نادي الهلال السعودي - شبكة الزعيم - الموقع الرسمي

- منتدى الجمهور الهلالي (http://vb.alhilal.com/forumdisplay.php?f=28)

- - فهد المفرج (http://vb.alhilal.com/showthread.php?t=1025676)

سؤال جدا بسيط
دفاعنا الضعيف جدا وناقص العدد هل يعقل ان نفرط في فهد المفرج ونجيب سلمان الخالدي
اي فكر اداري سقيم وغير موفق !!

في اسوأ الظروف المفرج افضل من الخالدي ولو احضر الخالدي فلا يوجد بدلاء في الدفاع لذلك نظطر ان يلعب طيب الذكر الغنام مدافع !!

الان فقط تدركون التخبط الكبير الحاصل في النادي بمباركة الرئيس ومدير الكرة !!

آآآآآآآه لو يحترم اللاعبون الشعار ويدكون الاتحاد في ارضهم بخماسية اخرى آآآآآآآآآآآآآآآآآآآآآآآه

يا حبيبي فهد المفرج .. ما قصر في نكباته

و ابشرك ترا فيه من حل محله .. الا و هو اللاعب الكبير ماجد المرشدي

ماجد النكبات .. و ماجد الرعشه .. ما ادري وش قصته .. تصكه ام الركب كثير

و فكونا من التباكي على الاطلال

المفرج مشى و راح الله يستر عليه .. و يوفقه

لكن لا هو و لا ماجد و سلمان .. قد الهلال

الهلال اكبر منهم

الحين رضيت على المفرج بعد ماطلبة برحيله
لاخلاص كل شي انتهى
باذن الله العوض في قادم الايام
والامير مايقول كلمه الا قدها ان شاء الله

يشهد الله علي اني كنت متأثرة جدا عندما علمت بالاستغناء عن اللاعب الخلوق المخلص وابن النادي فهد المفرج للاسف ان نادي الهلال اصبح لا يقدر من يخلص له وعمر الغامدي ايضا فرطنا فيه واصبحنا نبحث بديل لعزيز العاق لناديه المتمرد

والله ثم والله لحد الحين ما ادري كيف جابو الخالدي

اصلآ ماقد شفته يلعب أول هههههههههههههه

ويحيى الكعبي الثآني

<< بالله هذا نادي يبغى اسيآ

النآدي اللي يبي اسيآ لآزم يكون عنده احتياط نفس قوة الاساسي او اقوى

يا احبتي فهد يكفي اخلاصه للشعار ولعبه الحماسي , اما الاخ اللي يقول انت طالبت برحيل فهد فأنا اقول له ان ذلك ما صار ولم اطالب برحيل فهد ..
واقصد من كلامي ان اذا بنجيب لاعب مثل الخالدي ومن هو في مستواه فبقاء فهد افضل واولى واجمل واكثر فائدة ..
من يقرأ يركز شوي .

إقتباس:

الرسالة الأصلية كتبت بواسطة ريم السحاب (مشاركة 18300509)

محد مس اخلاقه

ولكن .. المفرج .. كان نكبه في مباريات كثيره على الهلال

و الهلال اكبر منه

و ان شاء الله يتبعه اللاعب الوسيم ماجد المرشدي .. و يفكونا منه

الهلال .. يحتاج لاعبين بخامة اسامه هوساوي

لاعبين بروح رادوي بداية الموسم

مو لاعب جل همه .. قصة شعره و لوك جديد

مشكله الجماهير العاطفيه

شكرا اختي ريم السحاب
شكرا اخي البرنس اليمني
شكرا اخي الذيب
شكرا اخي فيصل الجهني

سعيد بمروركم جميعا

احسنت يا فيصل متى نفتك من ماجد ولكن نريد بديل افضل والا فليبقى !
والشكوى لله

ياخي المفرج ما كان يرفع له الا وجد تفاريس جنبه :)
بس كان لاعب حماسي وحماسه غطى على الكثير من هفواته
والمهم والأهم انه افضل من الخالدي
...

يعتبر فهد المفرج أحد أبناء النادي
لكن الهلال يحتاج أفضل من فهد ومن ماجد

يعني لاعب مستوى اسامة هوساوي

خلاص كل شي انتهى ومينفع الوم الان

روقــنا بس ماطاح الا انببطح الخالـدي والمممفـرج .... ؟؟؟؟؟ !!!!!

