★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ‏ - صفحة رقم 165 - نادي الهلال السعودي - شبكة الزعيم

barca 1899 · #1 05/10/2011, 05:34 PM

ابدا بتحية الاسلام , السلام عليكم ورحمة الله وبركاته

واحب اهنئ الرابطة بوجود محررين متميزين
امثال اخوي mdhaal اللي يعتبر مكسب كبير للرابطة
وابارك له على الترقية , واقول له عقبال الاشراف ان شاء الله

الف الف الف مبرووووك المستوى والانضباطية قبل النتيجة قدام ميلان
بصراحة شفنا فريق خيالي ومدرب متمكن وتفكيره عاااااااااالي
وجمهووووور فووووووووووووق الخيااااااااااااااااال
وجرينتا عااااااااااااااااااااااااااااااااااااااااااالية

تجنبت الرد بعد المباراة , عشان لا تاخذني العاطفة وتغيب عني بعض الامور
لكن يوم رجعت للمباراة وحاولت اشوف اي شئ سلبي , تعبت بكل امانة

ما ابغى اخذ كل لاعب على حدى , لكن باخذ اللاعبين اللي صفقت لهم بحرارة
نبدا بكيليني
بصراحة قدم مستوى رفيييع في مركز الظهير لعب بروح وحماس عالي
بيبي
الان عرفت وتاكدت السببب اللي خلانا نشوف بيبي بشكل كبير مع كونتي
لاعب حماسي درجة اولى صاحب اعلى روح في الفريق حتى لو كانت مهاراته قليلة واوفراته سيئة
لكن سرعته وحماسه وتغطيته ورجوعه السريع للتغطبة تشفع له اننا نشوفه اساسي
وادلل على كلامي كورة ابرا اللي وسط المنظقة , قعدت اصفق لبيبي الين لعبوا الركنية

الامير
لاعب احس فيه شئ من الزئبقي حتى لو ما لعب مكانه , تعجبني فيه قوة اللعب على الكورة
الاحتفاظ الممتاز التمرير الجيد النظرة الحلوة في الملعب
فيدال
استفدنا كثير من سرعته وتحركاته في النص والضغط على لاعبي الميلان

طبعا كلامي اللي فوق ما يعني انهم بس اللي ابدعوا
كل الفريق قدم مستوى عالي ورفيع
لكن في لاعبين من كثر ما نتكلم عنهم راح نتعب بصراحة
بيرلو + ليشتاينر + بارزالي

لي تحفظ على مستوى كراسيتش , نلاحظ انه يرتبك كثير ويطول الكورة في رجله بدون فايدة
بعد ما كان يقدم مستويات رائعة العام
صار من نوعية طقها والحقها

نقاط متفرقة
- اتمنى فايروس الفيفا ما ياثر علينا ان شاء الله
- انظمام بارزالي للازوري راح نجني ثمار طيبة منه باذن الله
- كونتي

راح ينسينا السنين العجاف اللي مرت
ويرجعنا لزمان ليبي وكابيللو وتراباتوني
- اتمنى من كونتي انه ما يوقف التمارين اكثر من يوم ويحافظ على لياقة
اللاعبين اللي ما استدعوا دوليا , باشراكهم في مناورات مع البريمافيرا (ان شاء الله الاسم صح

)

هذا والله ولي التوفيق
اخوكم فراس الاحمدي

La Vecchia Signora · #2 05/10/2011, 08:51 PM

شباب لا هنتوا ابي طريقة عرض اليوتيوب كنافذه بالرد بدون رابط

MHM اعطاني رابط موضوع فيه كل التفاصيل التكتيكية لمباراة اليوفي ضد ميلان وفيها كنوز عظيمة جالس اترجمها الآن , من ضمنها الصور اللي حطها احمد , ولذلك تم السؤال

MHM · #3 05/10/2011, 08:56 PM

فيصل

شوف تروح على مشاركة بعدين تروح على تضمين
فيه رابط تنسخه و تحطه بالرد مباشرة
وراح يطلع في الرد على انه عرض من اليوتيوب
شكلي قروشتك بالرابط

وهذا شرح بالصور بشكل سريع

هنا تروح على المشاركة

وبعدين تضمين

وتنسخ الرابط هذا , طبعاً تشوف الخيارات
ويمديك تعدل في مقاس الفديو

//

عبدالرحمن

ألف مبروك خالي تستاهل والله

ياخي من أول كنت أحسب اسمك مدهال

La Vecchia Signora · #4 05/10/2011, 09:42 PM

محمد لبى قلبك بالعكس والله مستمتع و مذهول وانا اترجم

ابشرك انتهيت اخذ مني ساعة ونص طارت كانها ربع ساعة والله

وش رايكم في العنوان يالربع ؟ ابي انزله في العالمية عشان يطلع عليه الكل

MHM · #5 05/10/2011, 09:58 PM

إقتباس


	محمد يانذل فرجنا طيب ع ذا المقطع اللي رازه لنا

عزووز حبيب ألبي

هنا
هذا رابط قناة اليوفنتوس الرسمي باليوتيوب
سو لهم سبسكرايب و بيجيك كل شي حتى مقابلات
بعد المباراة وتكون مترجمة بالانقلش
يحلفون الطعمية من عند السلطان

