إقتباس الرسالة الأصلية كتبت بواسطة b.2010 الحمداللللللللللللللله والشكر أصلن ما يعرف بسالفة الخمسه هذي اللي فالحين فيه خمسه وهالخرابيط وتجلسون تتدقون ف أشياء مالها داعي .. فرحانين بخمسه .. وهو مطلعك من اهم البطولات ف هذا الموسم والله ناااس غريبه

لا ياخوي الله يسعدك أنت والباقين اللي انتقدوا طريقة الموضوع أو التغنِّي بـ الخماسية ، المقصد مب تطبيل أو تغنِّي بـ ذكر أشياء ما لها داعي ، بس مب لازم كلّ المواضيع تكون انتقاد ، المباراة الحين صار لها ثلاث أيام ، خلاص طلعنا وقدَّر الله وما شاء فعل ، وإن شاء الله الخروج هو الدافع لـ القيام بـ تصحيح أكبر ، لازم نبقى نحرق دمنا طول الوقت إلى الموسم الجاي ؟!!!

بس كذا بـ نبقى جالسين زعلانين حاطِّين يدينا على خدودنا والجماهير الباقية تضحك علينا وكأنَّنا أسوأ فريق في الموسم !! طيب شيء محزن وأقدر أقول مخزي أنَّ الهلال يواجه الاتحاد خمس مرات خلال موسم واحد ويعجز عن هزيمته ولو مرَّة واحدة ، لكن خلاص ، ماراح أقول انَّه شيء ماضي ، لكنَّه مضى ويبقى في الاعتبار لـ القيام بـ عمل خلال الصيف أفضل من الصيف الماضي الفاشل بـ معنى الكلمة ..

لكن في النهاية إذا كلّ المواضيع انتقاد لـ الأخطاء وكلّ المواضيع صار هدفها واحد وش بـ يصير ؟؟ ماراح يصيبك الملل ؟ ماراح تكرِّر في كلِّ مشاركة نفس الكلام اللي توك قايله في الموضوع اللي قبل ؟ ماراح يصير فيه تكرار لـ نفس الأفكار ؟ وغيره وغيره وغيره !!

طبعاً أعتذر من صاحب الموضوع على التدخُّل في التبرير لـ محتوى الموضوع وأنا يمكن ما أملك صلاحية ولا حقّ في ذلك ، لكن مع كامل الاحترام والتقدير لـ من هم أهل لذلك ، الناس الغريبة هي اللي تبغى كلّ الوقت انتقاد ، وإذا جاء وقت الانتقاد تشوف ماحد حولك وقلت يا ليته كان ساكت ولا تعَّب نفسه !! طبعاً ما أقصد أحد بـ عينه لكن فيه ناس كذا !!



بالتوفيق لـ الزعيم ،، وفي النهاية أتمنَّى لـ أحمد علي التوفيق في مشواره القادم ، في رأيي قدَّم الكثير لـ الزعيم ويستحقُّ الشكر ،، وبـ صراحة أنا أوَّل إسماعيلاوي خلف أحمد علي ، وأتمنَّى له كلَّ التوفيق ..