إقتباس الرسالة الأصلية كتبت بواسطة teva4ever ياخي حاولت ابلع ردك وماقدرت اسامه افضل مدافع سعودي بدون نقاش ... وهذي ثالث مره يجيه عرض من نادي اوروبي اول مره كان نادي فرنسي وبعدها بلجيكي والان هولندي ... ماظن كلهم عميان مايشوفون !! يكفي انه اخذ افضل مدافع سعودي لموسمين متتاليين وتخبطاته على كلامك هي بسبب تخبطات اللي جنبه اللي هو ماجد المرشدي ... هوساوي كان شايل الدفاع كله لحاله .. وبرضو كان مأدي اكثر من ممتاز يكفيك كلام قيريتس ... قال لو فيه احد يستحق الاحتراف ... هو هوساوي فقط !! الرجال مو راعي سهر ... له نظام غذائي ممتاز على كلامه والدليل قليله اصاباته ماعدا اخر اصابه اللي طولت لانه لعب وهو مصاب بسبب كالديرون ! وبعدين الاساطير اللي تقول قبله ماشوف احد احترف زي الناس الا سامي الجابر ... وسامي للأسف راح لدوري قوي .. اكيد ماراح يشارك ... ترى الدوري الانقليزي اساطير جلسوا فيه احتياط مو سامي وهوساوي بس !!

تبي اجيب لك ماء تحدر به

يآخي السعودي والله ماينجح خارجياً خذهآ من الأخر ..!! ان راح بينجح مباراة مبارتين البآقي بيرجع احتياط
وبعدين ياخي شآيفني قآيل عنه سباك مثلاً ...!!
لو تبيه بدوري تركي صدقني بيجيك كوبري
اوسامه غني عن التعريف والي لازم تعرفه السسعودي مآهوب مهيئ للاحتراف خارجياً
هذي معنى الاحتراف عندنآ ..
والي تقول ان سامي راح لدوري قوي لاتنسى ان الدوري الهولندي قوي ايضاً
الي اتمناه من ادارتنآ إذآ قررت ان اوسامه يحترف تمدد لعقده كما سمعنآ وتجيب لنآ مدافع
بمستواه وانشاء الله ماراح الفريق يتأثر بغيآب النجم اوسامه ..~

الله يوفقه ويحترف سنه سنتين ويرجع للهلال وهو مكتسب خبره وقوه اكثر
كمشجعين وكعاشقين للهلال لانتمنى رحيل اي لاعب ويكفي المراره الي احس فيها من رحيل رادوي
ولاكن اذا كانت رغبه نتمنى له التوفيق

كل الود

إقتباس الرسالة الأصلية كتبت بواسطة أنا الهلالي والنعم يا جماعة الخير هوساوي لاعب عادي و كثيرة أخطائه عادي لو مشى ترى لا تعطون الموضوع أكبر من حجمه .. وجهة نظر .

اجل لاعب عادي ياعمي اطلع من مخي بس قال لاعب عادي قال افضل لاعب موسمين متتالين وحرام التفريط فيه وهاذي كارثه للهلال اذا راح هوساوي __ قال لاعب عادي قال

اللاعب ماقصر وهو مقدر الهلال ومعتز فيه لكن من حقه خوض التجربة وثق ان ذلك سيصب في مصلحة الزعيم

لاتعطون الموضوع اكبر من حجمه وتجعلوه مشكلا .. رجاءا

اسامه هوساوي لاعب كبير بس الواضح من تصاريحه الاخيره انه مووو عارف وش يبي
او بمعني الكابتن ملخبط شوي
- يبي يوقع مع الهلال
- يبي يحترف خارجيآ

مدري وش السالفه بالضبط وحده من 2
يا انه جايه عقد محلي عاااالي القيمه
او انه يبي عقد مع الهلال خياااالي

لكن ارجع واقول ان هوساوي مايدري وش يبي والامر عند شبيه الريح

إقتباس الرسالة الأصلية كتبت بواسطة نسيت الكلام والله انت اللي ماذا تريد؟ سواء انت او بعض قليلي الأدب والجاحدين اللي ردوا هنا ، وتزعلون لما نقول عقليات مراهقين الناس تطورت واحتراف و تطوير مستويات وحضرتك جاي تقول الهلال اكرم اسامه ولازم يرد الجميل؟! يعني لاعب معك كم موسم ونساك مشكلة الدفاع واخذ افضل لاعب سعودي وافضل مدافع سعودي وانت جاي بكل بساطه تكتب هالموضوع البايخ؟ للأسف العينات الجاحده اللي مثلك انتشرت في المنتدى بشكل مقزز ، يا اللاعب يكون على هواكم والا نخليه مايسوى بيزه وبسرعه ننسى كل شي سواه بصراحه ودي يحترف خارجيا وينجح عالاقل يفتك من هالنوعيه من الجماهير ، اما مسألة يوقع والا مايوقع مع الهلال فهو حر مثل ماجانا بسبب عرض مادي ، من حقه يقبل اي عرض مادي من نادي اخر خصوصا لو في اوروبا انت ماخذ الموضوع ان الهلال معطي اللاعب اكثر من حقه ماديا وبالتالي لازم اللاعب يقدر هالشي ويجلس طول عمره يرد هالجميل ويستمر مع النادي بعدين سبحان الله وش هالتناقض؟ الحين قاعد تنتقص من اللاعب وبنفس الوقت تبيه يوقع مع النادي عقد جديد؟! تفكيرك غريب

