★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ‏ - صفحة رقم 104 - نادي الهلال السعودي - شبكة الزعيم

Mdhaal · #1 03/09/2011, 12:24 PM

..

مسهم بالخير يالله

كيف حالكم يالنشامآ

بخصوص اماوري اتوقع لان كونتي رافض بقاءه بتاتاً البته

والأخ يرفض العروض عشان الراتب يبي يأخذ الراتب وهو مريح

يكون صدري ضايق من اليوفي بس لاشفت ديلي ينشرح خاطري

مشكور عالصوره ياملك وراح نشوفها قريب مع بداية الموسم

"

الملك ديل بييرو · #2 03/09/2011, 12:28 PM

^^
لا شكر على واجب اخوي مدهال

La Vecchia Signora · #3 03/09/2011, 12:36 PM

طموح جياكيريني العالي

يبدو ان اللاعب قد اندمج جيداً في البيئة الجديدة , فها هو يعبر عن سعادته بالترحيب الحار الذي تلقاه من زملائه " لقد تلقيت استقبالاً عظيماً وأشعر بمشاعر بإيجابية , الانضمام الى أفضل فريق في إيطاليا و أوروبا , فريق يمتلك سجلاً حافلاً من البطولات ولاعبين كبار , لقد شعرت مباشرة و كأني شخص منهم "

التوقيع لليوفي كان دائماً طموح جياكيريني , ولكن العمل الجاد الذي يؤمن به سيبدأ الآن " كلاعب محترف , لعبت المواسم الثلاث الأولى لي في دوري الدرجة الثالثة , التنافسيه كانت أعلى , ولم نكن نستخدم المهارات بشكل كبير وانما نعتمد على الركض الكثيف اثناء المباراة , كلما تقدم اللاعب في الدرجات من الثالثة الى الثانية الى الأولى سيحتاج الى المزيد من المهارات , في الدرجة الأولى تستطيع الركض كما تريد ولكن من الواجب ان تمتلك الجودة والحلول في نفس الوقت , انا مؤمن دائماً ان تحقيق الأهداف لا يأتي الا بالعمل الشاق و ها أنا الآن هنا , ولن اتوقف عند هذا المستوى فحسب , لدي الرغبة العظيمة لأظهار قيمتي وإعطاء كل ما أملك للفريق , انا شخص يملك الإصرار عندما نتحدث عن العمل الشاق و مقتنع تماماً ان هذا الأسلوب سيجعلك تحقق أي هدف تريده "

هذه الكلمات كانت كالموسيقى في أذن كونتي الذي يريد بناء فريق يحترق داخل الملعب " نعم , كونتي يجعلنا دائما نتدرب بقوة , حتى عندما تأجلت المباراة الافتتاحية جعلنا كونتي نكمل التدريبات الشاقة واجرينا بعض الاختبارات , ذلك أمر جيد فالعمل الشاق دائماً هو الطريق الى التطور "

اسلوب جياكيريني يناسب تماماً تكتيك كونتي , دائما تتوجه الى الأمام بقوة وأعينك على المرمى , تبدو فعلاً الشخص المناسب لنظام كونتي الهجومي " في الموسم الماضي تمكنت من تسجيل 7 أهداف مع تشيزينا في خطة 4-3-3 , في خطة كونتي 4-2-4 ربما سترونني ابتعد عن المرمى و أميل الى الاطراف بشكل أكبر , ولكن لا زلت اطمح الى الوصول الى رقمي السابق بالأهداف وربما تحطيمه , كونتي دائماً ما يطلب الإصرار والعزيمة بشكل عام وكذلك تطوير مهارات المراوغه في حالة 1 على 1 واظن انني امتلك القدرات المناسبة لتنفيذ كافة طلباته "

شباب اللي تحته خط وش رايكم فيه مب تسنه يذب على كرازيتش ؟

الملك ديل بييرو · #4 03/09/2011, 12:45 PM

^^
عسى كرازيتش يفهم ... بمعنى اخر الكلام لك يا جارة

من جد كرازيتش صاير يركض حركته قديمة طق الكورة من يم الخصم و الحقها من الجهة الثانية كنا نسوي
هالحركة بدوري الحارة زمان .. كرازيتش لو يستغل حركته السريعة ذي بالتمركز السريع افضل وراح يكون ناجح ويبهذل الدفاع لو يتمركز صح ويتحرك بدون كورة و يسجل اهداف بعد..