,،

مع احترامي لكم
بس الخالدي باقي مااخذ على الفريق
كلها كم المباراة اللي لعبها وحكمتوا عليه بالهسرعة
صبركم عليه

,،

يعتبر فهد المفرج أحد أبناء النادي
لكن الهلال يحتاج أفضل من فهد ومن ماجد

يعني لاعب مستوى اسامة هوساوي

يا اخي عطوا الخالدي فرصه
رادوي اول ما جاء البعض ما اعجبهم

ماادج من هذاك الاهذاا كلهم نفس الاشكاليات المفرج اكثر لاعب في العالم يجيه شد عضلي

يكفي نكباته الاولى

اخي الكريم .. وياجماهير الزعيم لاتستعجلو في الحكم على سلمان الخالدي .. فهو لم يلعب بشكل كافي عشان نحكم على مستواه ؟؟؟ واعرفو انك لاتملكون مدافعين الا اثنين حتى وماجد المرشدي تحت الطموح فلا يوجد الا الاثنين هؤلاء قلوب دفاع تستحق اللعب في الهلال ماجد واسامة .. ( لاني اعرف من هم قلوب الدفاع الباقيين !! فقد تابعناهم بشكل كافي وعرفنا من هم !!! ).. اذا خلونا نصبر على سلمان عشان نعرف مين هو بالظبط .. كم لعب من مره سلمان الخالدي ..؟؟ ماحد يعرفه .. لو قلت حسن الراهب لو قلت وليد الجيزاني هؤلاء شاركو مع فرق كبار وعرفنا مستواهم لكن من يعرف زين مستوى الخالدي ؟؟؟ اذا كان اسامة هوساوي جاء للهلال وكأنه لم ياتي ماحد تكلم عنه ولاحد فرح بيه الا لما شارك في عشرين مباراة تقريباً ظهر مستواه وتأثيرة ..اقصد اذا كان افضل مدافع اسوي ولاعب الوحدة السابق اسامة هوساوي ماحد من الهلاليين عارف انه صفقة كبيرة جدا جدا .. تبيهم يعرفون من هو الخالدي ؟؟؟؟ لسه بدري ..واذا كان اخطأ في مباراة فأسامة نفسة اخطأ اخطأ كلنا نعرفها .. وهذي حال الكره لابد ان يكون هناك الخطاء للمدافعين والمهاجمين والوسط ..يعني لانكبر غلطة المدافع ..وغلطة المهاجم تكون عادي ! كلهم لاعبين ويغلطون ..!

وبعدين من بتجيب اذا ابعدت هذا اللاعب الي ماندي هل هو قادر على تالدفاع عن الهلال ام لا .. انت عارف ان الدوريس السعودي بكبرة مافية قلوب دفاع صح ..وهذا شيء مشهور ومعروف ..

الي اعرفه ومتاكد منه ان عبدالله الدوسري بمتابعة له عندما لعب في الاولمبي موسمين ومع الفريق الاول لعب قليل من المباريات هو وحسن خيرات لاينفعون ابدا ابدا .. فالاول لايجيد المواجهةة ولا تخليص الكور وليس لدية امكانيات مهارية تساعده على قطع الكور او الارتقاء .. والثاني بطيء يسرح كثير بارد يعني كلا الاثنين لاينفعون بتاتا للهلال ...خلونا نشوف الخالدي زين ولانستعجل ..على الاقل المبادىء الاولى تقول انه افضل من الاثنين ( على اقل تقدير ) ..

انا اعرف ان حتى ماجد المرشدي .ماهو طموح الهلال ..لكن للأسف هومن افضل خمسة مدافعين في الدوري السعودي ..لأن الدوري السعودي لايوجد به الا ثلاثة او اربعة مدافعين جيدين ياتي بعدهم المرشدي .. يعني مالك الا هو ... والي يقول بلال مدافع الوحدة والله لعب على نفسة لاعب ثقيل وضعيف في الموجهه وشغله على التكسير .. يعني ماادري مين يجيب هلاقترحات ويصدقه على طول الجمهور ..؟؟ بلال لايحسب مع الخمسة عشر الاوائل في قلوب الدفاع تقريباً ..يعني ماجد المرشدي افضل منه بكثيير ..حتى لو ان ماجد ليس بطموح الهلال ..

