|| رابطة عشاق فالنسيا ♥ الخفافيش ♥ 2011 / 2012 || - صفحة رقم 50 - نادي الهلال السعودي - شبكة الزعيم

VALENCIANISTA · #736 28/08/2011, 03:32 PM

السلام عليكم
رائد يعطيك العافيه ياحُبي ما قصرت
..
هلالنسيا ، هلا هلا حياك الله ، نورت الرابطه يا بعدي .. بس على السريع إسمك عشان نعرف نناديك و نسولف معك

..

من خق معه كثري ؟

هلالـ9ـي · #737 28/08/2011, 04:46 PM

ايمري يعطي لاعبين الفريق راحه لمده يومين

- بعد نهاية المباراة في الشوط الثاني من الموسم بين فالنسيا وراسينغ، قررت أوناي إيمري
راحه لمده يومين الاحد والاثنين .

- سيعود الفريق للتدريباات يوم الثلاثاء 30 اغسطس , الساعه 9:30 ص .. في سيوداد دي باتيرنا ديبورتيفو .

هلالـ9ـي · #738 28/08/2011, 05:05 PM

بيرنـات يلعب بالليغا وهو فـي سن 18 سنـة
Bernat se estrena en Liga con 18 años

كافىْ المدرب أوناي ايمري اللاعب الشاب بيرنات للعب لاول مره امس في دوري الدرجة الاولى
ضد راسينغ سانتاندر .

ץάмύйτ έмέя · #739 28/08/2011, 08:54 PM

هـ الاجـواء الخرافيه في الديره خربت الاتصالات وماقدرت ادخل امس والاكيد انكم فاقديني

الف الف مبرووووووووووووووووووك الفـوز

الفريق ماقصر وقدم مستوى ممتاز خاصة في الشـوط الثاني
بيـاتي و بيرنات كانو ضيوف شرف في المباراه
كاناليس من البدايه اثبت انه مميز وباذن الله مع الوقت بيكـون من نجوم المـوسم
عادل رامي خرااااااااااااااافـي

ايمـري من اول مباراه يقلب النتيجه ويرد على الي يقـولون مايعرف يقراء المبـاريات !!

من اول ماتعاقدو معه وانا اقولكم صفقـة خرافيه لـ فالنسيا
لاعـب كبيـر

يحتاج لاعبين صاحين معه وبعدها بنشوف الدفاع افضل بـ كثير

إقتباس


	*ايمري وش كان ناوي عليه يوم طلع ريكاردو كوستا ؟ الهدف الثالث غلطة توبال

إقتباس


	اللي رجع مكان كوستا اللي مش مكانه اصلا .. الحقونا بسنتر مانبي حواق زي كذا

بالنسبة لي ما الوم ايمري على اي شي يسويه في الدفاع
ايمري قالها لـ الاداره من بداية الصيف جيبو مدافع ولكن الى الان على وضعنا
وايمري واضح انه ماهو مقتنع في كوستا

VALENCIANISTA · #740 28/08/2011, 09:19 PM

^
أنا قلت طق به عرق بعد الثالث

..
إيمري صح نجح و قلب النتيجه و يُحسب له ، لكن المغامره زي كذا مهوب على كل حال بـ تنجح ، ممكن تقابل فريق أقوى
من راسينغ ، و الله إن يدق خشمك

، عـ العموم قلتها فوق فوز مع عوده بعد التأخر بـ فارق هدفين شيء ممتاز و مطمئن
رامي ! أنا آسف على كلامي عنك أول ما تعاقد معك الفريق

، يبي واحد يكمله و خلاص نبي نرتاح إن شاء الله من بلاوي
الدفاع المستمره من سنوات .
..
ابو خليل ، لا معليش ينلام لو إخترع زي كذا ، لو إنهزمنا صدقني بـ تنقلب الدنيا على راسه بعد تبديلاته ، و لكن فزنا ولله الحمد
و هذا ما يخلينا نقول فريقنا توب خلاص ! باقي شغل ، و نوصل لـ أعلى مستوى إن شاء الله !
..
فيه أحد تابع الحفله اليوم خخخخ ؟

faisal... · #741 28/08/2011, 09:53 PM

إقتباس


	اوف أخيرا تفعلت العضويه مابغت

حياك الله اخوي بين اخوانك

مانقوى نقولك شي المدير خاق مع النك بتاعك يعني اقوى واسطه

.