يسلم ياشيخ قلمك الجميل
وفعلا فيه ناس غريب تفكيرها

وغير منطقيا الف تحيه لك

انا بسئل سؤال


هالحين اسامة جايه عرض رسمي يوم نسوي كل هاللجه والصجه


ولا ياسر واحترافه ذيك السنه الله لا يعيده من احتراف مانخفض مستوى ياسر الا بعد ذيك الاشاعات



يا جماعة الخير والله ماضنيت نادي اوربي في راسه مخ يتابع الدوري السعودي والمنتخب فاشل


منين شافو اسامه عشان يقدمون له عرض


ولا بيروح يتسول الاحتراف هناك ؟ شي عجيب

لاينكر دور أسامه في المواسم الماضيه سوى الجاحد وأتمنى نرتقي بطرح وجهات النظر بدون إنفعال وتقبل مختلف الاراء

اقولها صريحه جداً واللي يزعل يزعل .... اسامه لاعب عادي جداً ليس اكبر من الهلال ..
نعم نشهد له بالخلق والاداب وهو من الاعبين الممتثلين بالخلق الرفيع ...

نعود للمهم اسامه الهلال من رفع مستواه .. والفضل لله ثم للهلال بذلك
فالهلال لديه وسط .. يصنع الفرق بل الفروق ولديه هجوم ومن دون جدال هو اكثر الانديه اهداف
واما الدفاع فهو اضعف الهلال ويكفي ان فرق المؤخره سجلت اهداف في الهلال جميعها والغريب ان الهلال يفوز 5-4 مقابل هدف ..
يعني هذه الفرق الصغيره عندما تهاجم الهلال مستبسله تسجل في الهلال ..
اذاً اين قوة هوساوي ... ياخوان المرشدي لعب مع الاتحاد وكاننا نكتسف المرشدي لاول مرة ..
...................................


اتمنى من الادارة الهلاليه البحث عن لاعب مغمور محلي يملاء هذه الخانه وهم كثر ..

إقتباس الرسالة الأصلية كتبت بواسطة ياسر التايب2009 مســــــــــا الزعماء اسامة هوساوي لاعب كبير وذو خلق لم يذق طعم الذهب قبل الهلال الهلال من مسك بيدة الي طريق البطولات وعرف الناس به اسامة هوساوي اول ما وقع مع الهلال قال با الحرف الواحد لبرنامج في المرمي(الهلال اكرمني بعقدي )وانا اشكرة علي ذلك ولانة يستحق كل ريال دفع فية ولكن السوال المهم لو لم يدفع الهلال هذا المبلغ ما كان مصيرك الان؟ هل في الدرجة الاولي؟ هل مع فريق لم يحقق البطولات من 15 سنة؟ هل كنت تفكر في الاحتراف الخارجي؟ هل سوف يدفع فيك الملاين؟ اسامة هوساوي اذا انت مقتنع بان الهلال اكرمك وهو من سوف يوصلك للعالمية فاليت ان ترد الجميل لمن اكرمك وتحفظ حقوق ناديك وتوقع معهم لرد الجميل ولكي لا نخسر محبتك

-------------------------------------------------------------------------
ولكن السوال المهم لو لم يدفع الهلال هذا المبلغ ما كان مصيرك الان؟

هل في الدرجة الاولي؟
الجواب: راح يكون في نادي الاتحاد لانه المفروض وقع مع نادي الاتحاد واشلون وقع للهلال ابحث وراح تعرف السبب؟!!!

الامور بدت تتضح اكثر واكثر الغيره والحسد مشكله

علشان عضو شرف اهدى رادوي سياره يطلع اسامه من بين اللاعبين ويزعل

اتوقع ان اللاعب براسه موال ويبي شي يسند فيه ظهره،

ان جلست بالهلال هلا ومبرحبا فيك وان رحت الباب يوسع جمل الهلال مو واقف عليك

لك شهر تماطل بالاداره معي عرض اوروبي وربي تضحك علي نفسك بالعرض الاوربي

وكل السالفه كبري ولوي ذراع الاداره بمبلغ كبير.

