~( وفقا للاخبار القادمه من الصحف الانكليزيه اليوم حيث اجمعت ان اللاعب كولاروف خارج اسوار الستيزن في يناير القادم لان اللاعب ماكسويل لايجد له مكان مع الفريق الكاتالوني و انه مطلوب من قبل المدرب مانشيني على الرغم من وجود كليتشي لاكن روبيرتو يفضل بديله له لانه غير مقتنع بالمره باللاعب الصربي و يبدو ان اللاعب كولاروف مطلوب من قبل اليوفنتوس و انه سيوضع على قائمه اللاعبين المغادرين و على اليوفنتوس ان يبدأ الهجوم و من المتوقع ان يبدا التحرك من النادي الايطالي في الاسابيع القادمه )~

~( كالعاده يكتب اسطوره اليوفنتوس الخالده الي على صفحته على الفيس بوك و قد كتب قبل قليل :~

~: يوم امس لقد لعبنا بشكل جيد و قدمنا مباراه جيده و كانت مفيده لنا و للاعبين و الان نحن نستعد لمباراه الانتر في السان سيرو يوم السبت و الى اللقاء جميعأ )~

هالبطل عاد وقضى ياتركي بس المدرب ما يلعبه يقول انه ما بعد تجهز لا هو ولا ايليا


استيقاريبيا حتى الان وضعه مش ولابد ولا يعرف وش يسوي بالملعب


ايليا ودي اشوفه ولو كان جناح هجومي بحت ولا يفقه بالدفاع اي شي لكن لعل وعسى كونتي يغير به


الله يستر من الانتر والله متخوف منهم رغم ضعفهم الا ان مدربهم تسلب يعرف يشحن لاعبينه بمثل هالمباريات

السلام عليكم ..عمتم مساءاً

أعتقد أن تعادل الانتر مع اتلانتا اليوم أمر سلبي ماودي يأثر على مباراة السبت

الشئ الثاني ..مو كل مباراة نفس التشكيله ..الاستقرار مطلوب بس مع الانتر لا

اظن العوده لخطة اليوفي امام الميلان هي انسب حل .

تحياتي لكم واعذرونا على الغياب .

إقتباس الله يستر من الانتر والله متخوف منهم رغم ضعفهم الا ان مدربهم تسلب يعرف يشحن لاعبينه بمثل هالمباريات

رانييري دايم يعطي اللقائات الكبيره اعتبارات خاصه

اليوم بدل زاراتي وشنايدر عشان يرتاحون للقاء السبت والمشكله انه ما ضمن نقاط اتلانتا

بس اذا تكلمنا بالتكتيك وعزلناه عن اجواء انتر يوفي المشحونه

فـ ما اتوقع انتر رانييري ياكل عيش مع يوفي كونتي والسبب ان لعبهم بطئ مره وبناء الهجمه عندهم ياخذ سنه ودفاعهم اي كلام.

في المقابل يوفنتوس يعتمد على الضغط على حامل الكره وما في فريق يقدر يجاريه إلا الي يلعب كره سريعه وهجوميه مثل جنوى الله يقلعهم.

/

إينتر - يوفنتوس

نابولي - يوفنتوس

يوفنتوس- باليرمو

لاتسيو - يوفنتوس



الفريق امامه لقائات مصيريه بتحدد اذا كان بينافس على المراكز الثلاث الاول قبل اجازة الكرسميس



اربع نقاط من ملعب السانسيرو والسان باولو مكسب في نظري

فوز وتعادل شي جميل وبيخلينا نحافظ على الصداره ونتخطى اللقائات الكبيره

وبعدها يجي الدور ننتقم من التسلاب باليرمو في النيو ستيديوم

السلام عليكم ورحمة الله وبركاته

مبروك الفوز والثلاث نقاط الثمينة جدا

شباب راسلو الموقع الرسمي وبلغوهم عني خلوهم يعطوني عن كل مباراة 10,000 يورو علشان ما اشوفها
انبسط يا سعد رجعتك للرابطة دسمة

فاز جوفنتوس 4 مباريات رسمية هالموسم/

قدام بارما <--- شفتها
قدام سيينا <--- شفتها
قدام الميلان <--- شفتها

عرفتو اني مظلوم

إقتباس الرسالة الأصلية كتبت بواسطة skroo شباب راسلو الموقع الرسمي وبلغوهم عني خلوهم يعطوني عن كل مباراة 10,000 يورو علشان ما اشوفها انبسط يا سعد رجعتك للرابطة دسمة فاز جوفنتوس 4 مباريات رسمية هالموسم/ قدام بارما <--- شفتها قدام سيينا <--- شفتها قدام الميلان <--- شفتها عرفتو اني مظلوم

تصدق توني بكلم أندريا بس اعترفت وراحت عليك ال 10000 يورو


حبيب قلبي والله يالنصري



...


