السلام عليكم ورحمة الله وبركاته

عطني فريق زي ميلان مغلوب خارج ارضه 3-0 وينهي المباراة 4-3

هذا الفريق اللي يلعبون فيه رجال ووراهم مدرب رجال

موب لاعبين يتمغنجون ويرفعون ضغط الجمهور

والا مدرب متحجر باع زيغلر على حساب حبايبه الطليان دي شيلي وقروسو والبعير الهائج كليني
والا كوالياريلا اللي بدع العام مع ديل نيري في اسوا موسم لليوفي
لاعب بدع مع مدرب داج وفريق دايخ وش بيسوي اذا الفريق تحسن ؟
ومع ذلك راكنه بالاحتياط على حساب خطة المهاجم الواحد واذا تشجع ولعب مهاجمين يلعب حبيبه المزاجي فوزنتش

قلناها انا وحظيظ اول الموسم وان شاء الله ما يتحقق كلامنا
ان الموسمين اللي راحو بيتكررون مع كونتي

لكن ان شاء الله ما يكون كلامنا صحيح

السلام عليكم ورحمة الله وبركاته

إقتباس الرسالة الأصلية كتبت بواسطة La Vecchia Signora ^ ^ هلا ناصر بتكلم عن ميلان اليوم لأني شفت المباراة كاملة فوزهم وقلبتهم النتيجة ماهي طبيعية , ليتشي تخاذل وتغير 180 درجة بالشوط الثاني وين ذيك الحشرة وتطبيق تكتيك الضغط على الميلان في مناطقهم اللي كان الشوط الاول ليه اختفى الشوط الثاني ؟ لا اخفيك اني تذكرت مكالمة قالياني بالشوط الاول , بكيفكم يالربع لو بتقولون موسوس بس والله اللي صار بالشوط الثاني ماهو فراسة من اليغري ولا انفجار من البرنس ليتشي سلم المباراة بطريقة غريبة وتثير الشك ايطاليا ليست طاهره وآخر الفضائح كان الموسم الماضي ( فضائح المراهنات ) ولما تشوف نفوذ ميلان القوي وكيف تم تبرئته سابقاً تبدا تفكر بشكل اعمق في هالاحتمالات اتحداك تلقى اي ميلاني كان يتوقع تنتهي المباراة بهالسيناريو الغريب عموما هالرجاجيل على قولك لهم موسم كامل مع بعض وابطال الموسم الماضي ومتجانسين على اسلوب اليغري اللي ماعمره تغير يرص لك 4 مدافعين و 3 محاور في الدفاع وامسك الكورة قد ما تقدر ولازم يكون هجومك فيه عناصر تملك كرييتفيتي عشان يزبنونك ويعطونك حلول اليوم قلبة النتيجة ماهي جود في المدرب لأنه كان بادي غلط اصلا وطلع لاعب ودخل لاعب ما غير بالسستم ولا شعره ولكن تخاذل ليتشي العجيب و الغريب هو السبب بالنسبة لزيقلر حسب ما سمعت و قريت انه جاي بينه وبين كونتي تتش بالتمارين الاستعدادية للموسم الظاهر كونتي معطيه سبه بالايطالي لأنه مب يتمرن زي ماهو مطلوب منه وعشان كذا ما كمل مع الفريق بالنسبة لكلامكم عن فريقنا وان مصيره مثل اخر موسمين اختلف معكم تماما وان شاء الله الوعد نهاية الموسم ان ما تأهلنا للابطال فمحنا صايرين اقل من الرابع ( واللي في نظري يبقى نجاح في ظل ظروف الفريق وقوة الكالتشيو هالموسم ) وتونا يارجال الجولة السابعة , فريقنا ما انهزم ولا مرة ولا حتى تهدد بالهزيمة وسجله الهجومي و الدفاعي حلو جدا يبيلنا وزنيات بسيطة وتعلم من الاخطاء من الكل كونتي و اللاعبين وصدقني وارد جدا ناخذ الاسكوديتو هالموسم , يناير جاي والكالتشيو مستواه الحالي يحفزك تدفع ممكن نختلف لكن كل شخص له نظرته واسبابها تعديل : رقم طااازه توه طالع من خويي راعي الاحصائيات اليوفي هو اكثر فريق يستحوذ على الكورة بالكالتشيو حتى الآن بمعدل ٦٢.٢٪ في كل مباراة يااا رجل الصبر الصبر هالفريق ما كمل ٣ شهور مع بعض واختلف كلياً عن المواسم الماضية

يا فيصل انا ضدك تماما بسالفة ميلان
اذا استمرينا وراء اوهام المؤامرات صدقني الفريق بيدحدر زود

هذا اللي دمر النصر
ادارة وجمهور ولاعبين يعتقدون الحكام ضدهم

وهذا اللي كان يخوف الناس من اليوفي ان عنده نفوذ ومدري ايش
فكان يخش المباراة والفرق الثانية ترتعب منه لانها اوهمت نفسها

مسألة عودة الميلان طبيعيه جدا ودائما الفرق الكبيرة تقلب الطاولة ايا كانت النتيجة

يعني الهلال والقادسية مثلا, الهلال تخاذل بالشوط الثاني لان الدوري فيه مافيا ؟
كلام غير صحيح اطلاقا

ليتشي شافو قدامهم رجال فكبو عشاهم وتورطو واكلوها على قفاهم

فريق مرقوع 3-0 ويهاجم بشراسه اكيد الفريق الثاني بيكش
احسن من فريق فايز 2-1 وبملعبه ويرجع يكمش بالدفاع تقل حمامة ذبحها البرد

معليش اللي ماياكل بيده ما يشبع
اليوفي هو اللي ضيعها على نفسه مثل المثل العربي اللي يقول بيدي لابيد عمرو
كان بامكان اليوفي يقصي جنوى بس تخاذل الفريق وجبن المدرب

سالفة المؤامرات انساها

موضوع زيغلر فالبلا من انيللي اللي ما تدخل وحل الاشكالية
اجل يرضى ان زيغلر يروح ويقعد على الثلاثي المرح
العروسة دي شيلي والكهل قروسو والارعن كليني

بكرة 99% ماراح اشوف المباراة بشرى سارة لهلالية ماركة واحمد رافانللي
لاني ابحضر زواج واتوقع الوقت ماراح يسعفني
بس علشانكم منيب شايفها