ياشين طاري كالديرووون
..
عموماً بإذن الله مايروح انتظارنا هباااء
..

ارق تحياتي

أختلف معك كثيراً ،

خصوصاً وكثير من المعلومات التي أوردتها خاطئة وبعضها ناقصة وغير دقيقة.

الإدارة لا تملك عصى سحرية ولم تقدم وعود كاذبه

ربما تستقي هذه الوعود التي أوردتها من الإعلام والذي فبرك الكثير منها.

عندما يظهر الأمير ويقول سنحاول نعالج أخطاء هذا الموسم في الموسم القادم ، فذلك لا يعني أنه قال : أعدكم بموسم استثنائي !!
وعندما يقول سنسعى للتعاقد مع مهاجم متميز لا يعني أنه قال : أعدكم بمهاجم عالمي.
( هذه أمثلة فقط ) لبعض ما أوردتَه

فالنقد يا صديقي يبنى على الواقع وليس الأخبار المفبركه

أنا أشوف الادارة تعمل بجد وتسعى بكل جهد للرقي بالفريق ، فمحاولة تلفيق التهم لها وإدعاء عليها بأقوال لم تقلها ، حرب ضدها وتكسير لمجاديفها

أتمنى التأكد من صحة ما تطرحه قبل طرحه ، وأتمنى أيضاً أن لا تعمم رأيك وكأنه معتقد سائد لجميع الجماهير

فأنا لم أكن مع التوقيع مع كالديرون ولكن لست أراها كما تقول تخبط و كنا مؤمنين وواثقين بأنه قرار ترقيع

فالتوقيع مع كالديرون كان مطلب الجماهير
وأغلبية الأعضاء في هذا المنتدى كانوا مع قرار التوقيع مع المدرب وأذكر أن الكثيرين اختلفوا معي فيه
ولكن رأيهم كان منطقي ويحترم حتى لو لم أقبل به وليس ترقيع !

إقتباس الرسالة الأصلية كتبت بواسطة Dr.Diet موضوعك تشائمي جدا ... اتمنى انك تعطيني خبر او تصريح للامير عبدالرحمن بن مساعد ذكر ان اللاعبين اللي راح يتم التعاقد معاهم عالمين .. اعطيني الخبر او رابط الخبر او تصريح الامير ... الامير في اكثر من مناسبه ذكر ان المحترفين القادمين راح يكونو اضافه للفريق ومستوياتهم متميزه ماوعد انه راح يحضر عالميين .. اترك عنك خزعبلات الاعلام وركز في كلام الامير .. ...

حياك الله اخوي .. وتراك طاير بالعجه الله يصلحك
انا اللي اتمنى تعطيني كلمه وحده في المقال قلت فيها ( أطالب بلاعب عالمي )
تراك ترد على كلامي بشي من راسك الله يسلمك

اقرا الموضوع زين قبل ترد .. ولا تطبل للاداره ترا عندهم اللي يطبلهم اكثر منك
:

إقتباس الرسالة الأصلية كتبت بواسطة أبــو بــنـدر وعندما يقول سنسعى للتعاقد مع مهاجم متميز لا يعني أنه قال : أعدكم بمهاجم عالمي. ( هذه أمثلة فقط ) لبعض ما أوردتَه !

حياك الله ابو بندر
وانت مثل خويك اللي فوقك .. طايرن بالعجه الله يسلم عمرك
انا في المقال كله ما ذكرت او طالبت بـ( لاعب عالمي ) .. شككتوني في نفسي
لدرجه اني رجعت اقرا المقال اكثر من مره .!

اتمنى انك يوم تدافعون عن الاداره .. ما تتبلون على كاتب الموضوع .. فقط فقط فقط

.

إقتباس الرسالة الأصلية كتبت بواسطة mushary وربك يستر من الموسم الجاي.. والله يصبرنا على الوعود الوهمية..

والله وانا اخوك صرنا دايما نقول الله يستر من الجاي
تسلم على حضورك الجميل

كلاااااااااااااااااام سليييييييييم

من الخطأ ان نحكم قبل بداية الموسم ..

