اين انتم يامن تنتقدون ماجد المرشدي, اسكت الجميع .. - نادي الهلال السعودي - شبكة الزعيم

DhAari · #1 16/06/2011, 01:59 AM

السلام عليكم

موضوعي واضح من عنوانه وينكم يالي تنتقدون ماجد المرشدي وتطالبون بابعاده عن الزعيم وينكم لاجد احد يتكلم

لان ماجد اسكت الجميع اليوم بارضية الملعب ايش الي سواه نسانا هوساوي ابدع نور ماخلاه يمر الى مره واحده

فقط نور اعتمد ع سرعته وماجد اختل توازنه فقط وين المنتقدون وين المطالبون برحيله .

ياشباب والله والله ماجد مو ناقص غير دعم الجمهور ياشباب اليوم بالمدرج الكل ماجد ماجد ماجد ماجد ، وربي اعطته

دفعه معنويه اكثر ونور مامر اليوم ابد ابد كان اعتماد الاتحاد ع باولو جورج عن طريق عبدالله الزوري .

الهدف الاول : خطا ميه بالميه ع الخالدي عدم الرقابه اللصيقه لزيايه

الهدف الثاني : الكل يعرف ركلة جزاء ليست بركلة جزاء .

الهدف الثالث : لاغبار عليه الغنام .

ماجد بوجهة نظري 3 افضل مدافع بالسعوديه بعد هوساوي ومومنتشري .

يقولك اللاعب تبيه بوقت الشدايد وماجد طلع لك بغياب هوساوي الي والله بتحقيط المرشدي اليوم نسيت هوساوي

بس لو مرجع رادوي قلب مع المرشدي لما ولجت كل هذه الاهداف .

وقالها الامير نواف بن سعد :

كلموه الجوله وقالو ان الجماهير تطالب بتغير ماجد .

فرد الامير بقوله وبالحرف الواحد :

ماجد المرشدي مدافع ممتاز بل اعتبره من افضل المدافعين بالسعوديه ,هبط مستوى ماجد فيي مباراة الاتحاد بالاسيويه فطالب الجميع بتغيره , بل ليس ماجد فقط بمباراة الاتحاد الكل كان سيء .

ياشششباب وقت الشدايد يطلع لك ماجد .

قالها عامر عبدالله

بوقت الشدايد وبغياب هوسه طلع لنا ماجد وابدع فيشباب اتمنى لاتذكرون السلبيات اكثر من الايجابيات

اتمنى اعطاءه دفعه معنويه اكثر واكثر وراح يرجع لكم ماجد الي انتم تخبرون .

تقبلوا تحيتي .

DhAari · #2 16/06/2011, 02:02 AM

اتمنى الرفع من قبل المشرفين ,,

والله مهم يخص اللاعب ويخص الجمهور ..

الرياض14 · #3 16/06/2011, 02:47 AM

يمنع نسخ الكلام ولقصه في كل موضوع دون قراءة الموضوع ودون معرفة ماهو الموضوع وهل الرد مناسب له ام لا !!

حذف الرد + انذار

اشراف منتدى الجمهور الهلالي

محمد العتيبي 361 · #4 16/06/2011, 02:50 AM

ماجد مدافع يصلح للاحتياط

ما يصلح اساسي وانا اخوك

اخطاؤه قاااتله

اليوم بدع بس انسى الموسم كله عشان مباراة

لا تصير عاطفي

Ĝeηtℓe Ḿαη · #5 16/06/2011, 02:53 AM

اخوي كلامك اتفق معه 100 %

ولو فيه هوساوي اليوم مع المرشدي ماجابو ولا نصف هدف

لاكن سؤالي لك ؟؟

مباراة الهلال والاتحاد بالبطولة الآسيوية المرشدي مستواه هابط ومرتبك من اول دقيقة وماقدم المستوى المطلوب ؟؟

مستوى ماجد اليوم ممتاز واتفق معك طيب وين هذا المستوى من اول
تبي تقول مو كل مباراة الاعب يقدم مستوى صحيح لاكن المرشدي ؟؟

يبي يثبت للجماهير انه مدافع ممتاز يعني لازم ينتقدونك الجماهير يعني اذا سكتوا
تلعب على مزاجك ؟؟
هذا المأخذ على المرشدي وياسر واكثر لاعبيين الهلال

HRS.Eng · #6 16/06/2011, 02:53 AM

المشكله انهم يلبسون المرشدي وياسر خسارتنا انا مدري ياسر مالعب والمرشدي احسن لاعب اليوم
ويلبسونهم الخساره غصب طيب بس تعودو على اسطوانه رددها الاعلام ومشو وراها
حسبي الله على المدرب هو اساس البلى

لولا المدرب كان ماشفت ذا الاتحاديين ماشمو ريحة الفوز بس الله المستعان

DhAari · #7 16/06/2011, 02:53 AM

اخي محمد العتيبي ,,

اخطاءه القاتله ..!

ههههههه بس مباراة الاتحاد في الاسيويه موسم كامل ؟

تذكرون السلبيات اكثر من الايجابيات والكل يعلم ..

FAISAL AL7RBY · #8 16/06/2011, 02:58 AM

ماجد المرشدي اليوم قدم مسستوى مميز

اتمنى انه يسسستمر على هذا الاداء المميز

ميلانو الهلال · #9 16/06/2011, 03:00 AM

أتفق معاك أخوي ماجد اليوم أفضل لاعب هلالي ,,

بس ماجد مشكلته إنه مايدخل على المنافس بدري ينتظره إلى مايتمكن زين من الكوره وبعدين يدخل عليه

DhAari · #10 16/06/2011, 03:02 AM

اخوي سرعة الاندفاع تؤدي للفريق للهلاك ..

ŘŢŜ~ђĩĽάĽĭ · #11 16/06/2011, 03:04 AM

اتمنى تكون جائزة افضل لاعب للمرشدي ..

شطحه::

ياشين بعض الاعضاء الي ينسخ الرد ويلصقه بكل موضوع ..

فراشة الابداع · #12 16/06/2011, 03:08 AM

اتمنى الاستمرار في هذا الابداع يامرشدي والله انك رجل المباراة اليوم

ابو مقرن · #13 16/06/2011, 03:08 AM

افضل مدافع في الخليج في خليجي عمان
وافضل مدافع سعودي في الوقت الحاضر
ما يبيلها كلام !!

موج الزعيم الأزرق · #14 16/06/2011, 03:12 AM

إقتباس

الرسالة الأصلية كتبت بواسطة الرياض14


	هذا الجيل حصيلة تجميع من عدة اندية يفضل اعادتهم لمصدرهم الاصلي للحفاظ على النسخة الاصلية من العطب او ننتظر الكارثه في قادم الايام

اتفق معك من حيث المبدء لكن ليست متفق معك من حيث المضمون فيجب اعادة تأهيلهم وركن البعض منهم والشدة مع البعض الاخر وتسريح البعض
تقبل تقديري,,,

موهوب القصيم · #15 16/06/2011, 03:13 AM

ماجد المرشدي اليوم قدم مسستوى مميز