إقتباس


	هـ الاجـواء الخرافيه في الديره خربت الاتصالات وماقدرت ادخل امس والاكيد انكم فاقديني

شوي فقدناك ما اقول الا الشمس لاتحجب بغربال

إقتباس


	كاناليس من البدايه اثبت انه مميز وباذن الله مع الوقت بيكـون من نجوم المـوسم

قايلكم من اول انه فنان انا من اول وانا ابيه يجي لفلنسيا قبل ما ينتقل للريال لكن كان صعب والحمد لله تحققت امنيتي وشفته بفالنسيا هذا اللي بيخفف غياب ولد الفلبينيه.

إقتباس


	ايمـري من اول مباراه يقلب النتيجه ويرد على الي يقـولون مايعرف يقراء المبـاريات !!

ابراهيم هذي مغامره وليست قرائه للمباراة لو صحيح قاري الخصم مادخل بتشكيلته هذي لكنه كان مستهين بالخصم والدليل اشراك بيرنات من البدايه وموجود جوناس وكناليس وكوستا وماثيو احتياط لكن عدت على خير .

إقتباس


	رامي ! أنا آسف على كلامي عنك أول ما تعاقد معك الفريق

يوم انا وابراهيم نصيح ونقول فنان ماصدقت انت وحزبك والحين لابد انت وحزب تعتذرون لابراهيم

إقتباس


	فيه أحد تابع الحفله اليوم خخخخ ؟

على البركه علاوي نمت ولا تابعتها لكن شفت الاهداف والله يا انا فرحت اهم شي كسرتوا عين ابو خشم كبير السير

اهم شي فريق ولد الفلبينيه وناصري فاز وحبايبي لعبو فيهم لعب.

.

ץάмύйτ έмέя · #742 29/08/2011, 01:22 AM

إقتباس


	أنا قلت طق به عرق بعد الثالث

هههههههههه
عشـت على اعصابي ومع الهدف الرابع مدري وش صار لي

إقتباس


	ابو خليل ، لا معليش ينلام لو إخترع زي كذا ، لو إنهزمنا صدقني بـ تنقلب الدنيا على راسه بعد تبديلاته ، و لكن فزنا ولله الحمد و هذا ما يخلينا نقول فريقنا توب خلاص ! باقي شغل ، و نوصل لـ أعلى مستوى إن شاء الله !

بالله كيف ينـلام وهو من بداية الصيف وهو يقول يبغى مدافع
واضح جدا انه مايثق في كوستا ومن حقه مايلعبه
وايمري ماعنده الا توبال بدل كوستا لان ديالبيرت مستحيل يعتمد عليه

إقتباس


	فيه أحد تابع الحفله اليوم خخخخ ؟

هههههههههههههههههههههه
والله قلتها ارسنال بيختفي هالموسم بسبب سياسة افاشل فينجر
اجل يبيع لاعبين مهميـن وماعنده بـديل وحتى ماتعاقد مع لاعبين زي الناس

إقتباس


	إيمري صح نجح و قلب النتيجه و يُحسب له ، لكن المغامره زي كذا مهوب على كل حال بـ تنجح ، ممكن تقابل فريق أقوى من راسينغ ، و الله إن يدق خشمك

المدرب وضيفته يحط الخطه على الفريق المنافس
تأكد ان الخصم لو كان مختلف بيكون تفكير ايمري غير
يعني هالشي يحسب له ومالها داعي نطلع احتمالات ثانيه
وبعد لو مشت الامور صح كان فالنسيا فاز بـ 6 اقل شي

إقتباس


	شوي فقدناك ما اقول الا الشمس لاتحجب بغربال

ياشيخ مافيه احد احسن منك هنا

انت احسن واحد تمدحني

إقتباس


	قايلكم من اول انه فنان انا من اول وانا ابيه يجي لفلنسيا قبل ما ينتقل للريال لكن كان صعب والحمد لله تحققت امنيتي وشفته بفالنسيا هذا اللي بيخفف غياب ولد الفلبينيه.

