05/09/2011, 05:57 AM
|
 | محرر رابطة يوفنتوس | | تاريخ التسجيل: 07/12/2010 المكان: Riyadh
مشاركات: 743
| |
أخوي مدهال 
انا ما قدرت اوصل وجهة نظري مضبوط 100% , قصدي ان الفريق كان يعاني بشدة من الأمور الأساسية لنجاح أي فريق وهي المدرب واللاعبين والإدارة , و جتنا ثورة التغيير لحل هالأمور الثلاثة جميعها في موسم واحد ( تغيير الإدارة والمدرب و جلد الفريق ) فالوضع الطبيعي ان النتائج لن تكون مبهره في أول موسم , و طبيعي راح يتبين للجميع ان الفريق خاضع لـ مطرسة اينيللي و ماروتا بينما في الحقيقة لا " الفريق في مرحلة بناء " , فريقكم حتى لو كان ماسكه موجي بدال ماروتا اتحدااااااه يرجع اليوفي في موسمين بس بعد ما كان في حالته المزريه بموسم فيرارا , موجي بيتفوق على ماروتا بأنه غالباً بيحتفظ بالجواهر الخمسة ويبني عليهم لين تنفرج مادياً ويوقف الفريق على حيله من جديد ومحد يقدر يتكهن بالمدة اللي راح يحتاجها بالضبط , غير كذا ما اظن في حلول كانت متوفره وانسب من هالحل
السيتي صرف الى يومكم ما يقارب 6 مليار حسب ما قريت و قش لك من هالنجوم الى بكرة بس متى تأهل للأبطال ؟ في موسمه الثالث !! مع إن الاستقرار الفني موجود والإدارة اللي تصرف موجودة !! فكيف بفريقنا المنتف من بعد الصعود من كل الجهات ؟
بالنسبة لإستعراضك للصفقات الموسم الماضي اخالفك الرأي وبحتاج بعض التفصيل
( موتا - تراوري - ريناودو - بيبي - مارتينيز - سورنسين - اكويلاني - كوالياريلا - ستوراري )
اللي بالأحمر ممتازين للدكة وادوا بشكل رائع الموسم الماضي واستغرب انك ما ادرجت بيبي معهم , هاللاعب كديناه الموسم الماضي لين قلنا بس ما بين جناح أيمن وأيسر وظهير أيمن و أيسر ولا قال أح
مارتينيز كنا جايبينه عشان نبادله بكولاروف بس سحب علينا لوتيتو الله ياخذ شكله وطاح بتسبودنا , مع انه كان علامة فارقة مع كاتانيا بالموسم اللي قبله لاعب 25مباراة و 9 اهداف و اسستين , بس ما ظهر معنا بالشكل المطلوب لأصابته بكسر في القدم في مباراة الميلان الدموية اللي فزنا فيها , وكذلك لأنه ما لعب بمركزه المفضل خلف المهاجمين , عموما سبب استقدامه الاصلي مبادلته مع كولاروف وما تحقق هالهدف
تراوري و ريناودو ما كلفوك ولا مليون يورو اثنينهم ويوم يجون وقتها كانوا تدعيم لدكة الفريق الخايس ذاك الوقت مو عشان يكونون اساسيين وقتها
موتا هو اللي باط تسبدي فعلا 
( ماتري - توني - بارزالي )
جو بيناير و كلهم ابطال ويصلحون احتياطي بقيمة الأساسي وآخر اثنين جو مجاناً بعد
بالنسبة للبيع
( اماوري - ياكونتا - غروسو - موتا - بيبي )
اماوري و غروسو رافضين يطلعون من الفريق تماماً ورفضوا كل العروض اللي جتهم وش دخل ماروتا ان اللاعب عافط يدك وما يبي يطلع وغصب يبي يكمل عقده ؟ خصوصا اماوري اللي مستغل خطأ الادارة السابقة بإعطاءه هالراتب الخيالي !!
ياكونتا كيف تقدر تبيعه وهو كل موسم يقص شريط افتتاح غرفة المصابين ؟ مايتفاهم الا بـ 40 يوم وفوق وكل اصاباته بالركبة تقل متقصد وشلون بتقدر تبيعه ذا ؟
بيبي زي ما قلت اشوفه كويس كإحتياطي وممكن يعطيك بأي مركز وانا مع جلوسه
موتا يمكن سبب بقاءه قلة اللاعبين بالدفاع , يمكن لو جانا قلب دفاع اضافي كان شفنا موتا برا وتحول سورنسن الى احتياطي للظهير الأيمن
بالنهاية لما نقيم العمل لازم نشوف وش الهدف اللي كان مطلوب ومدى تحقيقنا له , وفي رأيي ان نسبة نجاح 8 لاعبين من اصل 12 لاعب جبناهم الموسم الماضي لتدعيم دكة فريقنا اذا اكتمل هي نسبة كويسة جداً , وراح يكتمل شكل الفريق مع اللاعبين اللي جو هالميركاتو ولا راح ينقصنا سوى توفيق الله ثم شطارة كونتي و حبة مدافع خبير
عموماً الحكم النهائي المفترض يتم في نهاية الموسم واتمنى تكون النهاية سعيدة ومغايرة للمواسم الماضية 
تفضل يا صديقي |
![★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ](iconimages/t1032154_rtl.gif)
26Likes
الوضع الشجري