أقول ..خذو الكلام اللي يجمد على الشارب....والله ما عندنا ولا لاعب بالسعوديه كلها يستحق الاحتراف الخارجي...والله كلهم عااااااااااااااديين...بما فيهم أسامه...؟؟بس شكل الرجال في أحد لاعبن برويسه...ويبي يفلته من الهلال...بس يحلم...أول يربطونه بعقد ..ثم بعد ذلك يصير ألف خير؟؟

إقتباس الرسالة الأصلية كتبت بواسطة ح ٌـنتل مآن ..~ هذي مشكلة دلال الاعبين حينمآ يكبر رآسه ويحس تقل مآفيه إلأ هو بً الفريَق يقوم يتشرط ..! اي احتراف الي يبيه ..؟! ياشيخ مانجحو اساطير قبله بينجح هو ..؟ خله يستريح ويشكر ربه انه بنآدي مثل هـ النآدي الي لاولى الله ثم هـ النآدي مآطلع للمنتخب ..~ انا مع الاحتراف اذا كانت استراتيجية الاعب السعودي مثل الاوربي يحافظ على التمارين ينآم بدري .. يأكل اكل خفيف ويحافظ على اللياقه .. اسامه من مباراة لمباراة اخرى مستواه متخبط ويبي احتراف خارجي ..! الاعب السعودي ماراح ينجح خارجياً لين تصلح حال لاعيبتك والقوانين والروزمآنه حينهآ ايد ان الاعب السعودي يحترف ..~ آسآمه اجلس بس لآتروح ضحية حلم لآن ينجح ابداَ

والله المفروض احنا الي نشكر ربنا انه جا للهلال ولا راح الاتحاد ,, أجل اسامة مسستواه متخبط هااه ؟؟؟

والله لو لا الله ثم اسامة ,, كان للحين احنا نبكي على تفاريس ,, افضل مدافع سعودي لـ عامين متتاليين وتقولي

مستواه متخبّط ,, ولو راح الاتحاد برضو حيروح المنتخب .. ,, اسااامة مدلّل ؟؟,, شووووف ياااسر كييف وشووف عزيز كيف علشان تعرف مين المدلل ,, لاعب عمره ما غاب عن تمرين واحد ,, وفي كل مباراة يتحمل كوارث من زميله في الدفاع ,, اقووول احمد ربك انه عندك اسامة ,, والله الاندية الثانية تتمنى انه يكون عندها مدافع مثله

في عضو شرف اهلاوي اتفق مع وكيل اعمال اسامة لنقله الى الاهلي بـ 25 مليون .. (( عكاظ ))

برأيك لو اسامة مستواه متذبذب ومدلل زي ما تقول ,, هل راح يندفع فيه هذا المبلغ الضخم وهوا قلب دفاع

إقتباس الرسالة الأصلية كتبت بواسطة نسيت الكلام والله انت اللي ماذا تريد؟ سواء انت او بعض قليلي الأدب والجاحدين اللي ردوا هنا ، وتزعلون لما نقول عقليات مراهقين الناس تطورت واحتراف و تطوير مستويات وحضرتك جاي تقول الهلال اكرم اسامه ولازم يرد الجميل؟! يعني لاعب معك كم موسم ونساك مشكلة الدفاع واخذ افضل لاعب سعودي وافضل مدافع سعودي وانت جاي بكل بساطه تكتب هالموضوع البايخ؟ للأسف العينات الجاحده اللي مثلك انتشرت في المنتدى بشكل مقزز ، يا اللاعب يكون على هواكم والا نخليه مايسوى بيزه وبسرعه ننسى كل شي سواه بصراحه ودي يحترف خارجيا وينجح عالاقل يفتك من هالنوعيه من الجماهير ، اما مسألة يوقع والا مايوقع مع الهلال فهو حر مثل ماجانا بسبب عرض مادي ، من حقه يقبل اي عرض مادي من نادي اخر خصوصا لو في اوروبا انت ماخذ الموضوع ان الهلال معطي اللاعب اكثر من حقه ماديا وبالتالي لازم اللاعب يقدر هالشي ويجلس طول عمره يرد هالجميل ويستمر مع النادي بعدين سبحان الله وش هالتناقض؟ الحين قاعد تنتقص من اللاعب وبنفس الوقت تبيه يوقع مع النادي عقد جديد؟! تفكيرك غريب

تسمل اييدك ياشيخ ,, .. افضل رد

إقتباس الرسالة الأصلية كتبت بواسطة زياد 2007 الامور بدت تتضح اكثر واكثر الغيره والحسد مشكله علشان عضو شرف اهدى رادوي سياره يطلع اسامه من بين اللاعبين ويزعل اتوقع ان اللاعب براسه موال ويبي شي يسند فيه ظهره، ان جلست بالهلال هلا ومبرحبا فيك وان رحت الباب يوسع جمل الهلال مو واقف عليك لك شهر تماطل بالاداره معي عرض اوروبي وربي تضحك علي نفسك بالعرض الاوربي وكل السالفه كبري ولوي ذراع الاداره بمبلغ كبير.

تتوقع ايش ؟؟؟ ,, هذا الكلام ما فيه توقع ,, تقعد تتهم اللاعب وتقول اتوقع انه براسه موال

ايش دراك انت ؟؟ وايش دراك انه زعل ...


والله دوبي ادري انه فيه بعض من جمهور الهلال حساد