ترى هاللي تشوفونه من صدارة وعز ما شفتوه من الدرجه الثانيه هذا كله بفضل الله ثم بفضل بيرلو اللي ودي انه يريح لا ينكرف وتجيه إصابة تحوسنا !!


لا تلعبون على نفسكم وتقولون كونتي ،، ترانا جربنا جميع الخطط في الخمس سنوات الاخيرة حتى 3-5-2 مع زاكيروني ومع رانييري جربنا خطط ومعنا لاعبين افضل من الموجودين حاليا ً مثل نيدفيد و كامو وتريزيقول و ديل بييرو في احسن مستواياته وبوفون و زانتي وسيسوكو ولا جبنا الصدارة !!

واتمنى جميع اعضاء الرابطه اول ما يقرون هالكلام يصفقون لبيرلو و لي انا بعد عشاني إنتبهت لهالشيء


ولا تغركم الصداره ترى الانتر مستواه زباله هالسيزن وميلان جاييناا ومعشق على الخامس




احس أني طولت الزبده دعواتكم عندي والله تو ميد تيرم والتيوتر هندي خلصت قبل ساعتين وتوني استوعب بعض المسائل ،، بلا والله موب منه الا من الأكسنت المخيس حقه

إقتباس واتمنى جميع اعضاء الرابطه اول ما يقرون هالكلام يصفقون لبيرلو و لي انا بعد عشاني إنتبهت لهالشيء

احلى يا مفتح

ندري ان بيرلو اهم لاعب تقريبا في التشكيلة ..

لكن بنفس الوقت متأكد إن خامة اللاعبين في خط الوسط أعادت لبيرلو بريقه الذي فقده في آخر موسمين مع الميلان

كونتي جرب ديل بيرو في مركز بيرلو في التمارين و لقاء ودي أعتقد اذا الملك قدر يتأقلم مع الموضوع تأثير غياب

بيرلو راح ينخفض كثير .

الضغط المباشر من ملعب الخصم و تبادل المراكز و توظيف اللاعبين نقاط إيجابية تحسب لكونتي

الأكيد .. أن غلطة غالياني الكبرى هو عدم السماح لبيرلو بالإنتقال لليوفي

على فكرة المدرب موب يحط الخطة وشدو حيلكم يا شباب

المدرب له ابعاد اكبر من كذا بكثير جدا

مسألة وضع الخطط هذي تعتمد على كيفية قراءة المدرب للخصم بشكل كبير

فيه مدربين كثار حققوا نتائج مهمه في كرة القدم رغم انهم سيئين في هالمسألة

منهم وليس اوحدهم كارلو انشيلوتي

المدرب يعتمد اعتماد كلي على الاعداد البدني القوي والتحفيز اما قراءة للمباراة صفر على الشمال

لكن شوفوا وش حقق

ما ورد انفاً ليس تقليل من حجم كونتي وافكاره التكتيكية لكن مجرد وجهة نظري في هالمسألة

نجي لعند بيرلو انا استغرب صراحة من الي يقول لولا الله ثم بيرلو كان ما سوينا شي ومن هالحكي

هي منظومة متكاملة في المقام الاول وفي المقام الثاني اللاعب الي يوزع الكور امره مهم في الملعب لذلك هو دائماً المفتاح

طيب خذ عندك

لولا الله ثم تشافي ما كان صار الخ...

لولا الله ثم ايلنر ما كان صار الخ ..

لولا الله ثم شنايدر ما كان حقق الانتر الخ ..

انت عندك لاعب وعارف ليه جايبه في النهاية هو ما نبت اول طلع في زرع ارضية الفينوفو

ماروتا كان عارف وش يبي كونتي ولذلك اتى ببيرلو ولو لم يكن هناك بيرلو كان هناك ايلنر ولو لم يكن هناك ايلنر كان هناك لاعب اخر بنفس الخصائص

المسألة ما تقاس كذا وكأن الامر محض صدفه فقط

تحياتي

إقتباس هذا كله بفضل الله ثم بفضل بيرلو اللي ودي انه يريح لا ينكرف وتجيه إصابة تحوسنا !!

ماقلنا ببيرلو شي بالعكس أعطى الفريق قيمة اضافيه

بس لا ننسى ان اليوفي هذا الموسم بتواجد كونتي , تغيرت لديه الروح والقتاليه ,
وأيضاً الاستمرار بالضغط على الخصم , وهذا تكتيك ماكنا نشوفه بالموسمين السابقه .

ومن الظلم اننا نقول بيرلو كل شي , بكذا تظلم الوسط بتواجد البطل ماركي والمقاتل فيدال وبيبي التكتيكي .