خل الإداره تشتغل بصمت ..

الإداره يوم جابت قيرتس ..
ولا واحد توقع ان قيرتس بينجح كذا !

اخوي الكريم الاعب الافريقي يلي يلعب بالدوري الدنماركي بعد ماطلعت اخبار ان الهلال له نيه بالتوقيع معه ارتفع العقد الى الدبل فما بالك هذا وهو لاعب يعني في الامكان افضل من ذا الاعب اما المدرب الجيد يلي له سجل يشفع له وله انجازات اقصد مدربين النخبه صعب تلقى مدرب فاضي او بمعنى يجي لمنططقتنا لان فكرهم عنا غير وقت مايجون يكتشفون انه غير واكبر دليل شف المغاربه بالمنتديات والمواقع كيف شابين على عادل ويوسف في ناس يضربون من تحت الحزام يخربون عليك والدليل شف الشباب والاهلي وقت ماصرحوا بالمدرب والاعبين مافي احد زاحمهم ولا كن الهلال لا والف لا لازم يخربون وانا مع الاداره وبالنسبه لكالدي انا كنت من اشد المعارضين لاني كنت ابي اسيا وعارف ان الدوري راح يجي مع كالدي او غيره لاكن الاداره ادرى واعلم بشونها وشوؤن عملها لنا النتائج ومايصير نطلب النتائج وحنا جالسين خلف اجهزتنا ونسب فلان ونتقد فلان انت دورك كجمهور التشجيع والتشجيع من القلب والحضور والموزره ودعم الاعبين والادراه وتشجيعهم وانا عجبت صراحه ماحصل من استقبال لعادل من الجمهور بالمطار واتمنى بالملعب وقت ماالجماهير تصرخ وتقذف لاعبينا نرد عليهم بالقلب الجامد ودمتم وتقبل مروري

موضوعك مميز ..

يعطيك آلعــآفيه ومششكور

إقتباس الرسالة الأصلية كتبت بواسطة هلالالالي مووووت اما المدرب الجيد يلي له سجل يشفع له وله انجازات اقصد مدربين النخبه صعب تلقى مدرب فاضي او بمعنى يجي لمنططقتنا لان فكرهم عنا غير وقت مايجون يكتشفون انه غير

كلام غير صحيح وغير منطقي ابدا .. فقد تواجد هنا بالسعوديه والخليج اباطرة عالم التدريب وعلى رأسهم زاجالو وكارلوس البرتو باريرا وبروشتش و ميلوفان ايفتش و ايريك جيرتس والقائمه تطول واخرهم رايكارد ..

إقتباس الرسالة الأصلية كتبت بواسطة هلالالالي مووووت في ناس يضربون من تحت الحزام يخربون عليك والدليل شف الشباب والاهلي وقت ماصرحوا بالمدرب والاعبين مافي احد زاحمهم ولا كن الهلال لا والف لا لازم يخربون

هذي سلمك الله حيلة العاجز .. اذا ما قدر على شي قال المخربون .. اذا وجد مخربون لماذا لا يصرح بأسمائهم او مرجعياتهم .. انا من جهتي مللت هذه الاسطوانه .. والشباب عمل بتركيز كبير وبإحترافيه عاليه وبصمت وافرزت سياسته بالتعاقد مع مدرب رائع ومحترفين اقل مام يقال عنهم ( مصايب ) خصوصا ابراهيما ياتارا .. والله يستر منه
ابراهيما ياتارا = طارق التايب × 3

إقتباس الرسالة الأصلية كتبت بواسطة هلالالالي مووووت انت دورك كجمهور التشجيع والتشجيع من القلب والحضور والموزره ودعم الاعبين والادراه

ودوري ايضا كعاشق لهذا الكيان ان ابين الاخطاء التي وقعت فيها الاداره .. كي لا تقع فيها مرة اخرى وان وقعت فبالتأكيد لن تكون اداره جديره بموقعها
اما ان امدح وأشيد لمجرد المدح فهذا هو ( التطبييل ) الذي ابتليت ادارتنا به

شكرا على حرصك

اتفق مع بخصوص المدرب فعلا المدرب تاخر وقت يمر بسرعه

احس مدرب الجاي مدرب مش حالك !