الولد اعرفه كان يبهـذل كل الفرق مع الراسينغ
كانت الفرق لما تلعب معهم ماتخاف الا من كاناليس
كان قريب منا اول ولكن الحمدلله جانا الحيـــن

إقتباس


	ابراهيم هذي مغامره وليست قرائه للمباراة لو صحيح قاري الخصم مادخل بتشكيلته هذي لكنه كان مستهين بالخصم والدليل اشراك بيرنات من البدايه وموجود جوناس وكناليس وكوستا وماثيو احتياط لكن عدت على خير .

فهمني كيف استهـان !!!؟
بيرنات كان الواجب على ايمري انه يلعبه ببساطه لان الولد مجتهد ومقدم مستوى ممتاز في كل المبـاريات الوديه
واذا على كاناليس صعب يلعبه وهو حتى في الوديات ما شارك
اما ماثيو الافضل حاليا البا واثبت هالشي امس
و كوستا لعب بانيغا الافضل
و جوناس صعب يلعبه صانع لعب وموجود بيرنات و كاناليس

عالعموم ايمري قراء المباراه صـح وتغييراته هي الي فوزتنا
دخـول كاناليس و تينـو و جوناس غيرت المباراه

إقتباس


	يوم انا وابراهيم نصيح ونقول فنان ماصدقت انت وحزبك والحين لابد انت وحزب تعتذرون لابراهيم

في هذيك الفتره كان الاختلاف بسبب العناد بس
وانا متأكد ان مافيه احد في العالم يفضل ديميكليس على رامي
ولكن شغلت عناد فقــــط

VALENCIANISTA · #743 29/08/2011, 03:31 AM

إبراهيم ، أنا أقصد لما طلع ريكو كوستا و رجع توبال بـ كذا ماعندك لاعب بـ الوسط دفاعي و صارت كل مرتده لـ راسينغ هدف إلاّ شوي
و هـ الشيء ما يغامر به المدرب إلاّ في حالة إنه يلعب خروج مغلوب ، يعني تكون خاربه خاربه ، كان من الأولى يأخر التبديل شوي و
إن تأزم الوضع أكثر غامر ، و أنت شفت بـ نفسك مرتدتين لـ راسينغ وحده قول و الثانيه إنبرش عليها رامي بـ شكل غريب و ساهمت
رجعة ألبا السريعه بـ تخليصها و لا كانت رابع ، على فكره ألبا الموسم هذا تحسّن دفاعياً بـ شكل كبير و الظاهر ماثيو بـ يدفّي الدكه كثييير
..
مسألة رامي ، صدقوني يا جماعه ما كانت عناد و لا شيء ، اللاعب ما كنت أعرفه و لما أقارنه مع ديميكليس أكيد بختار الأرجنتيني لـ
أني عارف مستواه ، صح عنده أخطاء ، لكن بـ شكل عام اللاعب ممتاز ، عموماً رامي حسب ما شفته إلى الآن صفقه ناجحه و يبي له
واحد معه و الأمور بـ تكون بـ خير إن شاء الله .

VALENCIANISTA · #744 29/08/2011, 03:46 AM

ملاحظين إن صفقة رويز تأخرت ؟ يا خوفي يطلع اللي قريته صحيح ! نابولي لـ الحين ما وجد البديل و هذا ممكن يخليه يتراجع
و يرفض عرض فالنسيا ! و المصيبه الكبرى إن الميركاتو ما بقى عليه أكثر من يومين بس ! الله يستر .
..
مع ذلك أنا قريت في موقع إسمه " فالنسيا بلازا " إن رويز خلاص رسمي منتقل بس باقي الإعلان عن الصفقه ، بس التأخر سبب
لي قلق صراحه ، و خوفي من فركشة الصفقه ! ما فيه وقت أبداً لـ التعويض !

