إقتباس كان عندي لسته بسلم الرواتب قبل فترة بس طيرتها ودي إذا حصلتها بحطها لكم بإذن الله

تركيــــ تقصـــد هذا السلمـــ

^
عفيه عليك يبو حميد أتوقع هذا هو بس فيه جديد هذي الأسماء للموسم اللي فات أعتقد ..

عموما يعطيك العافية يا الغالي

مشكورين شباب على المتابعة

مباراة اليوفينتوس القادمة بيتم نقلها على الجزيرة


مباراة اليوفنتوس وسبورتينج لشبونه فجر الأحد الساعه 3 بتوقيت مكه المكرمه والساعه 4 بتوقيت الإمارات على الجزيره الرياضيه + 4 ..

http://vb.alhilal.com/t1033496.html#post18475945



ألف مبروك لاعبنا الجديد

Galatasaray's official website has confirmed they are in negotiations with Felipe Melo. Curious.

الفريق التركي-غلطة سراي * يؤكد على بداية المفاوضات مع البرازيلي ميلو *




Felipe Melo فçin Gِrü‏melere Ba‏land‎ - 21.07.2011 20:06 (GALATASARAY SPORTفF Aق) / Galatasaray.org

وداعا ميلو...

^^^

تركي

انا ترجمته وعلى حد علمي يقول انه بدا المفاوضات ؟؟ مادري هو وقع ولا بس مفاوضات

^
الإتفاق بيكون بنظام الإعارة أعتقد بس خلاص يعني رايحلهم و الله أعلم

* بس اللي ذكرته صح حول بداية المفاوضات رسميا مع اللاعب *

تم التعديل ياخلفهم

بالنسبه لميلو .. ابركها من ساعة

اللاعب ذا راسه مافيه كوره دلخ ما يفهم والانضباط التكتيكي عنده ماش ومزاجي

وبعدين لاقينا بلفه يوم انه يناقز يوم مباراة روما وقبل كم من يوم يقول بروح لان الفريق الجديد بيعطيني راتب اكثر من اليوفي

يبقى برازيلي عبدالمال

عساه بس حقين تشيلي مهوب زيهم

وروسي ما يندرى عنه مره يقولون بيجي ومره هونوا

عموما باقي روسي وجناح ايسر واكون راضي ان شاء الله عالميركاتو

ولو ان الدفاع تعبان شوي

خاصه مع خطة هجوميه وبدفاع تعبان الله يستر لا نجيب العيد

هلا باللي له الخافق يهلي

يا جماعة راح اذكركم هاللاعب بينسيكم ميلو واللي جاب ميلو

ووارد جداً يصك على ماركيزيو بعد

لاعب تكتيكي دفاعي هجومي اطراف عمق حطه وين ما تبي يبددددع

قرأت إنه سجل 10 أهداف و صنع 11 هدف مع فريقه السابق

لاعب رائع ونشيط ومخه نظيف وسنه صغير وله مستقبل كبير بدون مبالغه

اوفيراله بفيفا 11 حلو جداً 82 وجايبه لفريقي ومأدي صح

بالتوفيق له معنا ان شاء الله



لقيت مقابلات عديدة مترجمة للانجليزية في قناة اليوفي مع بعض اللاعبين والمدرب اتوقع بعضكم شافها

راح اترجم اللي اقدر عليه مع اني مواصل وقاعد اقاوم عشان الصلاة الا ان المقابلات فيها امور حلوة ترفع المعنويات كثير


المقابلة الاولى مع المدرب كونتي قبل 5 أيام

‪Intervista ad Antonio Conte - Antonio Conte interview‬‏ - YouTube

س / هاه يا كوتش مبسوط ؟

بعد اسبوع من العمل الشاق اكيد راح اكون مبسوط
ركزت اني اوصل بعض الافكار المهمة الى اللاعبين ولسى باقي عندنا امور كثيرة لازم نسويها على مستوى التنظيم و القوة , تونا في البداية ولازم نبذل الجهد لتحقيق ما نطمح له
وجدت تجاوب جماعي من اللاعبين وهذا مؤشر جيد لكن ما زال امامنا الكثير لنعمله

س / طيب بالنسبة لماركيزيو شفناه بالتمارين يجنح اكثر ويلعب بطابع هجومي وشفنا ثمراته وابداعه بالمباراة اليوم , هل راح تعتمد عليه دايم بهالدور ؟

بصراحة في البداية وفي التدريبات خقيت على كلاوديو وفاجأني ما توقعته يملك هالعقلية التكتيكية الممتازة
في الايام الماضية خليته يركز على الجانب الهجومي اكثر كجناح هجومي صريح او كلاعب وسط ( يقصد محور هجومي )
ومن نظره تكتيكيه بحته هاللاعب ذكي جدا ومخه نظيف
وبالنسبة لسؤالك في هاللحظة عندنا نقص في الاجنحة فطبيعي راح اجرب ماركيزيو وهذا الي المفروض اسويه اني اجرب واحاول اطلع افضل ما في اللاعبين لخدمة الفريق لأنه بيجي يوم نجني فيه ثمار هالتجارب
لكن بالتاكيد لا يكفي هذا الحل لا زلنا نبحث عن تعزيزات بالاطراف

س / معنى هالكلام خلاص بتقفلون الميركاتو من ناحية الاطراف يعني ؟ ( غبي المذيع تو المدرب قايلك لسى محتاجين ) وتحطون الفلوس بخانات اكثر اهمية ؟

