انا معاك يا صاحب الموضوع قلباً وقالباً
وكنت اتمنى احد يكتب عن الشلهوب من زمان
الشلهوب لا يعمل الا اذا كان بجنبه صانع لعب مبدع
اما انه يبادر فما اظن ... ولا نبخس الشلهوب حقه من انه لاعب جيد لكن ليس هو الرجل الي يشيل الوسط

بعطيك على بلآطه (روح الهلآل حالياً رقم 10) ؛)

الله يعينك بيجونك ناس عميان بيقطعون فيك بس تحملهم وانا اخوك
وترى كلامك 100 %

كلام فاضي ومو منطقي الشلهوب مجامل اموت واعرف فيه شي اسمه مجامله في الانديه يعني الاداره الي تحط التشكيله ولا المدرب اوجعتو راسي في كلمه مجامله

والله الشلهووووووووووووووووووووووووووووووب لاعب كبير جدا

كلام سليم 100 % الشلهوب نقطه ضعف واضحه مع احترامي له

هلا فيك اخوي

والله موضوعك في محله .. انا كتبت عن الشلهوب وعن مستواه .. بس العالم هنا ذبحونا بنقطتين

انه هداف الموسم الماضي .. وانه يلعب الموسم هذا محور ..

يعني الحين يقال انه الموسم الماضي كان فلتة زمانه ...

بعدين مالعب محور الا من نص الموسم هذا .. والنص الاول كان يلعب صانع لعب ...

اقسم بالله العظيم انه افشل اسطوره للهلال .. ماشوف له اي فايده ولا له اي ميزة لمن يلعب

الا بالعكس دايم لمن يلعب يكون نقص في الفريق ... ذبحونا شوتاته شوتاته .. ياعمي طير انت وهو يعني الا تبون تقنعونا انه فنان .. والله انه اكبر مقلب واكثر واحد تمت مجاملته في نادي الهلال من يوم تاسس

ما أقول الا شر البلية ما يضحك !!!!!!

أجل الشلهوب مجامل !!!؟؟؟!!!

اسمحلي أنت ماتفهم كورة , مع احترمي لك ...

اذا هذا الكلام على الشلهوب ويش تقول في باقي اللاعبين فهو هداف الدوري الموسم الماضي ومساهم في بطولتين هذاا الموسم وحاطلك كورة للفريدي هو والباب في مباراة امس
وترى الشلهوب اكبر من مواضيعك هذه

يعني لازم نوافقك الراي او نصير مع الخيل يا شقرا
لكن بصراحه وبدون زعل عندنا ناس في هالمنتدا ما بعد اكتملت شهادت الطعيم حقتهم وجاي ينقد ويبي كل الناس توافقه والا يصيرون مع الخيل يا شقرا يعني هو اي يفهم بس

الشلهوب افضل لاعب محلي في الهلال كمستوا واخلاق

صح الشلهوب تنقطع منه الكور وبنيته ضعيفه مايحتك وكم مره جت كوره من مرتده والسبب هو وجاء هدف لكن ماينلام بصراحه كالديرون دمره مخليه محور ويخليه في الطرف الايسر الشلهوب مكانه خلف المهاجمين يعطيك انت وضمييرك شف مع جيرتس وش سوا هداف الدوري حطه في مكانه وتشوف وش يسوي ،اضرب لك مثال في ويلهامسون اذا راح جناح ايسر مايسوي شي لكن بمكانه باليمين يسوي الهوايل الواحد اذا وضع في غير مكانه طبيعي بينزل مستواه،،

اتمنى ابعاد محمد الشلهوب واحضار اللاعب الاسطورة في نادي الاتفاق اللاعب يحيى الشهري . لاعب يستطيع خدمة النادي لخمس عشر سنه لان عمره 20 وايضا صانع لعب مميز وياسر القحطاني يحتاج صانع لعب ينزل الكورة مقشره . تكفا ياسامي احضر هاللاعب

وركلت الجزاء او الهدف الثالث أتوقع مب متأكد ان تمريرة مقطوعة من الشلهوب

وانت الصادق مقطوعه من عبد العزيز الدوسري

الله يعطيك العافيه....
الله يوفق الزعيم الموسم القادم...

هههههههههههههههههههههههههههههه

لاتعليق