لاعب عنده إمكانيات اتفق معك لاعب مميز في المحور وافضل محور سعودي اتفق معكـ

لكن محوور ماتقدر تعتمد عليه يعني يمكن عندنا مباراة امام احد الفرق الكبيرة وييغيب ماعنده اي مشكله

لاعب أحتجنا له في نهائي الدوري وانطرد من الدقيقه 19 ع غلطه ماتسوى تبي نقول شكراً عزيز ماقصرت

وغير كذا غياباته وواجد مدري إلى متى بنصبر عليه لا ويطلع يقول لاأتخيل نفسي في نادي غير الهلال

ايه اكيد لان نادي الهلال هو اللي يدلعه وان غاب عفووا عنه ورجعوه اساسي

ياناس افهموا عزيز حقق مايريد من النادي وأخذ اللي يبغى وبما أنه ع وشكـ دخول سن ال 30 أتمنى بيعه

والإستفاده من قيمته المادية أو مقايضته مع أحد الأندية وإذا كان بيبقى أتمنى انه يكون المحور رقم 3 او 4 بالفريق

عشان مايأثر حضوره أو غيابه

الزعيم عمره ماوووقف ع أحد

يعطيك الف عااافية اخووي سعوود

اخوي لاعب مواقفه معروفه بصراحه من زمان

رغم انه لاعب مهم في الفريق

يعطيك العافيه
ودي ان يعرف الجميع مع اختلاف ارائهم ان مصلحة الهلال فوق كل شي
ولكن يجب ان نتناقش بموضوعيه وكلامك اللي قلته حلو في كثير من الاحيان
ولكن اخالفك في مسالة النقد بان للمشجع مايؤديه اللاعب في الملعب فقط فللجميع الحق في ذلك ولكن بشرط عدم التجريج والتشكيك في حب اللاعب للنادي
وخالد عزيز للاعب نحبه ونحترمه واتمنى ان يتخلص من مشاكله او ظروفه باسرع وقت ويعود كما عهدناه من قبل

وشكرا لك يازعيم

اتمنى مقايضه اللاعب او بيعه،

سالفة الدفاع عنه والاداره ظالمته هذا الي خرب اللاعب، لخالد عزيز اخذ من الفرص

الي ما اخذها اي لاعب غيره، خالد عزيز يالي تدافع عنه خذلنا بالمبارايات المهمه وبالذات مع الاتحاد،

وتقولي نقف معه وبيرجع لمستواه كم عمره الي انت شاد ظهرك فيه، بيدخل الـ 30 ولسى ننتظر يرجع لمستواه

مع احترامي لرأيك خالد عزيز ماخذ مقلب كبير في نفسه

مسوي انه لاسانا ديارا

ياخي هاللاعب مبزوط ولامباالي والله العالم ان البلوي لعب عليه وناوي ياخذه للاتحاد

وهو المسكين مصدق انه اللاعب الظاهره

صحيح انه افضل محور محور في السعوديه واقصد كان افضل محور

الحين بعد رجوعه من الاصابه مستواه نازل ..

حاليا ابراهيم غالب افضل محور في السعوديه..

عموما:

لو الاداره باعت خالد عزيز ماعليه حسوف

راح خميس قبله وهو افضل منه ولاتأثر الهلال

من جد اتمنى ان البلوي ياخذه ويعطيه كم مليون يروح يصرفها في البحرين .. ويستانس

اما الهلال مصنع للنجوم راح نوفر البديل بسهوله

اتمنى ان خالد عزيز ينتقل لأي نادي ...

واتمنى لو الاداره الهلاليه تعطيه الشباب وناخذ الشهيل ونزيدهم كم مليون

مع اني اقولكم خالد عزيز يبي يروح الاتحاد..

لكن يارب المدرب الجديد يحقره في الاحتياط ... ويلعب القرني ويعطى فرصته ..