الله يسامح الي أشار على الهلال بالتعاقد مع :
1ـ سلمان الخالدي
2ـ أحمد علي
3 ـ وليد الجيزاني
4 ـ يحي الكعبي

احس الهلال اكبر من هؤلاء اللاعبين

احسن شي في المفرج لاعب حماسي لاعب يلعب بروح بعكس بعض اللاعبين
فهد المفرج لاعب يبكي من اجل فريقه وهذا ما نتمناه في لاعبين الزعيم

عااام 2007

المفرج نكبنا في مباره الاتحاد

ودخلت بالمنتدى وسبيته وعطوني باند المشرفين الله يجزاهم خير

يعني المفرج بالعربي نكبه هو لاعب حماسي قتالي بس نكبه

يعطيك العافيه

انت كيف حالك وعلومك طيب ؟؟

اجل تبي يرجع لنا مخرج 17 ؟

نسيت نكبة 1417 و 1418 وووووو الخ ؟

الله يخارجنا من بعض الاعضاء الي عليهم طلعات !!

مساء الخير
عتبي على الاخ /فيصل الجهني
بالنسبه لماجد المرشدي لاتهضم حق اللاعب لمجرد غلطه غلطها في اي مباراه معينه
يكفيك انه اللاعب السعودي الوحيد على مر العصور الذي توج بلقب افضل لاعب خليجي في دورات الخليج للمنتخبات
والموسم الماضي انخفض مستواه بسب الاصابه
الهلال محتاج اكثر من مدافعين غير المرشدي وهوساوي والخالدي
اتمنى انا مانكون قاسين على اي لاعب لمجرد غلطه حتى الغنام اللي الى حد الان مش مقتنع بمستواه من اول ماانتقل من الشباب

إْذاا تتكلم على الدفـااع قوولي من تبي ..

ماافيه مداافعين في السعوديــه حاليـااً ،

شكرا للجميع
والاخ هلالي متعصب : انت ضع مقارنة بين المفرج والخالدي وقول وش رأيك
ولا تناقض نفسك المفرج اللي دمره هم جمهور الزعيم يبونه مثل اسامه ولا يخطي ابدا !!
يعني مرررره عاجبك المرشدي
يا اخوان ادارة النادي يا تجيب من هو افضل من الموجود يا تبقيهم هذا هو المقصد .
والمفرج لاعب حماسي يحترق من اجل الشعار ولا تنسى اهدافه الحاسمة واللي آخرها جاب فيها بطولة للهلال .

واما سلمان الخالدي فواضح من التحامه وتشتيته للكوره ومتابعته انه لاعب جدا عادي وياليت كلامي يطلع مو صحيح ويكون افضل من اسامة , وشوف الشباب وشلون حصل على مدافعي الاهلي وليد عبدربه ونايف القاضي واللي هم افضل بكثير من المرشدي والخالدي .

الوعد جدة ويا رب نفوز بالاربعه .

والله لا تناقض ولا شيء ياخي لو تضع مقارنة بين المفرج والمرشدي راح ترجح كفة المرشدي

بكل تأكيد .. يا رجل المفرج هذا نكبة النكبات ما صدقنا اننا افتكينا منه !! دايم يكسر التسلل ومتهور في

منطقة الجزاء كلف الهلال اهداف كثيرة ما سموه مخرج 17 من فراغ !! انا اتفق معك ان الخالدي هذا

مدافع امكانياته متواضعة جداً .. ولا يليق بفريق بحجم الهلال يتعاقد مع رجيع الاندية !! لكن انا ضد التباكي

على لاعبين كانوا عالة على الفريق .. مثل المفرج والتمياط والجمعان والهليل وغيرهم !!

إقتباس:

ماجد النكبات .. و ماجد الرعشه

انآ آسف جداً بس أخآلفك الرأي..مآجد المرشدي بطل ومُدآفع جيد ومستوآه ممتآز ولآتنسى انك كنت تصفق له طوآل الموسم وقدّم مباراة كبيره مع الاتحآد في كأس الابطآل ومآقصر اتمنى مآ تنسف جهوده,,ويضل مآجد أحد أهم اللاعبين في الفريق..

وجمآهير الهلال هي من طآلبت برحيل فهد المفرج مع العلم انه نجم وتكفيك الروح اللي يلعب فيهآ..

كفآكم بُكآء على اللبن المسكوب فـ القآدم أهم..

