20/06/2011, 12:26 PM
|
 | موقوف | | تاريخ التسجيل: 20/08/2010 المكان: in. my huose. .,
مشاركات: 978
| |
|
بعد تعادلنا امام الاتحاد ..هل اصبح الشك في خيانة كالديرون يقينا...؟
بسم الله الرحمن الرحيم
في البداية اقول هاردلكم الخروج من دوري الابطال ..وان شاءالله معوضة في الموسم القادم
صراحة قدم ..الهلال مباراة جيدة جدا .. عادت فيها الروح بعد عودة سامي .. ونتمنى تبقى الروح هذي
في الفريق طوال المواسم القادمة ..ومانبيها تختفي فجأة وتضهر فجأة
للاسف ماجد المرشدي ظهوره كان متاخر نوعا ماء..لانه للاسف كان غايب طوال الموسم
وماقصر امس كان واقف صح مع محمد نور ..عكس المبااراة السابقة كان مرتبك ارتباك غير طبيعي
ونتمنى انه يواصل اللعب بهذا المستوى ..لانه لاعب صراحة عنده سلبيات كثيرة مثل انه مايستخدم الرجل اليمنى ابدا
وهذي اكبر مشكلة يواجهها لاعب قلب الدفاع ..وعدم استغلاله لضربات الراس بالرغم من طول قامته..!
عموما ممكن اذا جاء لاعب مدافع اجنبي راح يستفيد منه ..ويتعللم بعد الاحتكاك به
......
بعد الخسارتين المؤلمة امام الاتحاد ..شكك اغلب جماهير الهلال ب امانة كالديرون وانه خاين .وماخذ رشوة من احد اعضاء شرف الاتحاد...!
السؤال الحين ..كوزمين قضى مع الهلال اجمل ايام حياته التدريبة ..واقام علاقات ودية مع اللاعبين واخذ عضوية شرفية من النادي ..بعدها انتقل لنادي السد القطري ..واول مباراة لعبها ضد الهلال ..خسر فيها 3-0
وقبلها اللعيبة راحوا يسلمون عليه .. ويضحكون معاه ..ليش ما احد من جماهير السد شكك بكوزمين ..؟
صراحة اللي يشكك ب امانة كالديرون ..شخص اقل مايقال عنه انه غير فاهم بكرة القدم..!
بدال ماتشكر المدرب على كل سواه ..بطولة الدوري (المقياس الحقيقي لقوة الفرق)+ كأس ولي العهد
تروح تشكك وتقول رشوة ..وتواطؤ ..وخيانة ..!
انا ابي اعرف الحين ..ليش حنا يالجماهير مانكون اوفياء ..للي يخدمون النادي .ليش اول مايروح تنتقصون من عملهم
سواء كانوا مدربين ..او لاعبين ؟؟
يعني مثلا .بعد ماحقق الهلال الدوري (بدون هزيمة) وكأس ولي العهد ..راح اغلب الجماهير يقولون ان كل هذا من جهد اللاعبين ...! وكالديرون ماعمل شئ واصلا الهلال هو اللي يصنع المدربين ..؟!!
الحين ابي اسأل (مادام الهلال ..هو اللي يصنع المدربين...؟ ليش نتعب نفوسنا وندفع ملايين عشان نجيب مدربين)
وللاسف ..في ناس تقول اللاعبين هم اللي صنعوا الفارق ..وبعد الخسارتين من الاتحاد يلومون كالديرون..!
اذا كان بالفعل اللاعبين هم اللي صنعوا كالديرون ..ليش ماتلوم اللعيبة على الخسارة
ولا اذا خسر الفريق السبب كالديرون ...واذا فاز الفريق السبب اللاعبين ..>>تناقض عجيب
لاتحسبون كلامي هذا كلله دفاع عن كالديرون ..بالعكس اصلا هو سبب رئيسي بخسارة الذهاب
ويتحمل الجززء الاكبر ..وخصوصا بعد ما بدل لاعب مهاجم .بلاعب مهاجم ..!؟
لكن انك توصللها رشوة...!؟>>قوية شوي
....
صراحة قبول ..الكابتن فيصل ابو اثنين ..بالعمل مع سامي بهذه السرعة ..شي يشكر عليه وهذا يدل على شجاعته وثقته بنفسه
وصراحة اذا كان سامي ..(لاقدر الله) يبي يترك الفريق اعتقد فيصل ابو اثنين قد المهمة
بعض الجماهير الهلالية ..لازم المعللق يمدح الهلال عشان يكون بوجهة نظرهم محايد ..ولازم مايمدح الفريق المنافس
يعني مثل ماحصل مع الشوالي امس ..اكيد راح يمدح الاتحاد لانه هو اللي تأهل..وترى مثل مانتم تطالبونه يعطي الفريق حقه
حتى الاتحاديين يبونه يعطيهم حقه ..والمعللق لازم يكسب جميع الجماهير ..عشان يكون محل رضى الجميع
وصدقوني لو الهلال مثلا ..تاهل للنهائي امس راح ياخذ حقه واكثر
....
جريدة الجزيرة للاسف..تضر الهلال اكثر ماتنفعه ..لانها بكل صراحة جريدة تحب تشكك ..وتدخل في الذمم
زيها زي جريدة الرياضي ..وصراحة مثل مافيها كتاب هلاليين ..مميزين زي عبدالكريم الجاسر
لكن فيها كتاب هلاليين حرام انك تقول له كاتب ..لانك اذا قريت له تحسك تقرا لمشجع..!
وبعضهم (مايستحون) يجيك الواحد يتكللم على الهلال ..ويقول انهم مخطئين .والمفروض مسوين الشي هذا
وبعد اسبوع واحد تلقاه هو اللي يمدح ويشيد بجهد الادارة ..!؟
واكثر ماينرفزني ..اذا جاء احد الاعضاء يقول للكاتب الفلاني..((محامي الهلال))>>سلامات ..!
محامي الهلال ((((جماهيره)))والباقين محامين مع نفوسهم
انا يعجبني مثلا من الكتاب الهلاليين فهد الروقي +عبدالكريم الجاسر ..لكن ماتوصل اني اقول انه محامي للهلال.؟!
لان بعضهم اذا قلت له انت محامي الهلال ..ينتفخ راسه ويحسب رايه هو راي الجمهور كلله
ختاما
...
اجانب الهلال جميعهم ماقصروا ..والله يوفقهم في باقي مشوار حياتهم .. واتمنى اذا راح رادوي
يجي بداله محور ..لان هالمركز مهم لدرجة غير طبيعية .. وطبعا تقريبا خالد عزيز يبي يمشي ..
والغنام +البرقان+القرني ..لاعبين صعب تعتمد عليهم وحيدين بمركز حساس
قفلة"""
حكم روماني ..راح يسولف مع (ابن جلدته ) قبل بداية المباراة ..وقامت الدنيا 
وحكم يترجى لاعب عشان فانيلته >>>عاااااااادي لا تدققون واجد |
الوضع الشجري