تحيتي لك كاتب الموضوع وترا خالد عزيز مجرد محور لعبت فيه الاصابات واتمنى ماياخذ اكبر من حجمه

ياعزيزي يا كاتب الموضوع و ياعزيزي ياخالد عزيز

اصغر نادي في الدوري الآن يدفع الملايين على عقود اللاعبين وعلى تجهيزاتهم وتدريباتهم
تعرف يعني ايش ملايين ؟؟؟؟؟؟؟؟

لما يجيك واحد ما ادري بأي صفه مناسبه ممكن اطلقها عليه
هل هو لا مبالاة , أم استهتار , أم عدم نضج , أم اهمال , ,,, الخ
بإختصار , خالد عزيز خلال فتره طويله اصبح عديم النفع بالنسبه لنادي مثل الهلال
الهلال نادي لا يقبل بأي شخص لديه قلة وعي بهذا الشكل

أنت كـ شخص لما تكون عندك مؤسسه وتدفع للموظفين مبالغ طائله ,
فإنك تنتظر منهم عمل كبير وواجب عليهم ,
ولن ترضى بأي حال من الأحوال أن يأتيك عامل لديك و لا يقدّر أو لا يقوم بواجبه

سؤال : وش ذنب الإداره لما تدفع لـ عزيز ملايين وبالأخير مايقوم بواجباته كـ لاعب ؟

غريب جمهور الهلال !!


لاعب مثل عزيز ويجد من يدافع عنه !!

معليش اخوي


اللاعب هذا مايستحق يلعب او يلبس شعار هالنادي


تذكر حسناته واللاعب ماقدم الا كم سنه وعقبها بزوط؟

اللي جابه يجيب غيره

لاعب لايعرف بالاحتراف شيَ

والأداره والإعلام احسن انهم شهرو به عشان ينعرف ليه مايلعب وليه مستواه طايح !

واعيد واكرر اللي جابه يجيب غيره !!

انا مادري اللي يدافع عنه هل يحب الهلال ام عزيز

ابغى منك اخي الغالي خلال سنتين تقولي كم لعب خالد مع الهلال بالضبط

ياخي حرام ياخذ مكان لاعب والنادي مايستفيد مهما كان المانع ان كانت ظروف

الله يستر عليه ويفرج همه لكن عليه انه يعتزل او يروح لنادي يرضى انه يخليه براحة

ولايفيد النادي لكن مستحيل يلقى مثل الهلال لو حسبت المباريات التى لعبها خالد خلا اربع سنوات

يمكن ماتجي 30مباراه يعني بالعربي الهلال ماستفاد منه بل خسر خانه لاعب كان احق بها

انا احترم عزيز وجميع لاعبين الهلال لكن الهلال كاكيان عندي اهم لان مصير عزيز يعتزل هو وغيره والهلال هو الباقي بحول الله

والله ماقول الا مثل ماقال لك احد الزعماء (لاتصير من ربع عزيز )
قسما بالله ان عزيز سوسة يجب ابادتها

ياأخي العزيز ...


أول شي اي لاعب مميز لو غاب عن التدريبات راح يغيب عن التشكيل الأساسي وهذا طبيعي لكن المشكله لو ماعرف الجمهور أن اللاعب غاب عن التدريبات راح يتسائلون ليش اللاعب غاب عن التشكيل الأساسي ؟؟

في الإدارة الهلالية كل شيء شفاف والغلطان يجب أن يعاقب ويجب أن يكون الكل بالصورة ..

وأنا عارف ان اللاعب خالد عزيز تعرض لهجوم من الجماهير الهلاليه لكن احب اقول لخالد عزيز (( يداك أوكتا وفوك نفخ )) يعني هو اللي جنى على نفسه ..

واشكرك مره ثانيه واتمنى ماحد يدافع عن خالد عزيز لأنه غلطان

اتمنى انتقاله باسرع وقت ممكن

لانه صار عاله على الكيان الازرق مايجي منه الا المشاكل