووووووووووووك لنآ

وإن شآء الله رآح نأخذ كل نقآط المبآريآت

لكي نظفر بالدوري إن شآء الله

keef_7alk · #2175 20/09/2011, 12:40 AM

كشف خبير التحكيم الانجليزي غراهام بول من خلال حديثه مع الديلي ميل
ان مانشستر يونايتد حرم من ركلة جزاء واضحة امام تشلسي يوم الاحد

كان هناك قرارات اخرى للحكم كان لها آثار كبيرة على المباراة
فمثلا هدف سمالينج كان تسلل وركلة جزاء اليونايتد كان غريب احتسابها
ناني لم يتعرض للضرب داخل الصندوق وهدف ناني المذهل تسلل

dailymail