//

فيصل

ما قصرت والله , تخجل الواحد بتعاملك

بنسبه للعنوان : كونتي في تورينو إدا اليغري في مصارينو

s.Milandini · #6 09/10/2011, 10:08 PM

إقتباس

الرسالة الأصلية كتبت بواسطة La Vecchia Signora


	وش رايكم في العنوان يالربع ؟ ابي انزله في العالمية عشان يطلع عليه الكل

إقتباس

الرسالة الأصلية كتبت بواسطة MHM


	فيصل ما قصرت والله , تخجل الواحد بتعاملك بنسبه للعنوان : كونتي في تورينو إدا اليغري في مصارينو

إقتباس

الرسالة الأصلية كتبت بواسطة La Vecchia Signora


	^ ^ تم يا بطل اقلطوا واعزموا اللي تبون

^
^
هنآ كانت بدآية الشرارة

واليوفاوية قبل الميلانية اعترضوا على وجود مثل هذا العنوان بالعالمية
عموماً اللي أحزنني وحز في خآطري هو إقفال الموضوع

لكن هذآ رآي الإشراف ونحترمه

لو كآن الأمر بيدي كآن حررت العنوان مع بعض المشاركات وأبقيت الموضوع لفآئدة الجميع

أو على الأقل دمجته مع الأستديو تمآشياً مع قوانين المنتدى ، أتمنى لكم التوفيق في قادم المواضيع يا رب .

إقتباس


	del peeroo

من جد تصآميمك بطلة

لآ تخلينا من هالأعمآل في مبآريات إيطاليا

لآهنت أخوي

×××

بالنسبة للمقولة الشهيرة ( إذا اليوفي بخير فـ إيطاليا أكيد بخير ) لي عليها تحفظ كبير جداً ومعآدلة منطقية .
طبعاً أنا موقن أنني لن أستطيع تغيير نظرية أي شخص يوفاوي بالعالم تجاه هذه المقولة
إلا أني أحب طرح وجهة نظري تجآه تلك المقولة من بآب حرية الرأي وتبآدل الحوآر الهآدف بين الأعضاء

لكن دعوها بوقت آخر ، الآن ليآقتي بح

وبيني وبينكم الوقت الآن مآ يسمح لي أوضحها بالشكل المطلوب ، بعد الدور الثآني أفضل .
طبعاً نقآشي بيكون بأحد إستديوهات الكآلتشيو إن شاء الله حتى تعم الفآئدة على الجميع ، فلربما أكون مخطئ برأيي .

×××

بصرآحة مآ أغبطكم إلا على شيء وآحد .. ملعبكم

متى يجي اليوم اللي أشوف فيه كل أندية إيطاليا تملك ملآعب خآصة فيها ؟!
هالشيء بيطلع الكالتشيو فووووووق أكثر مما تتصورون

حظيظ · #7 06/10/2011, 01:30 AM

إقتباس

الرسالة الأصلية كتبت بواسطة MHM


	فيصل شوف تروح على مشاركة بعدين تروح على تضمين فيه رابط تنسخه و تحطه بالرد مباشرة وراح يطلع في الرد على انه عرض من اليوتيوب شكلي قروشتك بالرابط وهذا شرح بالصور بشكل سريع هنا تروح على المشاركة وبعدين تضمين وتنسخ الرابط هذا , طبعاً تشوف الخيارات ويمديك تعدل في مقاس الفديو // عبدالرحمن ألف مبروك خالي تستاهل والله ياخي من أول كنت أحسب اسمك مدهال

تسلم يمينك يا كينننننق من مووبطي وانا ودي اعرف بهالشي

del peeroo · #8 05/10/2011, 07:00 PM

ألف مبرووك أخووي عبدالرحمن وتستاهل أكثر

من الاعضاء النشطين ونفتخر بوجودك بينا

_____

# اذكر لي ثلاثة اسباب حقيقية وراء انتصار
الفريق و تحقيقه للنقاط الكاملة امام ميلان؟

قلتها سابقا وأقولها حاليا هو الحماس والاصرار

على بداية جيده بالملعب الجديد وخصوصا أنه

سيسجل التاريخ هالشي خساره ألوى بالملعب

ومن هالاشياء والشي الثاني رووح كونتي

حتى فيه لقطة بأخر الشوط الثاني ورغم التقدم

إلا أنه كان يوجه ويتحدث مع الاعبين وإن شالله تستمر

___________

سمعت من بعض الاخبار بأن

اليوفي مهتم بعلي سيسوكو ؟!

