إقتباس الرسالة الأصلية كتبت بواسطة أميرهـJ بعشقJالهلالـ شكرا ع الموضوع المميز بنسبه لنقطه الاولى\ارى انه عادي مثلا ترسل الزوجه الصور لزوجها بس المفروض ع طول يمسحها لانه احتمال الجوال يضيع اما بالنسبه لنقطه الثانيه\ مثلا ارسل صورثي لصديقتي فهذا مستحيل لو كنت واااثقه فيها اااشد الثقه لاني ماادري عن الدنيا (الدنيا دوااره) احتمال يحصل بينا خلاف وتنتقم مني... الله يستر علينا وع بناات المسلمين

الشكر لك على تواجدك ومشاركتك يالغالي ويعطيك العافية ولاهنت على تواجدك

إقتباس الرسالة الأصلية كتبت بواسطة ملامح يوسفيه.. والله لا زوجي ولاصديقتي ولا بنت ولا ولا مستحيييييل اثق باحد وارسل له صورتي بهالزمن مافي ثقه عوافي

الثقة بلاحدود أنا ضدها وكذلك الأمر لعدم الثقة مطلقاَ ألف شكر لك على التواجد والمشاركة

إقتباس الرسالة الأصلية كتبت بواسطة عموري192 مرحبا بالقحماني أولا أنا في اعتقادي لا يوجد اغلى من العرض والشرف ولا طعم للحياة بدونها فهل يعقل يكون بهذه البساطة لدى البعض وهي مسألة مخافة من الله وتربية في الأساس وقيم تزرع في الفرد من صغره على كلا الطرفين ومن ناحية الصور أنا أرفض إرسال الصور للصديقات جملتا وتفصيلا في كل الأحوال لما يترتب عليها مستقبلا وهذا عرض هل يسلم لشخص اخر مهما كان حجمه او صداقته او ثقته الخخخ..... أما من ناحية الزوج فهذا مع احترامي للجميع مضحك جدا هي زوجتك لماذا ترسل صورها على جوالك ليه انت ماتعرفها ولا تبي تترزز فيها واذا ماهي عندك لسفر ولا ظروف عمل كلم فيديو مع التقنية وصلى الله وبارك ... وهذا رأي والرأي لا يفسد في الود قضية وللعلم أنا فري في حياتي بكل شي ولكن لابد للشخص من خطوط حمراء في الحياة كالدين والوطن والعرض والمال والمستقبل حتى تقوم الحياة (الحياة حلوه بس نفهمها).... تحيااااااااااااااااتي للجميع,,,,,,,

لا غبار على كلامك وألف شكر على كلامك ومنطقيتك لك مني كل الشكر والتقدير على تواجدك بالموضوع ومشاركة في غاية الروعة

إقتباس الرسالة الأصلية كتبت بواسطة اشواق بنت سامي لا زوج ولا الصديقه من خاف سلم وش يضمن ان الجوال مايسرق من الزوج وصديقه تخون فيك

أتفق معك حول من خاف سلم ولكن الظروف تترتب أمور أخرى . لك مني كل التقدير

إقتباس الرسالة الأصلية كتبت بواسطة براق1 انا اشوفها مخاطرة بوضعنا الحالي وخصوصا حالات الابتزاز

نعم مخاطرة ولكن ماقلت الحاجة تتطلب أمراً كذلك .. لك مني كل التقدير

إقتباس الرسالة الأصلية كتبت بواسطة alyami-me انا عن نفسي بما اني حلوه ومزيونه اخاف مرررره ارسل صورتي حتى لنفسي ، وفيه ذئاب بشريه مررره حقيره تترصد لي ولامثالي الحلوات ....... اوه نسيت اني رجال معليش يالربع وش السالفه ؟؟؟

هع منور يالغالي وألف شكر على التواجد

إقتباس الرسالة الأصلية كتبت بواسطة .yousef أنا بالنسبه لي ، مافيه أوافق ع أن زوجتي ترسلي صورها لي وحتى ترسل لصديقاتها ..

ألف شكر يالغالي على تواجدك ومشاركتك

إقتباس الرسالة الأصلية كتبت بواسطة سمانا هلاليه انا ضد ارسالهااااا صورهااا سووووواء لزوجهااا او صديقااااتهاااااا اللي مشتااااااااق لهاااا يجي بيتهاااااا ويشوووفهاااا اماااا ارسلهااا بالجوووال اكبر غلط وغباااااااااااااء لان الجهاز اكيد راااااح يتغير او يخرب وعااااارفين الباااااااااقي

