كالديرون والله ما ادري وش اقول عنه !!

جبان - للاسف متفلسف على غير جدوى او (سنع) !!

يلعب بــ 4-5-1 وفي ارضه !!

والنتيجة تعادل !!

النتيجة سلبيه لفريقه !!

اتمنى جلب مدرب لديه فكر عالي وقوي او رجوع جريتس للهلال بالاضافة الى عبدالملك زيايه .

اناَ أتمنىَ يجي ماَرتن أونيل ..
وتعاَقد مع مهاَجم عربي أو افريقي ويكون عمره صغير وله طموح ..

أماَ قريتس اناَ مو مع جيته أبداَ ..


يعطيك العاَفيه ..~

خلاص ما عاد هو راجع قيريتس ياللي تقولون اعيدوا قيريتس جته عروض خيالية من اندية خليجية وكلها رفضها !! كله لعيون

الكسكسي المغربي !! واصلا ما نتشرف ان الخائن هذا يرجع !! بعد اللي سواه في الهلال جايين الحين تقولون رجعوه ؟؟

^^^^^^
يا رجال خاين ولا عميل ولا الي هو
الرجال غير الهلال كله ويكفي انه ساحب على ام الدفاع الرجاااال هجومي
وبعدين بالله واحد الادارة قالوا له بكيفك تبي تروح ولا تقعد وهي معاها عقد والرجال قالوا اروح لانه بطيبتنا خليناه يروح
وبعدين بس بالذمة شف وجه اللعيبه ايام قريتس وقبل قريتس وبعد قريتس
يكفي انك تشوف وجه ياسر وربي كان خال من التمارين الصباحية والكرف
وبعد ماراح قريتس رجع الدلع


يعني نبي قريتس ولا واحد شخصية حديييييييد


وبس




مباراة امس نستني اكتب عن المرشدي

بصراحة كان نجم المباراة من الهلال بس من الغبنة نسيت اكتب شي عنه

بسالك وجااااااوب بصرااااااااااااااااحه وش حقق الاتحاد وش نجح فيه الا اذا تعتبر الفوز على الهلال بطوله بوجهة نظرك
الاتحاااااااااااااااد مازال فااااااشل وسيخرج من موسمه صفراليدين

إقتباس الرسالة الأصلية كتبت بواسطة مهيوو ماضيع الهلال الأ أنه يفكر بلاعبين أجانب أوربين وبأسعار خرافيه وكأن اللاعب الممتاز لايوجد الا بهذه الشروط...؟؟ يعني شف الاتحاد كيف أجانبه صححححح وبأسعار جدا معقوله خصوصا (زيايه) وقبله بوشروان وقبله الشرميطي يعني رافعين الفريق فوق وهم بأسعار جدا معقوله ويقدر يجيبهم التعاون ونجران وأي أجنبي يجيبه الاتشاد بعدها بكم شهر يستدعى لمنتخب بلاده أهم شي الانتقاء بعقلانيه وبدون تسرع يعني لاعب أسود أفريقي وش المشكله يجي يعني ..؟؟

كلامـ بالصميمـ

بس وين الي يفقه !!!

ياخي اذا نبي اسيا
نجيب لاعيبه محترفين
من الدوري الياباني ولاالكوووري
هم الاعرف باسيا ودهاليزها
ولنا في فكتور سيموس خير مثال!!!!!!!
وليناردو السد
هدف دوري ابطال اسيا لموسمين
مو شرط مهاجم من اوربا
نبي مهاجم يفوق مهاجمينا كلهم
نبي مهاجم سريع
قوي في الاحتكاكات
مجنوون في الراسيات
مهاري لابعد حد
هذا المهاجم اللي عليه قيمه
لازم مهاجمنا الجديد
تتوفر فيه المواصفات هاذي
لاحد يقول صار رونالدو هذا!!!
ياخي فكتور الاهلي
سريع حماسي
مهاري هداف
قوي في الالتحمات
مايجي اثنين مليون يورو قيمته !!!!!!!!!!
انا ابي مهاجم اقوي من سيموس
وسعره فيه مو مهاجم اربع مباريات مايسجل
ومباراه يسجل
حشى مو مهاجم
صار مدافع
هذا
تقبل مروري

إقتباس الرسالة الأصلية كتبت بواسطة منذُ مبطي كلام جميل أخوي .. بس تصحيح للمعلومة وللتاريخ : النصر لم يحق دوري أبطال آسيا . فقط الهلال والاتحاد هم من سبق لهم تحقيقها بواقع بطولتين لكل فريق أما البطوله اللتي حققها النصر هي أبطال الكؤوس وهي بطولة أقل قيمة من أبطال الدوري .. فقط للتصحيح .

أحسنت ..... كنت ناوي أصحح له بعد .. لأني شفته كل شوي يكررها....

على العموم أتمنى من الجميع عدم الإلتفات للماضي والمضي قدماً للمستقبل ..... جيريتس ماخرج من الهلال ليعود ... أفهموها جيداً ولا تصيرون مثل الفقراويين .. كل شوي ناطين على إدارتهم نبي باوزا نبي باوزا

جيريتس قالها صريحه لكم ... أنا ماخرجت من عندكم لأني الهلال سلب حقوقي أو ظلمني أو لم يعطني الصلاحيات وتدخل في عملي .. جيريتس قال نظام البلد عندكم مايساعدني على التأقلم والعيش .. يعني أسيرعليكم شغلة يوم يومين إيه .. لكن أعيش لا..... نحترم وجهة نظره ولكننا أيضاً نتمسك بتعاليم ديننا وقوانين بلدنا..