ץάмύйτ έмέя · #745 29/08/2011, 04:31 AM

إقتباس


	إبراهيم ، أنا أقصد لما طلع ريكو كوستا و رجع توبال بـ كذا ماعندك لاعب بـ الوسط دفاعي و صارت كل مرتده لـ راسينغ هدف إلاّ شوي و هـ الشيء ما يغامر به المدرب إلاّ في حالة إنه يلعب خروج مغلوب ، يعني تكون خاربه خاربه ، كان من الأولى يأخر التبديل شوي و إن تأزم الوضع أكثر غامر ، و أنت شفت بـ نفسك مرتدتين لـ راسينغ وحده قول و الثانيه إنبرش عليها رامي بـ شكل غريب و ساهمت رجعة ألبا السريعه بـ تخليصها و لا كانت رابع ، على فكره ألبا الموسم هذا تحسّن دفاعياً بـ شكل كبير و الظاهر ماثيو بـ يدفّي الدكه كثييير

صح طلع المحور الدفاعي ولكن في الملعب كان فيه محورين
الفريق كان سيء دفاعيا حتى بوجود كوستا وكان الافضل من ايمري يغامر من البدايه وماينتظر لان بقى كوستا او مغادرته نفس الشي
صح هي مغامره ولكن تأكد لو انها امام فريق قوي ما كان شفت المغامره بالطريقه هـذي

إقتباس


	مسألة رامي ، صدقوني يا جماعه ما كانت عناد و لا شيء ، اللاعب ما كنت أعرفه و لما أقارنه مع ديميكليس أكيد بختار الأرجنتيني لـ أني عارف مستواه ، صح عنده أخطاء ، لكن بـ شكل عام اللاعب ممتاز ، عموماً رامي حسب ما شفته إلى الآن صفقه ناجحه و يبي له واحد معه و الأمور بـ تكون بـ خير إن شاء الله .

ديميكليس فضيحه وحتى لو ماتعرف رامي مدري كيف فضلته عليه
اولا كبير بالعمر و ثانيا اخطاءه كثير وشفناه مع ملقا
اما رامي يكفي انك تعرف انه اساسي مع فرنسا ومن اهم اوراق بلان

إقتباس


	ملاحظين إن صفقة رويز تأخرت ؟ يا خوفي يطلع اللي قريته صحيح ! نابولي لـ الحين ما وجد البديل و هذا ممكن يخليه يتراجع و يرفض عرض فالنسيا ! و المصيبه الكبرى إن الميركاتو ما بقى عليه أكثر من يومين بس ! الله يستر .

السوبر نزلت خبر اليوم وفيه ان الصفقه انتهت بشكل كامل بـ مبلغ 8 مليـون ويقولون الاعلان الرسمي بيكون اليوم

PRINCE-VCF · #746 29/08/2011, 07:36 AM

عالعموم ايمري قراها صح .

وتراك بدوري كنه كأأس خساره واحده تأثر على ترتيبك .

المووهم شوفو هالقمطع > خخ

مرحــبا فيك هلالينسيا نورت الرابطه

اخوك / أمـير

ץάмύйτ έмέя · #747 29/08/2011, 07:56 AM

الراسينـغ يثير المشـاكل في خط الدفاع

* حاليا الخوف من ضعف الدفاع في الفريق ، من الواضح ان ايمري لا يريد ان يكون كوستا شريك لـ رامي في الدفاع لـ ذلك نقل التركي توبال الى خط الدفاع .

* فالنسيا قريب من التوقيع مع مدافع نابولي فيكتور رويز وفي الساعات القليله القادمه سيتم التوقيع رسميا لـ مدة خمس مواسم قادمة ، الكاتلـوني صاحب الــ 22 عاما جاء لــ يقوي الدفاع المريض بجـانب عادل رامي .

