للحين مبسووط من المستوى الي امس من كل اللاعبين باستثناء جياكريني لأنها اول مباراة له مع الفريق حتى تحس انه وده يسوي شي بس ما دخل بأجواء الفريق ولا انسجم معهم ...
كونتي اليوم سواء اكثر من شي حلو ويحسسك انه عنده شي وممكن يسوي شي للفريق وواثق من نفسه على سنع ماهو زي ابو قسب هههههههه اللهم لا شماته
فيه أكثر من نقطه أعجبتني اليوم
اول شي دخل بتشكيله الأغلبيه كانو خايفين منها وانا اولهم ... أجل فوزي وكراسيتش وايليا وابو اسم صعب وفيدال كلهم ماههم اساسيين لا وابو اسم صعب برا التشكيله هذي مغامره كبيره منه ولو خسر كان ممكن يقلبون الدنيا عليه لكن زين انك تغامر وتكسب والزين بالموضوع انه ماعنده لاعب اساسي .. تعطي بالتدريب وتكرف وتسوي الي ابيه منك بالمباراة تكون اساسي تجلس تتميلح شوي تكون احتياط ما تسوي شي يذكر تكون برا التشكيله
الشي الثاني التغييرات كانت ممتازه وأجمل لحظات المباراة يوم دخل فيدال وصف جنب بيرلو والماركيز .. يا صااار فيه طقطقه بالوسط وقوه ماهي طبيعيه .. قسم لو اني بمكان كونتي ما انام من التفكير والحيره بمن يلعب اساسي بيرلو ولا فيدال ولا الماركيز والشي الزين لو يقدر يعمل مداوره بينهم وبدون ما يكون فيه مشاكل والأفضليه للي يعطي اكثر بالتدريب
وبرضه فيه نقطه أعجبتني لكونتي وما اشووف احد تكلم عنها وهي يوم يهزأ المغرور بيبي ببداية الشوط الأول ههههههههه اللاعب مستانس انه اساسي ويتميلح يبي فاول وهو ينصب ورافع يدينه يناقش الحكم ما تدري الا الصووت الشااحط يصررخ على الخط ويقووله العب واركض ولا ترا بتطلع برا وكانت اللقطه واضحه يوم بيبي يتكلم مع كونتي وتعابير وجهه تقول وش اسوي هههههههههههه لكن بعدها شفنا بيبي يركض ركض يضغط على الدفاع وهذا الي نبيه القتال والرووح حتى آخر دقيقه
ولا يهون تغيير ماتري بعد ما ضيع الهجمه على طوول وشفنا تعابير ماتري وهو طالع زعلان على مستواه وماهو زعلان من التغيير لأنه يدري انه ما قدم شي .. وهذا يمكن يخلينا نشوفه يعطي ويركض أكثر الاسبوع الجاي
الي سواه هذا اليوم شي ماهو سهل وقدم مباراة بطله
الهدف هو الي بدا بالهجمه وهو الي انهاها وذكرني بطلعاات مايكون يبدا الهجمه ويمشي معها وما يتنح ورا وهذي من صفات مايكون وقروسو والفيس الي بلحظه تلقاهم داخل الصندووق
كان اناني شوي وكان يبي يسجل هدف له وهذي تعتبر نقطه ايجابيه انه يبي يثبت نفسه لكن لو كانت النتيجه تعادل بتكون سلبيه عليه وبإذن الله بنشوف ابداعاته بالايام الجايه
هالثلاثه نعمه وشي كبير وفخم
بارزالي بطل اليوم وحشر النمله
بالأخير هذي مجرد مباراة و3 نقاط ولازم اللاعبين يفهمون هالشي وانه لازم يقاتلون على كل نقطه الى اخر الدووري .. قبل العام مع فيرارا كانت 5 بالافتتاحيه وبالنهايه المركز السابع
لكن ان شاء الله يستمر الفريق على هالأداء والإبداع
كل الي نبيه اننا نفوز على الانديه الصغيره بكل المباريات وهالشي هو الي يجيب لنا المركز الثالث ويمكن يجيب الدوري بعد .. مانبي نفوز على ميلان وانتر ونخسر من هالفشله نخسر 12 نقطه من ميلان وانتر بس نفوز على الانديه الصغيره واندية الوسط
del peeroo
الله يعطيك العافيه وما قصرت على الصور المتحركه !!!
![★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ](iconimages/t1032154_rtl.gif)
26Likes
لأني ماني متأكد من الدقيقه بالضبط 
الوضع المتطور