لا , اكيد لازلنا نحتاج , مافيه أي شك ( يبتسم ابتسامة التسليك لبى قلبه )
الادارة تعرف هالشي وانا عارف هالشي بعد
عشان كذا كلنا حريصين من هالناحية
واكيد عموما وجود لاعب كماركيزيو يعطينا حلول في اكثر من مركز راح يسهل لنا ويعطينا خيارات اكثر في جانب اختيار اللاعبين بشكل عام

س / يعني تقول للحين محتاج للميركاتو , طيب وجود بيرلو كوسط ما يغنيكم ؟ صحيح ان مباراة اليوم ماهي مقياس ولكن شفناه يعطي حلول هجومية حلوة للأجنحة ويتحكم برتم اللعب بشكل ممتاز

( قفلت معه من السؤال الغبي المكرر للمرة الثالثة )
حنا عارفين وش نبي من السوق بالضبط كل شي واضح بالنسبة لنا
نحتاج لعيبة معينين بشخصيات معينة تعطينا افكار وحلول وتضيف للفريق بشكل عام
وراح يتم تحديدهم بحرص وعناية لينسجموا مع الفريق ويخدموه
مع العلم انه اصلن الفريق فيه لاعبين مميزين حالياً




المقابلة الثانية مع ماركيزيو برضو قبل 5 أيام

‪Intervista a Claudio Marchisio - Claudio Marchisio interview‬‏ - YouTube

س / كلاوديو لخص لنا وش سويتوا الى اليوم , ووش رايك بعمل كونتي مع الفريق حتى الآن ؟

والله تبي الصدق انكرفنا , لكن استفدنا بشكل غير طبيعي واكيد واضح هالشي من اول مباراة لنا امس
كلنا لعبنا شوط ورجيلاتنا طيبة واستجابت بشكل جيد ( يقصد الاداء كان ممتاز بدون مشاكل او آلام )
حتى والله ما قصروا المساعدين عطونا تدريبات جديدة علينا افادتنا
هالسنة عارفين ماعلينا ضغوط ومنّاب لاعبين غير مباراة وحدة في الاسبوع لذلك هالشي راح يفرق معنا
كل يوم نقوم الصباح وحنا متحمسين للتدريب

س / طيب وش تسمي خطتكم هل هي 4 - 2 - 4 ولا 4 - 4 - 2 هجومية ؟

والله شف هي الثنتين وحدة للهجوم ووحدة للدفاع
المدرب يبي منا في حالة الهجوم ان حنا نهاجم باكبر قدر ممكن من اللاعبين
في هالحالة راح يكون فيه 4 مهاجمين ولاعب وسط يقرب لهم
بس على فكرة ترى حتى لو كنا 4 مهاجمين قدام كلنا مطلوب مننا ندافع اذا خسرنا الكورة ( يالبيه والله متشوق اشوف هالتكتيك )

س / اخر سؤال , في آخر تمرين شفناك تلعب محور دفاعي امام الدفاع مباشرة , هل نقدر نعتبره هو مركزك المثالي ؟

انا لاعب وسط وهذا واجبي اصلا
لكن عموما انا دايم احاول اطور نفسي واتكيف مع اي مركز ينطلب في كل مراكز الوسط او حتى لو لعبت في مكان ثاني غير الوسط واحاول اعطي افضل ماعندي


قراتسي




اعذروني يا شباب باقي مقاطع ان شاء الله ارجع لهم في وقت ثاني
واللي بيشارك حياه الله قناة اليوفي مليانه مقابلات مترجمة للانجليزية ( توني ادري عنها وانبسطت صراحة لأني ودي اشارك بالاخبار لكن الايطالية صعبة ترجمتها )


بالتوفيق للجميع

السلام عليكم و رحمة الله و بركاته....مساكم الله بالخير جميعاً..
و ان شا الله الجميع يكون بخير ..

في البداية نبارك للشباب فروزايوفي و سلملم تولي نشاط الرابطة لهالموسم.. و بالتوفيق ان شا الله يا شباب..

ونبارك افتتاح الرابطة ... وان شا الله نحتفل معكم هالموسم بثنائية الدوري و الكاس في نهاية الموسم بإذن الله..

الملعب الجديد جاهز و من ابدع مايكون .. ورحلة اعداد جيدة لغاية الآن .. يلاحظ النشاط من الجميع و ان شا الله يكون مستمر وما نشوف اصابات التمارين الموسم اللي راح..

وصول فيدال ان شا الله يكون اضافة جيدة للفريق.. لكن من وجهة نظري اعتقد إن كونتي لازم ولا بد إنه يشتغل على التكتيك الدفاعي أكثر من التكتيك الهجومي لسبب أن عنده لاعبين خبرة في الهجوم ما راح يتعبون كونتي في التكتيك الهجومي
وانا ما زلت اشوف ان مشاكل الفريق دفاعية بحتة..اتمنى اشوف الموسم الجاي لاعب سوبر في الدفاع..هذا رأيي..

اتمنى التوفيق للجميع .. وعلى العهد باقيين يا يوفي .....فـــــــــــــــــروزززا يـــــــــوفي

على البركة اللاعب الجديد فيدال


بصراحة متفائل باللاعب اول صفقة يمدحها الثعلب موجي

فيدال من الموقع الرسمي يجري الفحوصات الطبية.

Vidal undergoes medical - Juventus.com

أنصحكم بمشاهدة فيدال مع فريقه السابق:

‪Arturo Vidal | New player of Juventus‬‏ - YouTube