أما لوكنت مكان المدرب لأجرب ابوعلي قلب دفاع شكله شكل مدافع هو والجيزاني طوال وهد وابوعلي يرجع لمصر وحنا مغيرين وظيفته وتخصصه ....والله لوتقول له صرحارس يوافق اهم شئ المهيه كام ياباشا هههههههههه

المفرج جاب بطولة غيره ضيع بطولة

صحيح ان المفرج والخالدي والمرشدي نكبات وكل واحد اكثر من الثاني نكبة :d

بس نكبة عن نكبة تفرق :d

أنا اتوقع هالنكبات بيسون شئ غريب في الإياب >>>يارب يعطينا المرشدي رأسية تجيب الأمل

إقتباس:

الرسالة الأصلية كتبت بواسطة هلالي متعصب (مشاركة 18301657)

صراحة استغرب تهكمكم على فهد المفرج بالله انت ادمي ماتستحي على دمك رجل فاضل على خلق ودين تتكلم عنه بهذا الشكل وتعد نفسك من جماهير الهلال هو لعب منذ صغره كقائد للفئات السنيه حتى الفريق الاول وجلب لنا بطوله باخر مباراه لعبها وساهم في بطولات كثيره للهلال ممكن 20 بطوله قسما انه عندي يسواك مليون مره (استح على وجهك )
ماحنا انذال ننسى لاعب مثل الهلال سنوات ورجل ملتزم لابارك الله بهالاشكال المحسوبه جماهير هلاليه

اخي الترنيدو
اهدأ والاخ هلالي متعصب فقط ذكر وجهة نظره والا المفرج خسرناه مقارنة بالخالدي وحسن خيرات ومن هم على شاكلتهم

اعنذر للاخ هلالي متعصب نيابة عن الاخ الترنيدو ونعزوذلك لاندفاعه وغيرته على الزعيم ولاعبيه وخاصة الملتزمين منهم .

وفق الله الزعيم لرد الدين للاتحاد

والله الهلال طلع نجوووووووووووم كثار بس الي قاهرني وليد عبد ربه ياليت الهلال اخذه دفاع ممتاز كان مع اسامه في كاس اسياء 2007

المفرج و الخالدي مستواهم الطبيعي في أندية الوسط
ويخب عليهم .؟!

والله الهلال ما دمره إلا الوسايط !

الف شكر

وان شاء الله الفوز على الاتحاد

والله العظيم انه اغلب اللاعبين عندنا المدافعين

هذا اقصى مايملكون وافضلهم( هوساوي-المولد) حاليا

فهد المفرج ونعم الرجل هذا من خيرة الرجال خلقا وأدبا رجل فاضل بكل ماتحمله الكلمه من معنى خدم الهلال سنوات عديده وساهم في بطولاته وانتزع لقب للهلال برأسيه قبل رحيله للاتفاق حيث ابدع معهم وخسره الهلال

فهد لاعب كبير وتمنيت ان الاداره ما استغنت عنه

لكن هو لب الرحيل لانه يبي يعطي فرصه

لكن لا تخافون عندنا قلب الدفاع حسن خيراااات
ورضوان الموسى

يا حبيبي فهد المفرج .. ما قصر في نكباته

???????????????????????????
???????????
ومليار ؟؟؟؟؟؟؟؟؟؟؟؟؟؟؟؟

فهد المفرج و صالح النعيمة اثنين لن يتكررون بحماسهم يلعبون للفنيلة موهب للفلوس والبورش والشرهات

اما الخالد اعتقد كان مقدم مستوى أكثر من رائع اما الاتي رغم انها اول مبارات اساسي

وش نسوي عاد عطني مدافع متاح تقدر تجيبه تراك بالدوري السعودي يعني ما فيه دفاع محلي يستاهل تفدع فيه غير اسامه. ثانيا لو فيه امكانيه احضار محترف خامس صدقني كانو جابو مدافع بس الشكوا لله.

يعطيك اللعافية ي الغالي وسلمت
وبالتوفيق للزعيم ي رب

إقتباس:

الرسالة الأصلية كتبت بواسطة مستشارة الهلال (مشاركة 18300664)

ومع احترامي لك اساسيات الكورة تنعرف من اول لمسة
كنتروله على الكورة -سرعة بديهة- التحرك الصحيح سواء بكورة أو بدون
واغلبها مو موجودة لا عند الخالدي ولا المرشدي ولا الغنام ولا الزوري وهلم جر من على شاكلتهم

مستحييييييييييل عندنا مباراه بكرهـ وانتو تقولو المفرج ...