جاكريني سرعته ممتازة بس اتمنى بعد كلامه ذا يطبق اللي قاله في الملعب..

يعطيك العافية اخوي لافيكيا سنيورا..

الـبـيـانـكـونـيـريـ · #5 03/09/2011, 07:33 PM

MHM · #6 04/09/2011, 12:28 AM

مدري ليه أحسه كومه فساد

الشخص أعلاه وزير الداخلية الإيطالي يقول :
أنه بيحضر حفل إفتتاح الملعب الجديد و قال عن الملعب
" الملعب بيأمن الأمن و الراحة للمشجع الإيطالي و يتمنى أنه
يطبق على جميع الأنديه الإيطاليه "

//

الملك ديل بييرو · #7 04/09/2011, 12:52 AM

سلام عليكم .. و مساكم الله بالخير جميع...

شايف في تنشين بموضوع الادارة .. بين الخبراء و سكرو و هذي اراء تطرح .. و الاختلاف لا يفسد للود قضية...
و راح ادلو بدلوي في الموضوع .. و من غير زعل ...

صحيح يا الخبراء انك ما تمجد في ماروتا .... لكنه ملام طريقة ادارة ماروتا للاموال و طريقة البحث عن اللاعبين و طريقة العقود
كلها غلط في غلط ... شوف كم صرف النادي على الشراء و ماذا اشترى .. وشوف كم بيع و ماذا بيع..
شوف ماروتا كيف حام ولف ودار و هو يدري وين المشكلة بالفريق و في اي خانة .. راح وصرف و اشترى مهاجمين و خلا اهم مشكلة واللي يدري عنها الا و هي مشكلة الدفاع من بداية الميركاتو و هو يصرح راح نجيب مستر اكس ..

على سبيل المثال لوغانو انا مو زعلان لانه راح لباريس سان جيرمان .. لا ..لكن كان بدال ما ضيع دراهم النادي من بداية افتتاح موسم الشراء في المهاجمين ... المفروض انه استقطع من ميزانية الميركاتو ميزانية خاصة لخانة الدفاع و يبتدي بالاهم..
دايم الانسان في عنده مهم و أهم .. وش ابدى بالنسبة لك ؟ اكيد الاهم ..

ماروتا مثل الورع اللي تعطيه عشر ريال المغرب و تقوله هذي فسحتك بكرة .. بعد صلاة العشا حس الورع انه جايع مع انه يقدر ياكل بالبيت راح البقالة و اشترى بالعشرة كلها و خلصها في نفس اليوم .. و يوم جا من بكرة يبي يتفسح ما لقى شي في جيبه..

ثاني شي انت كاداري مو لازم كل يوم تصرح في جريدة في التوتو سبورت و اللاجازيتا و الصن تايمز ان عينك على لوغانو..
تروح تعلم الناس تعالوا نافسوني انا باروح اشري لوغانو.. ماهي مفاخرة الشغلة..

النادي مو عجزان يحجز لك تذكرة للأرجنتين ايام كوبا امريكا .. ومو شرط انك تحضر مباريات عشان لا تطلع بالشاشة ويتساءلون
وش جاب فلان .. احجز لك في فندق مو معروف انه ساكن فيه احد المنتخبات او الاعلامين .. و الصبح كلم وكيل اللاعب انا بزورك
ما راح يقول لك لا تزورني..

لكن السؤال هل فعل كل هالاشياء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ويوم بقى على اقفال السوق ساعتين قال ابي رودولفو مدافع ساو باولو البرازيلي ... سلق بيض هو؟؟ ولا بيرسلون اللاعب
بالبريد المستعجل بالفيدكس؟؟

مثال ثاني .. باسكواتو اللي لعب معك في المباريات الودية وينه الحين؟؟ و اللي كان افضل من كرازيتش و بيبي بعد ..
لاعب واعد تروح تقطه اعارة لليتشي ؟؟ ليه ما تخليه في الدكة عندك و هنا ايضاً كونتي ملام .. ليش لان كونتي وافقه على هالشي
وهذي مشكلة المدربين اللي يجون عندنا يفكر بعهده بس .. ما يفكر بالايام والسنين الجاية للنادي .. و راح اعارة ب300.000
يعني توك تفتح انك خسرت اموال النادي وتبي ترجع خسارتك على حساب مستقبل النادي؟؟

هذي كلها اشياء يلااااااااااااااااااااااااااااااااااااااااااااااااااااااااااااااام عليها ماروتا .. و كان راح يفعل موجي عكس اللي فعله ماروتا تماماً.