لكن بخصوص هرماش والعربي

إقتباس الرسالة الأصلية كتبت بواسطة وجهات وأبعاد : * يا سمو الامير ويا ادارة الهلال .. وعدتمونا بموسم استثنائي والى الان لم نرا سوى هرماش وعربي ولا نعرف مستوياتهم ولم نشاهد لهم ما يشفع بالتعاقد معهم ( حتى الان ) [RIGHT][COLOR=black

بالعكس روح شوف مقاطعهم باليوتيوب لاعبين مبدعين

لاهنت

إقتباس الرسالة الأصلية كتبت بواسطة وجهات وأبعاد حياك الله اخوي .. وتراك طاير بالعجه الله يصلحك انا اللي اتمنى تعطيني كلمه وحده في المقال قلت فيها ( أطالب بلاعب عالمي ) تراك ترد على كلامي بشي من راسك الله يسلمك اقرا الموضوع زين قبل ترد .. ولا تطبل للاداره ترا عندهم اللي يطبلهم اكثر منك :

لا ابشرك اخذت بهلول وفرقة حسبه الله واحيينا لهم حفله عند باب النادي من التطبيل ...

لكن ماجاوبت على اسئلتي .. اعطيني تصريح الامير اللي قال لاعبين عالميين ... وكم مره حضرت المباره بالملعب هالموسم ؟؟

إقتباس الرسالة الأصلية كتبت بواسطة وجهات وأبعاد : * يا سمو الامير ويا ادارة الهلال .. وعدتمونا بموسم استثنائي والى الان لم نرا سوى هرماش وعربي ولا نعرف مستوياتهم ولم نشاهد لهم ما يشفع بالتعاقد معهم ( حتى الان ) [RIGHT]* وعدتمونا بمدرب عالمي ( خلال يومين ) وهذه اليومين امتدت لأسابيع .. ودي اعرف يومكم كم ساعه .؟؟ شكرا

واعتقد هالجزئيه من كلامك تبين اللي قلت الا اذا كان اللغه اللي تكتب فيها بالصيني فهذا شيء ثاني ... من اللي وعدك

وشوف رد الامير على العينات اللي من امثالك ...

إقتباس الرسالة الأصلية كتبت بواسطة Dr.Diet لا ابشرك اخذت بهلول وفرقة حسبه الله واحيينا لهم حفله عند باب النادي من التطبيل ... لكن ماجاوبت على اسئلتي .. اعطيني تصريح الامير اللي قال لاعبين عالميين ... وكم مره حضرت المباره بالملعب هالموسم ؟؟ واعتقد هالجزئيه من كلامك تبين اللي قلت الا اذا كان اللغه اللي تكتب فيها بالصيني فهذا شيء ثاني ... من اللي وعدك وشوف رد الامير على العينات اللي من امثالك ...

ههههههه الله يصلحنا واياك انت من تطبيلك للاداره ما عاد تعرف تقرا عربي

انا ما عمري طالبت ( بلاعب عالمي ) بس واضح ان الموضوع التبس عليك وتبي تدافع عن الاداره بأي وسيله
حتى الاقتباس اللي اخذته من كلامي لا يوجد فيه مطالبه ( بلاعب عالمي ) انا قلت انهم وعدوا ( بمدرب ) مثل ما وعدونا بأن هناك ( مدرب عالمي ) يشاهد الفريق ويتابعه في الفتره التي كان جيرتس ينوي الرحيل للمغرب .. واخرتها صفعونا بالتعاقد مع ( كالديرووون )

ياخي ركز شوي الله يهدينا وياك .. وان ما فهمت كلامي لحد الان ( فالله المستعان )

وبعدين لا تنسى ان اختلافي معك لا يعني اني ما احترم رايك
.