| إقتباس | | | | |
الرسالة الأصلية كتبت بواسطة S ạ M i | | | | | | | |
السلام عليكم ,,
بخصوص مباراه اليوم مع برشلونه آسف قصدي ريال بيتيس .. صراحه فريق مهزوز جداً وبلا شخصيه ,,
ومنهو ريال بيتيس على شان يطقطق على اليوفي ..!! بجد والدليل من متى نشوف الملك ديل بييرو وماركيزيو يطلعون من طورهم !!
تذكرت ايام الشغالة كامو اذا شاف الفريق كذا اخذ كرت احمر واشترى مخه ,,
اذا كونتي بيستعمل هالتكتيك اقوله موسم آخر للنسيان ومباراه ناقصها لاعب واحد .. فيلبي ميلو مكانه شاغر ولو انه احمق بس الحق ينقال اذا بعت ميلو جيب وحش مكانه هات لي دي يونغ ..!!
وفيه موضوع ثاني لازم ننتبه له اليوفي ما يملك نجم ليش ما شريت سانشيز اليوفي يفتقد لصناعه اللعب ..!
ليش ما شريت اقويرو .. ليش ما شريت جوزيبي روسي ..!! وش ابي بالكديش باتزينزا ومارتينيز وموتا وطقته !!
من بعد اعتزال الزئبقي نيدفيد مافيه اي صناعه لعب للفريق كل الاهداف يالله شباب شدو حيلكم ..!!
بصراحه انا مثل ديل بييرو وماكيزيو طلعت من طوري وندمت اني تابعت المباراه اجل طول المباراه بيتيس ماخذينا طقطقه !!
فمان الله | | | | | |
كلام كليييييييييم .. كلام كلييييم
انا معك باغلب كلامك وما اختلف معك بشي كثير ... سالفة النجوم هذي غالبا ماهي سياسة النادي !!
يعني النادي يلقط لاعب لاعبين يشوف انهم مشروع نجم زي كامو وزي دلبييرو وبرضه كثير من اللاعبين بس يكون الاختيار بحنكه ...
يعني يجيب لاعب صغير توه طالع ويطقه زي تريزي وابرا وزيزو ومو مشكله يدفع بس شي مضمون وقليل ما يجيب لاعب نجم كبير يعني بالثلاثين !!
وما اعتقد ان هذي مشكلة اليوفي !! اا اشوف انه اليوفي عنده افضل عناصر فريق بالدوري الايطالي
لكن المشكله الي شفتها قدام بيتيس هي خطة المدرب !! يعني اذا بيتيس هالفاشل هالنتفه هالسفله هاللي لا اتحاد اوروبي ولا دوري ابطال ولا شي يسوي فيك كذا .. وش بتسوي بدوري كامل ؟؟
يعني صح ميلو مكانه فاضي لكن وش الي خلا مكانه فاضي
4
2
4
فريق كأنك تتابع الدوري الانقليزي قبل 7 سنوات كله كور طويله ومافيه تقارب بين اللاعبين
ماركيزيو وبيرلو ويالله زفها اوفر لباسكواتو ولا كراسيتش .. لييييش هالعمل ؟
دخل محور ثالث والعب 4-3-3
ولا خلك على خطتك وعط توجيهات للأطراف انهم ينزلون ويقربون للمحاور وما يمنع توجه انهم يكونون بوسط الملعب يعني عيب انت مدرب ومعطيهم توجيه انه خلك باخر الملعب وتجيك كوره !!
طريقته الي سواها قدام بيتيس تناقض كل كلامه الي يقوله نبي استحواذ وغيره .. اي استحواذ وانت لاعبينك كل واحد بزاويه !!
اوكي خل باسكواتو باخر الملعب وخل كراسيتش باخر الملعب بس العب ب3 بالوسط ... يعني ماهو عيب انك تتعلم من افضل فريق بالعالم حاليا .. وبنفس الوقت هو يبي استحواذ على الكوره وافضل فريق يستحوذ على الكوره هو برشلونه
طيب برشلونه؟؟ خلاص كيت وكيت وكيت وتعلم !!
ميسي ينزل للوسط فيا وبيدرو كلهم يكونون قريبين من انيستا وتشافي وبنفس الوقت تحصل الاظهره صارو اجنحه !!
يعني فيه تبادل مراكز !!!
عموما هي مجرد وديه ويمكن يتعلم من ودياته والكلام هذا عن المباراة هذي وتكتيكه بشكل عام !!
واذا استمر على نفس الموال وعننند عليه فا ابشركم بفيرارا جديد !!!
لكن اليوفي 2 اكثر فريق دفع فلوس بهالميركاتو ... كنت اتمنى انهم ما يغلطون غلطة السيتي !!!
فلوس فلوس فلوس ونجوم ونجوم ونجوم وبالاخير مدرب كمخه !!
النجوم ما يجيبون البطوله !! لكن البطوله تطلع النجوم
والي يبي يستفيد يشوف ويقارن بين السيتي والمان !! اجل فريق فيه براون واوشي وفليتشر وبزران ماتدري منهم وياخذ الدوري ؟؟؟
لاااا وازيدكم من الشعر بيت !! طبعا الكل يعرف ان المان فاز قبل سبوع على السيتي بالكاس
السيتي جايب لاعبين عليهم الكلام زود على النجوم الي عندهم !! المهم
2-0 الشوط الاول للسيتي !!
قبل يبدا الشوط الثاني السير جا وسوا ثلاث تغييرات ... من طلع ؟ فيديتش + فيردناند+ كاريك اي واحد يشوف هالتغييرات يستغرب ... لكن اذا شفت الي دخلو بتستغرب اكثر !! قام ودخل 3 لاعبين كلهم شباب الكبير بهم عمره 19
اي واحد يشوف هالتغييرات يقول المدرب استسلم وقلبها استعداد للموسم لجديد
بقدرة قادر صارت النتيجه 3-2 نتيجه ومستوى
وهنا الفرق بين مدرب يعرف شلون يفوز وبين مدرب ينتظر نجم يخدمه !!
فيه امل تكون خسران قدام الميلان ولا انتر وتروح تطلع بوفون وماركيزيو وبيرلو وتدخل لاعبين من البريميفيرا ؟
تعبت وانا اقول ااه يالمدرب المضمون
... لكن ان شاء الله يكون كونتي على قد المسؤليه