مافي شيء إسمه يتغير الجهاز من اليد للكسر أو بالإرشيف لايباع ولاشي

ألف شكر لك على المشاركة

إقتباس الرسالة الأصلية كتبت بواسطة حب الزعامة بالنسبه للزوج انا أمنته حياتي كلها بخاف على صوره !! اما الصديقه مستحيل او حتى احدى القريبات مهما بلغت الثقه بيننا

أنا هالردود من أكثر الردود التي تثير إعجابي حقيقة لا أملك إلا التصفيق والتحية لردك

إقتباس الرسالة الأصلية كتبت بواسطة 9متيمة الزعيم9 بالنسبة لي لايمكن أرسل صورتي لا للزوج ولا للصديقة وأبدآ مآيتعلق هالشي بمدى الثقة بيني وبينهم وإنمآ يرجع للخوف من ضيآع الجوال أو سرقته أو..أو..الخ مآش مآ أرتآآح اتفق معاك 100% يعطيك العافية عالموضوع

شكراً لك على المشاركة ويعطيك ألف عافية وشوي ثقه لمن حولك لست مع عدم الثقة مطلقاً

إقتباس الرسالة الأصلية كتبت بواسطة هلاليه كوت موضوعك جدآ رائع اناا ضد انها ترسل لزووووجها صورها ليش ترسل له دئمآ معها يعني يبي يتغير فيها شي اذا طلع او غااب عن البيت كم ساااعه وبعدين بغض النظر انه ينسرق يمكن من اخوياااه يشوفهاا من غير قصد او قاااصد او من عدو له أخذو ارقاامهن وشلون لو صوره لهاا اهم شي البنت لازم تااخذ حذرهااا النقطه الثااانيه اناا ئئيدك فيهاا جملة وتفصيلآ مشكور

أختي تأكدي أنا ضد إرسال صورة للزوج بنسبة كبيرة وليس على الإطلاق في حالات كثير ومنها لما تكون معك بكل الوقت وترسل وانت بالدوام لكن في حالات مثل حالة محدثكم يحتاجها لأني ماشوفها إلا كل شهرين مرة

ألف شكر على التواجد

إقتباس الرسالة الأصلية كتبت بواسطة ســـــ SMN2002 ـليمان وعليكم السلام ورحمة الله وبركاتة اخوي الغالي النقطة الاولي مافية شيء بس امسحها والجوال مستحيل ابيعه دام مرت به صورة الحبيبة وان فكرت اقرب جدار اصكه فيه النقطة الثانية زي ما قالوا الاخوان الرفض التام لان الصديقات اي خلاف بينهن يتصرفن بحماقة وخصوصا اذا الصورة معها طبعا نقول بعض منهن واللي ضعيفه دينيا وانا ازيد على البنت الا تضع صورها في جوالها او جهاز وان كان لابد تضعها في ذاكرة خارجية لان الجوال معرض للسرقة والجهاز معرض للاختراق الله يستر علينا وعلى بنات المسلمين تحياتي لك

تصفيقه لك وتحيه قوية من القلب رد رائع يالغالي ولايمكنني سوى الوقوف إعجاباً لك

إقتباس الرسالة الأصلية كتبت بواسطة أحِ‘ـَآسّيسْ هلآليـﮧ ≈ . . من وجهة نظظري لو كآإن للصديقه او الزوج مآإينفع نرسل مآإندري يمكن الججوال ينسرق يصير شي وصديقتي نفس الششي وغير كذا انا كأني سسمعت ان اي رساله وسآإيط يشوفوهآإ حق الاتصالاآت قبل توصصل يعني ارسآإل الصوره ككله على بععضه خطأ

ألف شكر على المشاركة وإبداء الرأي منورة يالغالية خالص التقدير لك

إقتباس الرسالة الأصلية كتبت بواسطة زعيم بكل حالاتي ( الشرف ) كلمة عظيمة , لا يمكن إختزالها في ( صورة ) يستحوذ عليها شخص ويمارس سياسته الرخيصة ويستخدمها كـ ورقة ضغط . لذلك ,, إطمئني يا أخيّة ,, شرفك لن يهتك حتى وإن إنتشرت صورتك في كافة مواقع الإنترنت ,, تبقى مجرد صورة ,, أنا أتعجب من الذين يقحمون الشرف في الموضوع بسبب صورة ,,

رائع يالغالي بردك وأتفق معك وتم التطرق للمضمون برد سابق لك مني التحية

إقتباس الرسالة الأصلية كتبت بواسطة هـ20ـلالـيـه 100% على حسب الاشخاص .. لكن الزوج بشكل عاام احس عاادي من ناحية الثقه فيه لكن اللي حوله ماندري عنهم : ) عشان كذاا سالفة ارسال الصور كلها ماحس لها داعي وبس

