03/10/2011, 01:50 PM
|
 | محرر رابطة يوفنتوس | | تاريخ التسجيل: 07/12/2010 المكان: Riyadh
مشاركات: 743
| |
يارب لك الحمد 
مثل ما ذكر اخوي مبارك هالسعادة كلها ماهي بس للفوز على ميلان او حتى تصدر الدوري من بدايته الى الآن
لا ابداً والله كل هالفرحة لأننا كنا في حاجة ماسه نشوف فريق يمتلك اساسيات النجاح على الاقل ( لاعبين + مدرب )
كنا نحتاج نشوف الفريق مركز 90 دقيقة ويقاتل على كل كورة ويفرض سيطرته وشخصيته بالملعب
كنا نحتاج نشوف اللاعبين يحترقون ويساعدون بعض على سستم معين معروف لدى الكل ماهو ارتجاليه لاعبين واخطاء مدرب
ما ودي اتهور واستجعل بالحكم واقول ان هالفريق يمديك تهايط به من الحين على لقب الدوري
لكن كل المعطيات الاولية تبشر بالخير لمستقبل مشرق وباذن الله هدفنا بالوصول لمركز مؤهل للابطال راح نوصله
بخصوص مباراة الميلان فهي بصراحة غير قابلة للتحليل لأكثر من سطر واحد
سيطرة مطلقة لليوفي مع ضغط شديد ارهق دفاع ميلان حتى اتت الاهداف بنهاية المباراة من الامير ماركي وذهبت المباراة لمن يستحقها
وعلى طاري ماركيزيو له احصائية بسيطة ان جميع اهدافه الثلاثة هالموسم كانت في العشر دقائق الاخيرة ( حاسم )
عموماً يارب لك الحمد , تعاملنا مع المباراة بطريقة موفقة ولا اشوف ان كونتي فاز بالحظ او مشت معه , الرجل فاهم شغله وياكثر ما قال ان المباريات لا تحسم الا بالدقيقة 95 وتبديلاتي دائماً تكون هجومية بالشوط الثاني لتفكيك الخصم وارهاقه بشكل اكبر لفتح الثغرات وايجاد الاخطاء
من المفارقات الحلوة
يقولكم اقل فريق سدد على المرمى في مباراة بالدوري هو بارما بتسديدة وحدة كانت بمباراتهم ضد اليوفي بملعب اليوفي
و ثاني اقل فريق سدد على المرمى في مباراة بالدوري هو ميلان بتسديدتين فقط كانت بمباراتهم ضد اليوفي بملعب اليوفي ( امس )
لكم التعليق
الله يتمم ان شاء الله ويصملون الربع لأن البداية الفعلية للدوري راح تكون بعد الرجعة من المنتخبات امام كييفو ومن بعده
يعطيكم العافية ومبروكين مره ثانية |
![★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ](iconimages/t1032154_rtl.gif)
26Likes
الوضع المتطور