بالتوووووفيق للهلال

لا طــــاح الجــــــمل كــــثرت سكــــاكيــــنه

كلامك سليم التفريط في المفرج خطاء لايغتفر

الحين مخرج 17 (المفرج) صار كنفاروا ؟؟؟؟؟؟؟؟

شف اي احد يطالب بالمفرج ماتطلع من ثنتين ؟؟ يا اما الكورة يمين وهو يسار ؟ يا اما انه يكرهه الهلال

ياحبيبي المفرج موب لاعب انا اصنفه اصلاموب لاعب كرة قدم
واسطة ونشب في حلوقنا

اخلاصه وحبه ما قلنا فيه شيء حتى انزهان يحب الهلال وحتى العنقري يحب الهلال الدعوة امكانيات

المرشدي افضل منه ب 6000000 مرة مع تحفظي الشديد على المرشدي

فهد لاعب كبير ظلم من نادي الهلال جماهير واداره لاعب وفي يلعب لاجل شعار ناديه

عن ماجد المرشدي اشوف لاعب ممتاز هذا الموسم ومباراة الاتحاد الاخيره كان بطلها

اما عن البديل نعم الهلال يحتاج قلب دفاع ثالث بمستوى هوساوي

ونقطة ضعف الزعيم هي الهجوم وعدم استغلال الفرص

فهد المفرج ماقصر قدم كل شي يقدر عليه ولو جلس مايقدر يقدم مانطمح اليه الله يستر عليه

ماجد نجم مباراه الزعيم مع الاتحاد المذله الماضيه وهذا اكبر دليل ان ماجد كبيييير ويستاهل الهلال والهلال يستاهل ماجد

ورح تشوفون اداءء افضل وافضل من ماجد وانا متاكد 200%

السلام عليكم

شف الخالدي انا اشوف انه كويس بس يبيله صبر شوي والمرشدي بس يبيله شوي توجيهات

المفرج والله انه حماسي بس يخور بصراحه ماتضمنه ممكن اننا نجيبه احتياط ممكن بس اساسي مايصلح

والله حرام نفرط فيه المفرج والغامدي هاذه الي قاهرك

إقتباس:

الرسالة الأصلية كتبت بواسطة ريم السحاب (مشاركة 18300509)

+1 وأنا بعد يشهد عليّ الله أني كنت متأثر لما استغنوا عن المفرج الموسوم الماضي
لان مثل هذا اللاعب كان مفروض ما يطقها اصلا في الهلال
كان لقب سامي (جابر عثرات الهلال) يا عمري يا ابو عبد الله
والمفرج (جالب نكبات الهلال)

المفرج بيعتزل هالسنه هذي وش رايك نرجعه

موب وقته موضوعك

قال مفرج قال

نبي مدافعين زي النااااس

وتقول مفرق

شكرا للجميع
لا زال الكثير من الزعماء مو فاهمين قصدي !!
يعني وش رايكم المفرج ولا الخالدي
والا نضطر نلعب الاخ الغنام دفاع !!

بالتوفيق للزعيم غدا ويارب نعيد ذكرى الخمسة بس وينك يا تياقو نيفيز !!
يالله نقول البركة ان شاء الله في رجال الزعيم لرد الدين للاتحاد .

اخوي انت من جدك !!

يوم قلنا الكمالي حق الوحدة الإماراتي قلتم اشلون هذا مافيه خير الحين نقزلنا الخالدي و فهد المفرج

ا ا ه ه ه بس يا قلب -----------------------------> لا تحزن

القائمة السوداء في تهزئ الزعيم على مر العصور ( دورة المصخرة في الطبيعة )

المفرج ------------- المرشدي ------------- الخالدي --------------- !!!!!!

المفرج اسواء مدافع في تاريخ الهلال والتفريط فيه سهل

لكن اللاعب الخساره هو المخلص عمر الغامدي

المفرج لاعب خلوق

لكن ماكان في مستوى الهلال وانا كنت من المؤيدين لرحيله لانه موب مستوى طموحات الهلال

ولكن الغريب !!! انك تذهب بالمفرج وتأتي بالخالدي !!!! على قولة الاخوان ماطاح الا انبطح !!!

ع العموم كل من يستحق انه يذلف عن الهلال يارب يذلف ويجي الي احسن منه

بالتوفيق للزعيم يارب

المفرج ميزته حماسي و مع احترامي نككككبه والمرشدي افضل منه لاكن طموحنا مدافع مثل ابو كلبشه يحترق عشان الشعاااار ..

الخالدي لعب نص شوط وتجون تحكمون عليه !!

وبأي اساس تحكمون عليه من اول مباراة وتقولون نكبة ومانكبة !!

والمرشدي اثبت للجمييييع انه نجم في مباراة الاتحاد . . وقف في حلق نور .