حسب شخصية الزوج فيه أزواج دلوخ لاتستغربين يجي يقولك وش رأيك بصورة زوجتي ولا وش رايك بخويتي وهي زوجته .. يجب أن تعرفي شخصية زوجك قبل أن تثقي وترسلي إذا كان دلخ لاترسلي

منوره يالغالية

إقتباس الرسالة الأصلية كتبت بواسطة بلو كادي السلآآآآآآم عليكم ورحمة الله وبركاته بالنسبة لإرسال الزوجة صورها لزوجها وهم متزوجين \هههه احسها سخافه ض1 يعني معك بالبيت تخليها بجوالك وش لون بتشتاق لها اما اذا كان خطيبها او متملك عليها \لا والف لا يمكن لما يطلب منها الصورة هو بيجربها خفيفة ولا ثقل <<<شف التفكير اما الصديقات هاذا امر مفروغ منه شي مستحييييييييييل مهما صارت علاقتي بها ماارسلها وليش ارسل لها واعتبرها من الحماقه والسذآآجه

ذكرت في موضع سابق أننا لانتحدث عن زوج مقابل زوجته 24 ساعه نحن نتكلم عن مغترب أو شخص بعيد وابعدتهم الظروف

ألف شكر لك يالغالية ومنوره

إقتباس الرسالة الأصلية كتبت بواسطة **عاشق الازوري** الله يعطيك العافية..... عوااااااااااااااااافي.......

منور يالغالي والله يعافيك

إقتباس الرسالة الأصلية كتبت بواسطة هلالي ارسنلاوي أنـا رأيي من رأي الكثير هـنـا وهـو عادي للزوج ، ولكن إذا هي ما تبي ترسل خوفاً من الطلاق مستقبلاً ، فـ أعتقد أنه قمة التخلف أنك ما تعملين شي خوفاً من الطلاق خاصتاً إذا كان ما فيه نية طلاق أصلاًَ وأعتقد إذا فعلاً فيه أزواج كذا فـ زواجهم راح يكون أفشل زواج بالعالم حتى لو كانوا سعيدين جداً ! ولكن إذا كان عدم الإرسال خوفاً من سرقة الجوال أو ضياعه فـ هنا معها حق . وبالنسبه للصديقة فـ أعتقد إنه من الغباء إرسال الصوره ، خاصتاً إذا كانت بدون حاجه ولكن إذا كانت هذي الصديقة من أحد الأقارب كـ إبنت عمّ/ـه أو إبنت خال/ـه فـ أعتقد أنـه عادي لأنه صعب تفضح قريبتها مهما كانت المشكله بينهم مثلاً ، ولكن بـ شرط أن تكون لـ ضروره مو لـ تفاهه ، وحتى مع طلب مسح الصوره فوراً بعد الإنتهاء منها . ويعطيك العافيه عالموضوع من أول ما نزل الموضوع وأنـا أبي أرد ، ولكن كل شوي أقول بعد شوي ، وأخيراً جاء البعد شوي

رد رائع وأعجبني فيك نقطة مهمة وهي نقطة التفكير بالطلاق هذه أحييك فيه تحيه كبيرة وهي فعلاً كي سيعيش شخص مع شخص وأحدهما يخشى الطلاق .. يجب أن يستبعد التفكير بالطلاق من عقل الواحد نهائياً وحين يأتي فليأتي دون تفكير أو حساب والله لايجعل أحد يتعرض للطلاق .. أهنيك على الرد الراقي والذي أتمنى أن يقرأه الجميع ليستفيد

إقتباس الرسالة الأصلية كتبت بواسطة الاسطورة واحد أهلين بالقحماني .. والله شوف ما فيه أي سبب يمنع أن الزوجه ترسل صورتها لزوجها الا إذا كان يخاف ينسرق الجوال أو أن جواله سبيل كلن يفتشه .. أما غير كذا فما أعتقد أن فيها شئ ،، لأن بالنهاية هي زوجته ،، وإذا كان على الابتزاز بعد الطلاق أو أنه ينشر الصور ، الآن يصورها فيديو وبالكاميرا في البيت وبشهر العسل ، وبالأخير ما ترسل صورتها علشان ما يستغلها بعد الطلاق لا سمح الله .. أعتقد أن العذر غير مبرر مع أحترامي وتقديري للرأي وصاحبه .. أما عن إرسال الصور لصديقتها فهذا ما لها داعي مهما كانت الثقة ... تقبل تقديري وتحيتي ،،،

لك مني كل التحية والتقدير وأهنيك على الرد الرائع ولاهنت على هيك رد يستفاد منه وأتمنى أن يقرأه الجميع كي يستفاد منه