لا تزعل مني اخوي الخبراء و لكن الله ما شفناه بالعقل عرفناه .. واحد ترك لك اهم مشكلة... اليوفي بكل المواسم للي راحت يسجل
ولكن الفرق الصغيرة تعادلك باخر الدقايق.. اذن ماله داعي انك تجيب هالكم من اللاعبين و انت عارف مشكلتك..

المسألة ببساطة حدد أولوياتك مثل ما كان يفعل موجي...

آسف على الإطالة و ولا تزعل مني اخوي الخبراء ولكن هذا واقع ماروتا .. وراح تشوف ميركاتو الشتاء لا تستبعد ان ماروتا يطيح في نفس الاخطاء اللي وقع فيها الان..

تقبلوا تحياتي ..
خذ وردة اخوي الخبراء لك ولكل الموجودين

S ạ M i · #8 04/09/2011, 02:18 AM

اليوفي ثالث اكثر نادي صرفاً للأموال في اوروبا ~||

منهو اللاعب السوبر ستار اللي شراه ماروتا .. الاجابه سهله لايوجد ..!!

صفقات مجانية بالهبل .. بيرلو باتزينزا ومدري من نسيت بعد ,,

تصريف زيغلر والله شي يقهر يعني دي تشيلي موهبه مثلاً ..!!

دي تشيلي هاللاعب اللي يخاف يلمس الكوره برجله اليمين ومستحيل يستخدمها..!!

ولا قروسو الشايب لازال النادي بيعتمد عليه ..!!

صراحه الشرهة الكبيره على كونتي ليه يعير زيغلر وش فيه عيب ؟

ولا يعني الدعوه مزاجيه انا ماجبته ما ابيه لاعب مبدع افضل من دي تشيلي

وغير كذا تنفيذ الفاولات وياكثر الاهداف اللي جابها عن طريق فاولات ..!!

وغيره بعد وجود لاعب سويسري ثاني بالفريق من مصلحه الفريق هالثائيات تجلب النجاح ,,

هذا شي والشي الثاني قتل المواهب في اليوفي ودايم كان يتكلم عن هالنقطه ناصر ,,

يعني البدايه من بالادينو وكانوا يقولون خليفه ديل بييرو وبعدها جوفينكو ..

وبعدها اللاعب اللي انتقل بمبلغ اكثر من رائع للفريق الروسي كريشيتو ..

ولا نوتشيرينو اللي كان معنا عاهه وابدع مع باليرمو والحين راح لميلان ..!!

وبعدها الحين جياندتو وباسكواتو .. وغير المواهب الغير ايطاليه في اليوفي ..

يعني نجاح المدرب فوق نجاح اللاعبين الصغار ولا فيه مدرب عندنا يعطي المواهب فرصه ابداً .!

مثل ياغو ياناس تدرون ان هاللاعب مع المنتخب الاسباني ومن هو صغير ..!!

والله حرام وراح تشوفون كيف راح تنفجر مواهبه في توتنهام في بلد يقدر المواهب ..

على العموم اتمنى اشوف مستوى اليوفي مع كونتي وش راح يسوي ..!!

الامنيات لا يتكرر موسم فيرارا معنا ..~

فمان الله

ديل بييرو الملك · #9 04/09/2011, 02:06 AM

سلام عليكم احلى رابطه

كل عام وانتوا بخير

وربي وحشتوني حييييييييييييييييل

لي شهرين ما دخلت المنتدى كامل لاني كنت مسافر الباحه

كنت في امطار وضباب وبرد

رجعت الجبيل وانقهرت

حر ورطوبه

فقدت النت و اخبار اليوفي لان البرودباند مايشغل هناك

تحياتي

Mdhaal · #10 04/09/2011, 07:20 AM

..

