25/12/2011, 05:49 PM
|
 | محرر رابطة يوفنتوس | | تاريخ التسجيل: 07/12/2010 المكان: Riyadh
مشاركات: 743
| |
رد اعجبني جدا جدا جدا من احد اعضاء منتدى اجنبي لليوفي
يشرح وضع الفريق الحالي وحاجته الفعلية بالميركاتو 100% و طريقة البناء الصحيحة للفريق
ترجمته لكم للاطلاع ولو حبيتوا تعلقون عليه
___
اخيرا بعد فترة طويلة تصدرنا الكالتشيو بالتوقف الشتوي , هذا معناه ان فيه شغل ماشي صح بالنادي والفضل لكونتي
كونتي اكتشف ان خطة 4-3-3 هي افضل خطة تناسب الفريق و مجموعة اللاعبين اللي يمتلكهم
ومن الواضح ان ثلاثي الوسط الحالي هم اقوى ركائز الفريق لسبب بسيط ان الوسط بأكمله يحتوي على لاعبين بجودة عالية
من الطبيعي انك ما تغير تشكيلة او خطة قاعدة تجلب لك الفوز , ومن الواضح ان كونتي لا يفكر اطلاقا بالتغيير في ثلاثي هالوسط , بالتالي لازم نعتمد على هالحقيقتين ونركز على بناء الفريق عليهم ( خطة 4-3-3 و ثلاثي الوسط ثابت دائما )
هذا يعني ( بتواجد 25 لاعب , منهم 11 لاعب يبدأ المباراة بخطة 4-3-3 ) راح نحتاج :
- 2 حارس
- 2 ظهير ايمن
- 4 قلوب دفاع
- 2 ظهير أيسر
- 6 لاعبين وسط
- 6 مهاجمين
+ 3 لاعبين منهم حارس احتياطي ثالث , ولاعبين آخرين يفضل يكونون قادرين يلعبون بمركزين او اكثر
مثل ما ذكرت سابقا ان نقطة القوة الرئيسية عندنا هي ثلاثي الوسط , تخيل لو اصيب واحد من فيدال او ماركيزيو او بيرلو وكان غيابه لمدة شهر او اكثر , هل تفضل باتزينزا يكون الخيار الاول كبديل كل هالمدة ؟ ما اتوقع , عشان كذا انا رايي انه بيكون شي ممتاز لو كان عندنا بديلين اضاقيين للوسط , واحد منهم على الاقل لا يقل عن جودة الثلاثي الموجود الحين .
بالنسبة للهجوم , نحتاج الى 6 مهاجمين في خطة 4-3-3 ولكن بخليها 7 للظروف , المشكلة اننا الحين عندنا 12 لاعب محسوب على الهجوم !!
توني , الملك , فوزي , كواليا , كرازيتش , بيبي , جياكيريني , اماوري , ياكونتا , ستيغ , ماتري , ايليا
نحتاج نقشع 5 منهم
اماوري , توني , ياكونتا هذولي 3
و الملك هذا آخر موسم له يعني صاروا 4
باقي واحد وراح يكون من احد هاللي مراكزهم الاصلية جناح
لأننا فعليا بنصير ما نملك الا 3 مهاجمين حقيقيين وهم ماتري وكواليا وفوزي ولذلك بدال هالجناح نجيب مهاجم حقيقي اضافي
____
تقريبا هذا اللي قلته قبل ان كونتي توهق بالسكواد اللي عنده لأنه مقرر قبل بداية الموسم ان خطته راح تكون 4-2-4
وبالتالي شفنا تكديس اجنحة بالميركاتو الماضي بناء على هالقناعة
اوافق صاحب الرد تماما في كل ما قال
وبعض من كلامه قاعدين نشوفه الآن من اخبار بيع اماوري وتوني وياكونتا , والتخلص من جناح ( كرازيتش ) وجلب مهاجم ( بورييللو )
و تعزيز الوسط بلاعب شاب ( ابليت ) ولاعب بجودة عالية ( قوارين/مونتوليفو/بالومبو )
|
![★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ](iconimages/t1032154_rtl.gif)
26Likes
الوضع العادي