آهـ لو يجي والله ضهير ايسر مميز

وإن شالله يكون ميركاتو الشتوي أفضل من سابقه

_______________

شكر خاص للجميع من رئيس رابطة

إلى اخر شخص هنا وأقوولهم بيض الله وجيهكم

ومَ قصرتو وأنا والله مقصر معكم لكن وش نسوي

هالسفرهـ ولوازم الرحله وكذا لكن راح أرجع لكم

بفكره جديده راح تعجبكم إن شالله

لي باك بعد قراءه الاخبار

a l 7 a n a y a · #9 05/10/2011, 09:30 PM

محمد يانذل
فرجنا طيب ع ذا المقطع اللي رازه لنا

مقطع دعائي للملعب ومجمعين اللاعبين وهم يتشغلون وياكلون طعميه
آحب انكم تشاركوني في شوفة المقطع

del peeroo · #10 05/10/2011, 09:34 PM

^^^^^^^^^^^^^^^^^^^^^^^^^

بطل يَ أخووي

خير يَ بيرلو ليش تسطح الكووره

لاهنت يَ ذيبان

del peeroo · #11 06/10/2011, 02:34 AM

بآآآآك

مسساء / صباح الخير

سويت لكم تواقيع لليوفي وإن شالله تعجبكم

^^^^^^^^^

ذي كانت واجه للخلفيه بس

عجزت أركب الخلفيه مدري ليش

أرائكم

ضد التيار · #12 06/10/2011, 02:53 AM

مبروك اخوي مدهال تستاهل

ماشاء الله عليك نشاطك واضح .. استمر والله يوفقك

مبروك الفوز على ميلان .. ومبروك علينا كونتي وإن شاء الله يستمر على هالمرونه واهم شي يستمر على هالقرنتا الغير طبيعية

شباب في منتديات اليوفي الثانية يوجد خبر عن الكالتشيو بولي واستفسار الاتحاد الاوروبي برسالة رسمية إلى الاتحاد الايطالي عن وضع اليوفي والانتر من هالقضية !

فورزا يوفي فورزا موجي

R A F A N E L L I · #13 06/10/2011, 04:15 AM

سلام عليكم , صبـاح الخير ,,,

del peeroo
تصاميمك روعه وواصل يا خـوي ,,
,,,
ضد التيار
هلا وغلا بالطله وين الناسـ ...
,,

جاري ترجمة خبر ماروتا للحديث عن الخطاب المقدّم من الاتحاد الاوروبي للاتحاد الايطالي بخصوص اللقبين المسحوبين ..

ـــــــ

R A F A N E L L I · #14 06/10/2011, 04:46 AM

Lâ€™Uefa alla Figc: Calciopoli 2, che avete fatto con lâ€™Inter? - Calciopoli / Juventus / Serie A / Calcio - Tuttosport

ماروتا : اليوفي تحصّل على القابه ال29 فوق الميدان , والمعركه مهمه لتاريخ اليوفي وانصاره ][ ~~

التوتو سبورت قامت بلقاء مع المدير الرياضي لليوفينتوس بيبي ماروتا بعد خروجه من الحفل
المبسط الذي جمع اعضاء الجهاز الاداري لليوفينتوس ..
وتحصلت الصحيفه على تصريح خاص بمحتوى رسالة الاتحاد الاوروبي للاتحاد الايطالي لكرة
القدم بخصوص موضوع اليوفينتوس والشكوى التي قدمها ضد الاتحاد الايطالي , ماروتا ذكر:

" اليوفينتوس يملك 29 لقب وهذا الشيء متعارف لديه اينما تكون , وهذا الرقم لم ياتي من
فراغ بل بالعرق والجهد فوق ارضية الميدان , فما هذه المعركه الا من اجل تحقيق واجب علينا
باثبات حقنا وهي مهمه لانصارنا ولتاريخنا الحافل والمجيد الذي يتمتع به اليوفينتوس "

" رسالة اليويفا ؟ طابع الكلام المتكرر من بلاتيني | قام بتصريح اليوم وقال بانه سيحفظ نسخة
لشكوى اليوفينتوس | , من خلال الرساله التي ادلى بها الاتحاد الاوروبي على الاتحاد الايطالي
ذلك يعني باننا نسلك الطريق الصحيح ونحن واثقون , فمعركتنا ستستمر ولن نتوقف واحترام
انصارنا يجب ان نتحصل عليه وكذلك الاحترام فوق المستطيل الاخضر " .

اخر ما اشار اليه ماروتا , تحدث عن انطونيو كونتي :
" لقد جلب الكثير من الجرعات الرائعه والجميله اليوفينتينية , معه ستكون البدايه لجيل
جميل ورائع "

ولد الزعيم البار · #15 06/10/2011, 04:56 AM

ماشاء الله تبارك الله على الشغل الدسم

لي عوده للتعليق لكن بعد صور زيارة انيللي وماتري للفاتيكان