الاستاد الجديد جاهز للإفتتاح بـ حضور وزير الداخلية روبرتو ماروني وعدد كبير من الفنانين والمشاهير
وحفل غنائي وعرض فيلم وصور سيتم مفاجأة الجمهور بها

"

المصدر

Mdhaal · #11 05/09/2011, 03:58 AM

..

الميركاتو وماروتا ولافيكيا سنيورا

رأي احترمه اخوي بس اليوفي مو حقل تجارب لماروتا ودل نييري وبسبب موسم واحد ناجح لـ سامبادوريا أجازف وأبلش الفريق فيهم ..

وللمعلومية اليوفي كل ماله ويقل نصيبه بالمنتخب شوف واحكم

من متى اليوفي يلعب بثلاث اسماء في التشكيلة الاساسية ؟!؟!؟!

نرجع لماروتا وانا ماني ضده بالعكس احياناً ارحمه بس هو يجبرك انك تنتقده باللي يسويه

نأخذها من الموسم الاول لماروتا معنا وعلى كلامك انه عزز الفريق بالكم وبدأ بالدكه كلام حلو , بس وش الفايده اجيب بيبي ومارتينيز وابيع كامورانيزي ماكان بالأولى احافظ ع نجم يعرف قيمة الشعار واجيب كراسيتش في هالحاله راح تكون الدكه اقوى بوجود ( كامورانيزي - كراسيتش ) وعلى عكس اللي سواه ماروتا ..
مازلنا بالموسم الاول وهو اللي ادى لهالنتائج اللي نشوفها تخلى عن تريزيقيه ودييغو وسيبا وكاسيرس وحافظ على عاهات وجاب زود عليهم ( موتا - تراوري - ريناودو ) ..

صفقاته
( موتا - تراوري - ريناودو - بيبي - مارتينيز - سورنسين - اكويلاني - كوالياريلا - ستوراري )
اي دكه يرحم والديك 3 اسماء فقط تستاهل ونعيد لو حافظ ع النجوم وجاب اربع لاعبين عليهم الكلام كان ماشفنا هالموسم 9 صفقات
طبعاً ماننسى ( ماتري - توني - بارزالي ) بداية ترقيع صفقاته بالصيف الأول وجابهم يعوضون الاخوان اماوري وياكونتا وموسم النقاهه اللي كانو ماخذينه بضواحي تورينو ..

واللي حصل بالميركاتو الثاني له انه قام يرقع شغله بالموسم الاول بالعكس استمر بالحفاظ على ( اماوري - ياكونتا - غروسو - موتا - بيبي )

ماانتقد صفقات هالموسم بس خربها بالنهاية وكان بالامكان افضل بكثير لو بدأ ماروتا صح من الموسم الأول

**اليوفي مو حقل تجارب ياعالم والبداية خطأ من الأساس

La Vecchia Signora · #12 05/09/2011, 05:57 AM

أخوي مدهال

انا ما قدرت اوصل وجهة نظري مضبوط 100% , قصدي ان الفريق كان يعاني بشدة من الأمور الأساسية لنجاح أي فريق وهي المدرب واللاعبين والإدارة , و جتنا ثورة التغيير لحل هالأمور الثلاثة جميعها في موسم واحد ( تغيير الإدارة والمدرب و جلد الفريق ) فالوضع الطبيعي ان النتائج لن تكون مبهره في أول موسم , و طبيعي راح يتبين للجميع ان الفريق خاضع لـ مطرسة اينيللي و ماروتا بينما في الحقيقة لا " الفريق في مرحلة بناء " , فريقكم حتى لو كان ماسكه موجي بدال ماروتا اتحدااااااه يرجع اليوفي في موسمين بس بعد ما كان في حالته المزريه بموسم فيرارا , موجي بيتفوق على ماروتا بأنه غالباً بيحتفظ بالجواهر الخمسة ويبني عليهم لين تنفرج مادياً ويوقف الفريق على حيله من جديد ومحد يقدر يتكهن بالمدة اللي راح يحتاجها بالضبط , غير كذا ما اظن في حلول كانت متوفره وانسب من هالحل

