اسمحوا لي ادخل معكم في النقاش بصخوص الميركاتو الصيفي

اول شئ حنا نشوف الفريق الاساسي كامل , الا في راس الحربة التقليدي هو المركز الوحيد اللي ناقص
اما باقي الاحتياجات فهي لتدعيم الدكة او لتقوية الاساس
يعني نقدر نقول تقوية الاساس في :

1- جلب مهاجم صندوق ممتاز جدا ( كافاني + قوميز + سولدادو )
كافاني :
مميز جدا وخبرة كبيرة في الكالتشيو ويعتبر الخيار الاول
قوميز :
يعتبر الخيار الثاني , لاعب ممتاز وشايل هجوم البايرن على ظهره ,
هداف الدوري الالماني ب 23 هدف + ثاني هداف في الابطال ب 12
سولدادو :
الخيار الثالث , متابعه من بداية الليغا , ما يرحم قدام الباب , ممتاز جدا , لكن نسبة نجاحه في الكالشيو ما تتعدى 40%

هيغوايين , نهاىيا ماني مقتنع في اللاعب , يلعب بربشة , ماتري اطلق منه

2- ظهير ايسر او قلب دفاع :
ما عندنا احتياط لدي تشيلي , لكن يقدر يلعب كليني او كاسيريس في ذا المركز , وفي حالة انه حب يعتمد على واحد منهم كبديل لدي تشيلي في حالة الايقاف او الاصابة لا سمح الله , فهو يحتاج بديل في قلب الدفاع او احتياطي لليشتاينر
وانا افضل انه يجيب ظهير ويخلي كليني يركز في مكانه
( غاريث بيل + بالزاريتي + كولاروف )
بيل :
لا يختلف عليها 2 في العالم , لكن صعب جدا في ضل تنافس برشلونة وتشيلسي والسيتي عليه
بالزاريتي :
وجهة نظري انه لاعب ممتاز وعارف اجواء الكالتشيو وعارف اجواء النادي بحكم انه لعب معنا في فترة سابقة
كولاروف :
ممتاز جدا , اتوقع نجاحه بدرجة كبيرة

طبعا ما ننسى لازم يجدد لكاسيريس , الولد شغاااااااااال

3- جوكر في الوسط :
احتياط الفريق على الدكة جدا ضعيف , جياكريني صغير ويعك في الكورة كثير, استيغريبيا اتوقع كونتي شال اللاعب من تفكيره
, ايليا نهائيا كونتي مو مقتنع فيه , اتوقع جا كفكر استثماري وادخاله في اي صفقة , كراسيتش انتهت ايامه في النادي
(باستوري , شنايدر , شفاينيشتايغر )
باستوري :
كلنا نعرف مستواه , ابدع مع باليرمو والحين مبدع مع بي اس جي , زيدان الجديد
شنايدر :
صفقة لو تمت اعتبرها ضربة معلم من ماروتا , الانتر مو متواجد في الابطال الموسم الجاي ان شاء الله
اللاعب اكمل 3 سنوات مع الانتر , حقق فيها كل شئ , اتوقع خروجه بشكل كبير
شفاينيشتايغر :
من افضل لاعبي الوسط في العالم , لاعب ثقة ومميز جدا جدا , اعتقدر انه خيار اول لماروتا
طبعا باستوري ممكن يرضى بالدكة , لكن شفايني وشنايدر في حال قدوم واحد منهم تنقلب التشكيلة 4 وسط

4- لاعب خلف المهاجمين :
نحتاج فيه لاعب سوبر وافضل من فوزي
( سواريز + لافيتزي + كويت )
سواريز :
لاعب اشغل العالم بعد المونديال , سريع ومهاري من الدرجة الاولى وهداف مميز
لافيتزي :
خبرة في الكالتشيو + مهارة + سرعة , كل هذه مقومات تخليك تفكر في اللاعب
كويت :
الليفر يبي يستغني عنه , لاعب مظلوم اعلاميا , يقدم ادوار مهمة في المقدمة مع الليفر و الطواحين


انا ما تطرقت للجوانب المادية , لان الخزينة منتعشة بعوائد الملعب وعقود الرعاية وباقي فلوس العلامة التجارية
اللي راح يسمى الملعب باسمها , والفريق اللي يبي يطلع للعالم ويقول انا رجعت المفروض ما يطالع كم راح يدفع
اتمنى اشوف التشكيلة الموسم القادم :

بوفون
دي تشيلي - كيليني - بارزالي - ليشتاينر

بيرلو - شفاينيشتايغر
شنايدر - فيدال

سواريز - كافاني

اعتبروه حلم اعتبروه خيال اعتبروه جنان , بس كلي ثقة في ماروتا اذا شال فكرة اللاعبين الايطاليين من راسه
هذه مجرد خيارات واطروحات ممكن في لاعبين نسيتهم , ممكن في لاعبين ماني مقتنع فيهم


اسف على الاطالة , لكن حبيت ابدي رايي في الموضوع واطرح خياراتي

اخوكم فراس الاحمدي