16/06/2011, 02:07 AM
|
 | زعيــم نشيــط | | تاريخ التسجيل: 08/10/2008 المكان: google
مشاركات: 588
| |
| يابوي خل المباراتين هذي بحاله ، من جد أصلاً الإتحاد أقوى من الهلال وهذا الشيء طبيعي وأي متابع منطقي بيقول كذا .
هل فريقك كعناصر أفضل من عناصر الإتحاد ؟؟ الإتحاد كل مركز فيه أكثر من لاعب يستاهلون يلعبون يعني إمكانيات بغض النظر بمستوياتهم أو لا ، لكن عندك من الزوري على المحياني ، على ماجد المرشدي مع تقديري للمرشدي اليوم ماقصر أبدع وتفانى وأعتقد انه أفضل لاعب اليوم ، لكن كإمكانيات من يومه مع الهلال وأنا رأيي فيه ماتغير مو بحجم الهلال بصراحة ، صح مجتهد ومتفاني للفريق بس تنقصه الإمكانيات حتى بعض المهارات البدائية للمدافع ماهي موجودة فيه ، تقولي كيف استمر 3 مواسم مع الفريق ، أقوللك لأن أسامة مغطي عليه وهو برضو يجتهد بس مو بإمكانيات أسامة ، يعني مو بحجم الهلال بصراااحة .
المشكلة مو بالمرشدي ، المشكلة إن مافيه له بديل جاهز على مستوى الفريق والكل عارف إن مافي غير اسامة والمرشدي من أكثر من موسمين ، طيّب ليه إدارة محترفة لنادي إحترافي من الدرجة الأولى بآسيا ككل ، ماتجهز لفريقها بديل جاهز و داعم خاصة في مركز حساس مثل قلب الدفاع ؟
بعدين تجي للزوري ، بالله هذي إمكانيات لاعب يلعب بفريق زي الهلال ؟؟ "بطل الدوري والكأس لموسمين متتاليين وزعيم آسيا " ياحبيبي أنا أقدر وأحترم الزوري لكن الهلال مايبي ظهير بس اللهم يحشر المدافعين والسلام ، لا دعم هجومي ولا عرضيات زي الناس وأخطاء فادحة ماتصير مع لعيبة الحواري ، الظهير النموذجي بالفرق الكبيرة معروف لازم يعرف يدافع ويعرف يساند الهجمة ، وأنا ما ألوم الزوري ماقصر كفى ووفى لأنه مو لاعب كورة بالاساس ، بس حان وقت التغيير وانتهى وقت التسليك والمجاملة .
الأمير عبدالرحمن يقول الموسم القادم فيه تغييرات كبيرة وسوف نعملها بشكل إستثنائي ، أتمنى ينتبهون للهضعف بالفريق وإلا للحين مالاحظوا ، ومعميتهم المجاملات ، أتمنى يكون بديل الزوري بشكل فوري شافي الدوسري وأعتقد الكل عارف من هو شافي الدوسري ابن النادي وإمكانياته الكبيرة ، وأتوقع هو الأنسب بدل الزوي وبينجح بس إذا أعطي الفرصة كأساسي وهذي المفروض تبدأ من الإستعدادات للموسم الجاي .
أخيراً المحياني ، والله ما ازيد شيء بنفس وضع المرشدي والزوري ، والله ماهو بحجم الهلال ولا وليد الجيزاني ولا هم يحزنون ، يعني مصيبة الهلال هالموسم مافيه مهاجم غير ياسر ، وياسر مو بأحسن حالاته ؟؟
كل الإحترام للمحياني بس معليش ماهو بحجم الهلال ، ينجح بفرق منتصف الترتيب اللي تلعب على أغلب مبارياتها على الهجوم المرتد ( الوحدة ، القادسية ، الإتفاق .. إلخ ) ، أصلاً حتى فكرة شراء عقده والمنافسة عليه ماكنت أشوف لها داععي ، ويحلمون ومدري أيش ، على أيش طيب ؟؟
كان من الأولى اذا بتجيب مهاجم للفريق يكون إضافة للفرق ومنافس لياسر مو مهاجم خفر ؟؟
أتمنى الإدارة بالفعل تعمل تغييرات كثيرة بالفريق وتحل بلاعبين مميزين بمستوى الهلال ويقدمون الإضافة و أول مركز بالهجوم .
خلاصة الأمر ، حسّن فريقك أول ثم ابحث عن زعامة الكرة السعودية ، و يكون فريقك الذي لا يهزم بالفعل ، مو بالتغني بالفريق طول الموسم وهو فيه أكثر من نقطة ضعف " أقصد هنا الجمهور" ، وأكيد ماننسى إنجازات الفريق هاالموسم واللي قبله ، بس هذا مايمنع ان هناك قصور بالفريق . |
الوضع العادي