* حاليا فالنسيا يتفاوض مع نابولي على طريقة دفع الـ 8 مليـون يورو ، نابـولي يريدها على دفعتين وفالنسيا يريدها على ثـلاث فعات ، ولكن تبقى هذه خلافات بسيطه وفيكتـور رويز سيـوقع لـ فالنسيا .

* بعد التوقيـع مع مدافع بروليو لا ينسى معركة الظهيـر الايمــن ، حـدثت تطـورات كثيره في هذه الناحيـه ، يبقى المفضل هو التركي جـونول دون ان ننسى هـوغو مالــو و اندريـاس بيـــك .

Hilalencia · #748 29/08/2011, 08:49 AM

تسلمون حبآيب قلبي ثآنكس لكل اللي رحبوا فيني كلن بأسمه

وكل عام وانتم بخير مقدما

أي صح سوري نسيت اعرفكم بنفسي

اسمي محمد

طبعا هلالي فالنساوي صميم واعشق هالاثنين

برجع احكي بالمباراة المستوى مآيطمن لكن اللي يهونها انها اول مباراة بالدوري والفريق فيه تجديد وعناصر جديده عن الموسم اللي فات

فطبيعي نشوف عدم التجانس وان شاء الله الفريق يتحسن تدريجيا مع ان قدامنا مباريات قوية والله يستر على صغارنا ونفسياتهم

بانيغا بالنسبه لي حاليا هو السوبر ستار بالفريق والنجم الاول ويستاهل الـ 10

كاناليس يبشر بالخير بقوه وبياتي لاعب مهاري وفنان بس لازم نصبر عليه

واتوقع لازم نظهر قوتنا الهجوميه من بدري غلط نبداء مع فرق ضعيفه بمهاجم واحد

اسف اذا طولت عليكم

ودي..

PRINCE-VCF · #749 29/08/2011, 09:52 AM

ملخص مشاركه كناليس امام راسينغ

...................

هـل يستحق ( سولدادو ) شاره القياده بعد تألقه فالمباراه الاولى ؟

ولماذآ ؟ >>> نحرككم شوي

faisal... · #750 29/08/2011, 04:23 PM

إقتباس


	فهمني كيف استهـان !!!؟ بيرنات كان الواجب على ايمري انه يلعبه ببساطه لان الولد مجتهد ومقدم مستوى ممتاز في كل المبـاريات الوديه واذا على كاناليس صعب يلعبه وهو حتى في الوديات ما شارك اما ماثيو الافضل حاليا البا واثبت هالشي امس و كوستا لعب بانيغا الافضل و جوناس صعب يلعبه صانع لعب وموجود بيرنات و كاناليس

صحيح بيرنات مجتهد بس ماتلعبه من اول المباراة لعبه الشوط الثاني , وبعدين بيرنات وابياتي كانو بنفس المكان والدور لذلك تلقاهم دائم يتخالفون لو انه لعب ابياتي يسار وجوناس وسط كان افضل , وبالنسبه لكاناليس توه طالع من بطوله وجاهزيته اجهز من اللي عندك , انا كان قصدي يلعب ماثيو جناح زي مايسوي مباراة البرشا لانه سريع ورفعاته مضبوطه , ليش صعب يلعب جوناس صانع لعب الولد يلعب صانع لعب وصناعته خرافيه لكن انا ودي يلعب مهاجم خلف سولدادو ووراه ابياتي وكاناليس بيطلع هجوم خرافي.

إقتباس


	هـل يستحق ( سولدادو ) شاره القياده بعد تألقه فالمباراه الاولى ؟ ولماذآ ؟ >>> نحرككم

انا من رايي انه مايصلح قائد لانه عصبي ويتنرفز بسرعه واذا تنرفز ماينفع ولا بريال فالكبتنيه بتخليه يحتك مع الحكم كثير وهذا بيعرضه للطرد.

ياشباب وش صار على المدافع والظهير وسمعت ان فيه اسم جديد دخل المفاوضات.

..