السيتي صرف الى يومكم ما يقارب 6 مليار حسب ما قريت و قش لك من هالنجوم الى بكرة بس متى تأهل للأبطال ؟ في موسمه الثالث !! مع إن الاستقرار الفني موجود والإدارة اللي تصرف موجودة !! فكيف بفريقنا المنتف من بعد الصعود من كل الجهات ؟

بالنسبة لإستعراضك للصفقات الموسم الماضي اخالفك الرأي وبحتاج بعض التفصيل

( موتا - تراوري - ريناودو - بيبي - مارتينيز - سورنسين - اكويلاني - كوالياريلا - ستوراري )

اللي بالأحمر ممتازين للدكة وادوا بشكل رائع الموسم الماضي واستغرب انك ما ادرجت بيبي معهم , هاللاعب كديناه الموسم الماضي لين قلنا بس ما بين جناح أيمن وأيسر وظهير أيمن و أيسر ولا قال أح

مارتينيز كنا جايبينه عشان نبادله بكولاروف بس سحب علينا لوتيتو الله ياخذ شكله وطاح بتسبودنا , مع انه كان علامة فارقة مع كاتانيا بالموسم اللي قبله لاعب 25مباراة و 9 اهداف و اسستين , بس ما ظهر معنا بالشكل المطلوب لأصابته بكسر في القدم في مباراة الميلان الدموية اللي فزنا فيها , وكذلك لأنه ما لعب بمركزه المفضل خلف المهاجمين , عموما سبب استقدامه الاصلي مبادلته مع كولاروف وما تحقق هالهدف

تراوري و ريناودو ما كلفوك ولا مليون يورو اثنينهم ويوم يجون وقتها كانوا تدعيم لدكة الفريق الخايس ذاك الوقت مو عشان يكونون اساسيين وقتها

موتا هو اللي باط تسبدي فعلا

( ماتري - توني - بارزالي )

جو بيناير و كلهم ابطال ويصلحون احتياطي بقيمة الأساسي وآخر اثنين جو مجاناً بعد

بالنسبة للبيع

( اماوري - ياكونتا - غروسو - موتا - بيبي )

اماوري و غروسو رافضين يطلعون من الفريق تماماً ورفضوا كل العروض اللي جتهم وش دخل ماروتا ان اللاعب عافط يدك وما يبي يطلع وغصب يبي يكمل عقده ؟ خصوصا اماوري اللي مستغل خطأ الادارة السابقة بإعطاءه هالراتب الخيالي !!

ياكونتا كيف تقدر تبيعه وهو كل موسم يقص شريط افتتاح غرفة المصابين ؟ مايتفاهم الا بـ 40 يوم وفوق وكل اصاباته بالركبة تقل متقصد

وشلون بتقدر تبيعه ذا ؟

بيبي زي ما قلت اشوفه كويس كإحتياطي وممكن يعطيك بأي مركز وانا مع جلوسه

موتا يمكن سبب بقاءه قلة اللاعبين بالدفاع , يمكن لو جانا قلب دفاع اضافي كان شفنا موتا برا وتحول سورنسن الى احتياطي للظهير الأيمن

بالنهاية لما نقيم العمل لازم نشوف وش الهدف اللي كان مطلوب ومدى تحقيقنا له , وفي رأيي ان نسبة نجاح 8 لاعبين من اصل 12 لاعب جبناهم الموسم الماضي لتدعيم دكة فريقنا اذا اكتمل هي نسبة كويسة جداً , وراح يكتمل شكل الفريق مع اللاعبين اللي جو هالميركاتو ولا راح ينقصنا سوى توفيق الله ثم شطارة كونتي و حبة مدافع خبير

عموماً الحكم النهائي المفترض يتم في نهاية الموسم واتمنى تكون النهاية سعيدة ومغايرة للمواسم الماضية

تفضل يا صديقي

MHM · #13 05/09/2011, 06:39 AM

يقولون أكثر واحد متشقق من الفرحة
ياكونتا يوم شاف هذي الصورة
الرجال مل من غرفة الفيفينو

//
سوبوتيتش الذي يحظى باهتمام اليوفي
لن أغادر دورتمند الا لفريق خارج ألمانيا
+
تم الاتفاق مع اليوفي وسنكمل المفاوضات في يناير
يناير القادم أكيد بيكون للدفاع
وكيل أعمال أماوري : موكلي يريد البقاء في الفريق لإظهار قيمته
أماوري أثبت انه مرتزقه
//
تسميه الملعب الجديد
يقولون فيه أخبار إن شركه فيراري هي الاقرب
Ferrari stadium
أسم فخم بصراحة , انبسط يبو حسين

Mdhaal · #14 05/09/2011, 07:10 AM

..