لذا نتمنى أنكم تقفلون سيرة جيريتس نهائياً ولا عاد تكررونها .. وأحب أقولكم شي ... اللي قدر أنه يقنع مدرب عالمي مثل جيريتس بالحضور للرياض .. قادر بإذن الله يقنع اللي أفضل منه ... وأعتقد ان موضوع المدرب محسوم من زمان لكن الإداة متكتمه على الخبر لحين انتهاء مهمة كالديزفت

أمر آخر ........... بالنسبة للاعبين العرب .. أتفق معك بالنسبة للاعبي شمال إفريقيا فهم الأفضل ممن حضر لملاعبنا في جميع الفرق .. حتى فرق متوسط الدوري لو تفكرنا بهم لوجدنا لاعبي المغرب العربي هم من يقومون بكل الأدوار ...

تقبل تحياتي ولا عاد تكرر النصر لأنهم لن يحققوا أسياً ولو بعد مائة سنة .. بسبب عقلياتهم

اخوي انت تناقض

تقول ما نبي لاعب عالمي مانبي لاعب شايب بس له سمعة وتقول ابي رونالدينهو !!

إخواني أنا عارف انه النصر ماحقق ابطال الدوري
بس حقق بطولة السوبر الآسيوي الي اهلته للعالمية
والي حققناها حنا مرتين

وعارف انه النصر ببطولة ابطال الدوري يعتبر فريق صغير <<< الا بحالة وحدة اذا اشتغل على فريقه واذا طلعوا الهلال من روسهم هنا نقول يمكن يسوي حاجه

وبنسبة لفيكتور سيموس الاهلي
وليوناردو السد دولا برازيليين ولاهم مشاهير وهذ أيضاً مثال على كلامي بالنسبة البرازيليين

اما بنسبه لكلام اخوي سموه

يقول قيرتس ماراح الا نظام البلد مو عاجبه
يعني بتقنعني انه ماراح للمغرب الا يدور الراحة
ياحبيبي ذولا يدورون الريال لو يشتغل راعي غنم
أنا اقولك ديمتري راح من الاتحاد واعتزل التدريب
ولما دفعوا له جاك يمشي طبلونه

واذا الادارة الهلالية متكتمه ع المدرب شي حلو وانا كاتب انه أونيل ممتاز جدا وبديل رائع لقيرتس
ويعني وش يضمنك انه أونيل مايقول نفس كلام قريتس النظام مو عاجبه

ياقلبي ذولا بخشم الريال يجي


ثانيا انك تقول اننا مثل النصرانويين نطالب بباوزا
وش فيها طيب هذا دليل انهم شايفين بباوزا حل لمشكلتهم حقهم


ولكم احترامي

إقتباس الرسالة الأصلية كتبت بواسطة الطوربيد اما بنسبه لكلام اخوي سموه يقول قيرتس ماراح الا نظام البلد مو عاجبه يعني بتقنعني انه ماراح للمغرب الا يدور الراحة ياحبيبي ذولا يدورون الريال لو يشتغل راعي غنم أنا اقولك ديمتري راح من الاتحاد واعتزل التدريب ولما دفعوا له جاك يمشي طبلونه واذا الادارة الهلالية متكتمه ع المدرب شي حلو وانا كاتب انه أونيل ممتاز جدا وبديل رائع لقيرتس ويعني وش يضمنك انه أونيل مايقول نفس كلام قريتس النظام مو عاجبه ياقلبي ذولا بخشم الريال يجي ثانيا انك تقول اننا مثل النصرانويين نطالب بباوزا وش فيها طيب هذا دليل انهم شايفين بباوزا حل لمشكلتهم حقهم ولكم احترامي

نعم أخي بخشم الريال هم جو عندنا .... وبخشم الدينار + الحرية .. راحوا من عندنا ...... خلنا واقعيين .. أي مدرب عالمي بيجيك علشان الريال .. وربعنا العرب من يشوفونه عندك تهافتوا عليه وعرضوا عليه دبل اللي انت عارضه + فله على شواطيء كازا بالإضافة لدفع الشرط الجزائي ... يعني اذا انت بتفلت من المغرب طلعتلك قطر وإلا الإمارات
هذا حالنا ...

حتى أونيل رغم أمنيتي الشديده بأنه يجي إلا أني خايف أنه يسحب علينا بنص المشوار إذا ماتنبهت الإدارة ووضعت شرط جزائي تعجيزي ... لأن أخواننا العرب إذا شافوه مبدع عندك قاموا يتفاوضون معه من تحت الطاوله ويغروونه بكل شيء ممكن يفقده هنا بالسعودية مثل ماسوو المغاربه الله لا يبارك فيهم.. والعجيب ان اونيل مجهز عذر من الحين ( زوجتي مريضه) يعني بأي وقت يمل بيقول زوجتي مريضه ولازم أجلس بجنبها.. ونقعد احنا بمدربين مثل كالديزفت وأشكاله ...

أما ذكري بمطالبة النصراويين بباوزا ... فباوزا هرب من عندهم هروب .. ولا بغى يرد لهم ولو عرضوا عليه ماعرضوا ... لكن لأن جمهورهم مريض ولا يفكر بعقل .. فهم بيقعدون طول عمرهم يطالبون إدارتهم فيه ولا بيطولونه ..

^^^^^^^^^
اشكرك على ردك الراقي


بس مثل ماقلت نجيبه ولا نجيب غيرة اهم شي العقد والشرط الجزائي

الله يوفق الهلال الأحد
وياخوفي كالديرون مايروح لجدة الا السبت

الأجدر أن نتعاقد مع خامات جديده ( مدرب + لاعبين )

مسأله استرداد من باعنا مثل جريتيس اسف مش مرحب فيه

موضوعك رائع..وياليت تكثر مواضيع ههه..
اتمنى يطلع عليه شبيه الريح ويفكنا من حوقنة البعض .