إقتباس الرسالة الأصلية كتبت بواسطة زعيمه حايليه انا ماني مع هالفكرهـ ، * ارسال الصور للزوج = وش الله حآدني ؟؟ مقابل زوجته 25 ساعه .. مادري يبي يتفرج على صورتها وهو بالدوام مثلاً ! حتى لو كان بسفر لو خليته يشتاق لي افضل من ارسالي للصور !! "خصوصاً صور الفيس" والحرص واجب فيما لو حدث مكروه من ضياع جوال أو ما إلى ذلـك ... * إرسال الصور للصديقه = قمّة السذآجه !! حتى لو بلغت الثقه درجه عاليه بيننا راح يكون السبب في رفضي لإرسال الصور مثل ماذكرت الحرص لأنه ماحد نافعني لو صار مكروه لاسمح الله !! أضف إلى ذلك عدم إقتناعي اساساً بإرسال الصوره .! لو كانت مشتاقه لي أكلمها وتسمع صوتي .. اما صورتي ما أعتقد أن لها ذيك الأهميّه اللي تخليني أضطر ارسلها مع وجود إحتمالية حدوث عواقب وخيمه !! . اممم يمكن لو نكون مجتمعات نصور مثلاً صوابيعنا ( نسوي حبتين ) ونرسلها لوحده من البنات .. كذا إيه ! اما صوره فيها المآي فيس no'ay ~ يعطيك العافيه

يعافيك وألف شكر على التواجد وتطرقتي للصورة بالفيس بوك هذي حماقة لو الوحده ترسلها على الفيس بوك وأي بنت تحط صورتها بالفيس بوك سأعدها قليلة أدب

منوره يالغالية وألف شكر

إقتباس الرسالة الأصلية كتبت بواسطة Meme بصراحه جتني ابتسامه ساخره جدا على الاراء الي اختلفوا حول ارسال الزوجه صور لزوجها ياخي زوجته هي حلاله كل ابو شي تسويه وبراحتها , بغض النظر عن ان ضاع الجوال او انسرق فهذا اهمال من الشخص نفسه ويتحمل نتيجة اهماله . ومن ناحية ارسال البنت صورتها لزميلتها فـ هنا ينبغي ان نتوقف قليلا .. البنات الحين الي متهورات وبقوه صارن يحطن صورهن بالفيس بوك <= توني اعرف للفيس وتوني مسجله فيه بس لي يوم واحد فيه واليوم بكمل اليوم الثاني لقيت معظم صديقاتي مغطيه يقالها خشمها وفمها ومطلعه كل شي ومصوره نفسها ؟؟ ماذا ابقت مالم تصوره ! اذا كانت حاطه صورتها وبالعلن بالفيس ويقالها مخبيه ملامحها فمن الطبيعي بتلاقيها راسله كل صورها لزميلاتها للافس تفرعت حبتين معليش رأيي باختصار مهما ومهما ومهما ومهما لن ارسل صورتي لـ صديقتي .. شاكره لك ع الطرح الجميل اختكم .. ميمي

تحيه خاصه ميمي وشكرا على المشاركة وأعجبني رأيك حول إرسال الصورة للصديقة وكذلك طرحك حول الصورة واستغلالها عبر الفيس بوك الحين فعلا ممكن الوحدة ترسل صديقتها ويومين إلا وصديقتها كاشخه فيها على الفيس

بسم الله الرحمن الرحيم

أشكر الجميع على المشاركة بهذا الموضوع وحقيقة أختلف الجميع ولم نستقر على رأي موحد بخصوص إرسال الصورة من الزوجه لزوجها ولكن الغالبية أتفق على عدم الثقة بالصديقة وقد جمعت كل الأراء الواضحة حول الموضوع وخرجت بالآتي :

45 رأي واضح شارك كانت أرائها على التفصيل التالي :

1- عشرين رأي يرفض إرسال الصورة للزوجة ولايرى في ذلك حاجه ويعود الأمر لعدة مسببات منها الخوف من ضياع الجوال أو بيعه أو تهاون الزوج أو عدم الثقة أو إطلاع شركات الإتصالات على الصور والخوف من الطلاق واستغلال الزوج ذلك للإنتقام من زوجته .

2- خمس أراء لايمانع بشروط ومنها الثقة التامة بالزوج وأن يمسح الصورة مباشرة بعد مشاهدتها

3- عشرين صوت مشارك يرى من حق الزوج الإطلاع على صورة الزوجة ولايرى في ذلك مايمنع .

بالنسبة لإرسال الصورة بين الصديقات كانت النتائج على النحو التالي :

1- صوتين فقط لاتمانع بشروط

2- أربعة أصوات لاتمانع مطلقاً

3- تسعة وثلاثين صوت يرفض مطلقاً أرسال الصورة بين الصديقات

تحيه للغالين والغاليات على المشاركة وأراكم في موضوع قادم حمانا الله وإياكم من الشرور