يالبا قلبك

مازلت متمسك برايك بضرب لك مثال ع الوضع اللي انت تحكي فيه وان اليوفي حالته سيئه ويحتاج عمل كثير خلت ماروتا يبيع نجوم الفريق ويجيب 12 لاعب

المثال

: اخوك مدهال على قد حالة وميزانيته لك عليها وعنده بيت حالته مثل حالة اليوفي مهربده وش اسلم الحلول لترميم البيت .. هل اني اهده كامل وابني من جديد او ارمم شوي شوي ..

نفس الحالة ع ماروتا كان قدامه كذا حل راح عفسها ويبي يبني من جديد مااحب ارجع للماضي بس صدقني كان يقدر يكتفي بـ 5 لاعبين بالكثير ( ظهير ايمن - ظهير ايسر - جناح ايسر - مهاجم - ستوراري )

ولما يجي الموسم اللي بعده بيكون كل شي واضح والميزانية تجيب لك اللي تبي لان النقص بيكون اقل ومو محتاج تشتري 9 لاعبين ..

بخصوص بيبي : رأيي انه لاعب مجتهد لاأكثر ولا اقل ( حمار مكده وانتم بكرامه ) نبي لاعبين عندهم مهارات يقدر يصنع الفارق للفريق
نضرب امثلة .. دييغو كان ضحية موسم سييء لليوفي الفريق كله سييء ويضحي بدييغو علماً انه اللاعب الوحيد هو وكامورانيزي كانو يملكون حلول فرديه ( نقاشي دائماً استثنوا دل بييرو منه ) وباعهم الاحول وجاب لي مارتينيز وبيبي ..

المصيبة الجديده زيغلر !! بـ بيعته رجعنا لنفس سيناريو الموسم اللي راح وضعف الاظهره ..
وممكن يلحقه توني انا ماادري حنا نشوف شيء والأحول وكونتي يشوفون شيء ثاني
توني ع انه ماجاء الا بيناير لكن صنع 5 اهداف وهو ثاني لاعب بصناعة الاهداف صنع وسجل اكثر من الهبل اماوري وياكونتا والحين يفكر يبيعه لغلطه سراي

بعدين لانقعد نغني ع موال اليوفي سييء ويحتاج مواسم للعوده هي موسم واحد سنة فيرارا ولا قبله ماكنا بالسوء الحاصل اخذنا الثاني والثالث ولعبنا بالابطال مااقول الفريق ممتاز بس مو في حاجة انك تهدم كل شيء وتعيد البناء من جديد

وللمعلومية انا من اشد المعجبين بصفقاته هالسنة لاني اعرف الضروف وانه الشق اكبر من الرقعه بس زي ماقلت خربها بالنهاية ماجاب سنتر وباع زيغلر وماصرف ولا عاهه ياخي استاجر واحد من المافيا وخله يذبحهم وفكنا

والله تعبنا منهم تصدق لو اني محل ماروتا لادفع الشرط الجزائي وافتك منهم نحس ع الفريق كله

تفضل

DhAari · #15 05/09/2011, 09:15 AM

للأصـآبـه التـي لحقـت بـه بمبـآرآة منتخبــه مع منتخـب ويلـز فوزينتش يتعرض لكدمــه :

بعد آصابة المُهاجم المونتغري [ ميركو فوزينيتش ] في مُباراة مُنتخب بلاده آمام المنتخب الويلزي
أكد الجهاز الطبي بـ آن آصابته مُجرد كدمة وآنه سيكون جاهزًا آمام " بارما " في الجولة الثانية
للكالتشيو الآيطالي يوم الآحد المُقبل ..

Goalcity.com / Home Page / News / Juventus, Vucinic ci sara' contro il Parma