بسم الله الرحمن الرحيم
امسي على جميع اعضاء هذي الشبكة الراقية
واشكر جميع المشرفين على المتابعة الدائمة لجميع ما يطرح بالمنتدى
فهم لهم الفضل بعد الله في نجاح وازدهار منتديات الزعيم الرسمي
بصراحة كنت ناوي افتح موضوع قبل امس عن حكاية الاعب خالد عزيز
لكن قلت ممكن يكون عنده ظرف قاهر وان شاء الله تكون الرسالة الي ارسلها
تقوم بالازم ويكون عذر مقنع لادارة الكرة في نادي الهلال
لكن برضو يوم الخميس يواصل الغياب وبدون عذر وبدون ارسال الرسايل
ممكن يكون خلص رصيدة والمكان الي هو فيه ما يبيع بطاقات شحن سعودية !
وممكن يكون هناك الكثير مخفي عننا ..
خالد عزيز والله العظيم اني احبك ولك معزة كبيرة بقلبي
وحبك وصلني عن طريق الهلال ولو لا الله ثم الهلال كان الحين ما احد يعرفك
خالد ترا بدايتك مع الهلال جدا غريبة تذكر اول ما لعبت في الهلال ايش كانو
يقلون الناس !
كان الكل يقول انك تلعب بالواسطة وكانو صادقين لان كان مستواك اقل من مستوى نجوم الهلال وكنت مدعوم من حبيب الكل الامير بندر بن محمد 
وكان هو ظهرك بالنادي وكان معك بكل وقت
الحين ياخالد نكرت كل الي قدمة لك الهلال والتضحيات الي قدمها لك الامير بندر بن محمد
قسم بالله عيب ..!
الامير بندر يشفع لك عند الامير عبدالرحمن عشان يسامحك
ولما سامحك رئيس النادي ترجع مرة ثانية وثالثة وتكرر نفس الشي
وش راح يكون وجه الامير بندر عند رئيس النادي !!!!!
الله يسامحك ياخالد اتوقع هذا كلام الامير بندر الحين ...
تدري ياخالد لو ما كنت في الهلال والله ما وصلت المنتخب ولا لعبت حق المنتخب الافضل في اسيا
خالد تراك تدمر نفسك بنفسك لا تضيع مستواك وفنك عشان مزاجية وشوية خراب
عمرك 30 يعني ما باقي لك الا القليل بكورة القدم اشتغل كم سنة عشان تعيش كل عمرك مرتاح
شوف غيرك وش صار فيهم ..
خليك وفي مع الهلال عشان يكون الهلال معك وفي حتى بعد اعتزالك للكرة
خالد نبي نشوفك ان شاء الله قريب بالمنتخب السعودي ..
ما اتوقع ابد انك ناسي الصورة !!!
لكن الجمهور كلة نساها والرئيس والكل لكن انت الي ترجعنا لها بحركاتك الي اقل ما يقال عنها طفولية
والله لو انك في نادي ثاني كان انت الحين ولا شي بعد الشي الي سويته
خالد ترا الكل سامحك على الي صار وكلنا كجمهور هلالي نقدرك ونقول الي صار منك غلطة ولا راح تتكر
نبيك ترجع افضل من اول نبي يرجع لنا افضل محور سعودي ياخالد عشان تثبت للكل ان وقوف الامير بندر معك ماهي واسطة ....
دموع الفرح ذي ياخالد والله ما تنزل من شخص خاين
خالد انت تحب الهلال والهلال يحبك تكفى انضبط عشان مصلحتك اول وبعدين عشان مصلحة الهلال
والله العظيم الهلال ما يوقف على لاعب والادلة كيرة
يعني بحركاتك ذي تاكد انك ما راح تضر الهلال انت تضر نفسك واهلك
لا تضيع مثل ما ضاع الجمعان وغيرهـ ..
تاكد انك ما راح تشيل الذهب في مكان غير الهلال ولا راح تحصل اسرة متكامل مثل الاسرة الموجودة في نادي الهلال
كمل باقي المشوار وخل عنك كل شي راح يخرب عليك مصدر رزقك
ترا نحبك ياخالد ونبيك ترجع لنا ابو الجوهرة الي نعرفة اخوك : ريان الريس
الوضع الشجري
