السلام عليكم ورحمة الله وبركاته ،،
يالربع ورى بطولاتنا تشمر .. وليه تاريخنا يضيع ولا يوثق .. وليسمح لي القائمين على موقعنا هذا شبكة الزعيم والقائمون على موقع الهلال الرسمي .. ان اقول انكم تبذلون الجهود الحثيثة والقوية والرائعة وتجون عند تاريخنا وتتكاسلون ..
ولأنه لاتنافس بين مواقع الزعيم بل هي مكملة لبعضها واذا تكلمنا في أي موقع للزعيم او لاعبيه فنحن نتكلم ضمن نطاق أسرتنا الواحده .. اتكلم هنا في شبكة الزعيم عن شبكة الزعيم والموقع الرسمي للهلال وغيره من المواقع الزرقاء ..
هل إنجازاتنا يالربع اللي نفتخر فيها هي أغاني محمد عبده وطلال مداح وغيرهم من المطربين في الهلال ؟؟؟!!!!!!
ماصدقتوا تفضلوا ماعنون تحت إنجازات في موقع الهلال الرسمي
وعاودوا الدخول على إنجازات .. من الصفحة الرئيسية
وتفضلوا شوفوا آخر بطولاتنا المحلية المسجلة في شبكة الزعيم وتفضلوا موقع الزعيم الموجود ضمن المواقع الزرقاء في شبكة الزعيم 88
واللي اعتقد ماوضع ضمن المواقع الزرقاء إلا لأنه موقع يوثق به .
هل سحبت بطولة كأس خادم الحرمين الشريفين العام الماضي امام الاتحاد ؟؟؟
لاتلوموني يالربع على هالسؤال وانا مالاقي لها ذكر لا في شبكة الزعيم ولا في موقع الهلال الرسمي .. بطولة بهذا الحجم يكاد يمر عليها سنة ولا تذكر ضمن بطولات الزعيم ؟؟!!!
(مع الشكر للقائمين على موقع النمر يوسف الثنيان اللي دونوا هذه البطولة).
المشكلة العام بعضنا فرح وانا اولهم على بطولتنا رقم اربعين فقالوا لا ارجع وراء هذي البطولة 39 .. قلنا نرجع الشيوخ ابخص .. واليوم جاي ابحضر تصميم إن شاءالله لبطولة بكره وعلى قدي وبكتب فيه 40 دلالة ان البطولة اربعين اتفاجأ وانا اجمع بطولات الزعيم المحلية والخارجية من انها 37 بطولة .
هذا وعندنا شيخ الرياضيين الله يطول في عمره وهذا حالنا مانعرف بالضبط كم بطولة بتكون إن شاءالله بطولة الخليج بكره .
ورجائي لصاحب السمو الملكي الامير بندر بن ثامر بأن يشكل في شبكة الزعيم لجنة لتوثيق ارشيف الزعيم تقوم بزيارة الشيخ عبدالرحمن بن سعيد وتأخذ تاريخ الزعيم منه لتوثقه في الشبكة .. ولا اعتقد ابو مساعد الله يطول في عمره بيبخل ان تكون شبكة الزعيم لها الأولوية في وضع ارشيف كامل عن الزعيم بطولات اهداف لاعبين نتائج كل المباريات ومن سجل الاهداف .. نحن في حاجة ماسه لهذا الارشيف .
وجهود الشبكة وموقع الهلال مانبخسها لأجل عدم تدوين بطولة ابداً .. بس والله جداً مهم ان تكتب أي بطولة جديدة في وقتها .. احنا هنا هلاليين ونصحح لبعض لو اخطأ واحد فينا في تاريخ بطولة .. بس في باقي المواقع الاخرى واللي هدفها ماهو رياضي بحت ممكن تؤخذ منا المعلومة خطأ من غير ان نقصد لأننا استشفيناها من موقع الزعيم او الموقع الرسمي للهلال .
وفي الأخير ياليت احد يفيدني البطولة القادمة لنا إن شاءالله كم بيكون رقمها ؟؟
إنجازات الزعيم اغاني محمد عبده وطلال مداح في الزعيم ؟؟!!! 
الوضع العادي
