|
جلست اسبوعين بعد الخروج من الاسيوية افكر وش الحل مع هذا الجيل اتضح لي بعد طول تأمل ومزيد تفكر وبما لايدع مجال للشك ان هذا الجيل مع كامل احترامي وتقديري له من الصعب ان يطلب منه فوق قدراته لا سباب بعضها جوهري وبعضها تراكمي وبعضها غامض بمعنى ان كل جيل له صفات ومزايا لايصح بحال مسواة بعضهم ببعض وليس من المعقول تعطيل كل شي لعدم تحقق هدف معين ولكن يقبل جيل مالايقبل من الاخر فهذا الجيل مثلا متميز في البطولة المحلية وله نكهة خاصة اذاالمطلوب منا تشجيعة وعدم فقدان هذه الميزه وما لايدرك كله لايترك جله وبهذا نقبل منهم هذه البطولة افضل من مالو لم يستطيعوا تقديم شي اذ لايعقل تصفيتهم جميعا واحلال غيرهم مكانهم ولو كان الاحلال بهذا الشكل لكانت النتيحة انهيار كامل للفريق كبطل وعلينا العمل لجيل قادم بشكل تدريجي تكون مهمته تحقيق البطولات الخارجية وان حصل منه نقص في البطولات الداخلية ولو استطعنا صناعة جيل يحقق البطولات بنوعيها الخا رجي والمحلي لا طلقنا عليه العصر الذهبي والاهم من ذلك كله هو ان نسعى جاهدين بعدم القبول بحال من الاحوال بوجود جيل لايتحقق معة اي نوع من هذه البطولات لانه لو حصل ذلك فسيكون جيل الشؤم و القحط نصبح مثل الجار الذي دعاني لهذا الكلام هو خشية الاستعجال في استبدال اللاعبين بشكل كلي يترتب عليها انهيار كامل في الاستراتيجية قد يتسبب معه فقد هوية الفريق كبطل ولذلك الصبر على جيل يحصد البطولات المحلية خير من جيل فاشل لايحصد الا الفشل ثم المحاولة لايجاد جيل للبطولات الخارجية في الفترة القادم خير من جيل للبطولات المحلية ولكن السعي والطموح لايجاد جيل لجميع البطولات المحلية والخارجية هو المبتغى والمراد وهذا قمة الطموح ولكن هذايتطلب اولا توفيق الله ثم بذل المال والنفس في تحقيق ذلك فصبروا على هذا الجيل ولاتطلبوا منهم فوق استطاعتم حتى لا تخسروا منهم كل شي فشي احسن من لاشي لاجل الا نخسر كل شي هكذا تصوري لهذا الجيل ولعل الله ان يخلف لنا بجيل افضل بكثير |
الله يعطيك العافية ................................... |
هالجيل طفشنا مع الاسيوية والله لو نجيب معهم ميسي وتشافي وانيستا راح يصابون بالبرود في الاسيوية بس فالحين تستقوون على الفيصلي والوحده ونجران ..... أخ يالقهــــر :ranting: |
إقتباس:
مـآتلآآحظ أنـك زودتـهآآ ..؟؟!! الله يـوفق الهـلآآل :smilie47: .. |
إقتباس:
كفيت ووفيت الله يعطيك العااافيه |
نصبر لمتى حلوه هذي اصبروا على جيل حده يفوز على فرق المتوسطه لكن لا جاء وقت الجد ماشفنا احد فيهم ملينا واحنا نصبر على الي يوفره لهم ابن مساعد والي معه غصب عليهم يحققون المحليه والاسيوية لان مو ناقصهم شي كفايه دلع وخلق اعذار لهم |
والله شوف هذا الجيل من الاجيال الرائعه التي مرت على الهلال لكن ينقصه مدرب (كوزمين) وصانع العاب هجومي محليا لايوجد سوى صالح بشير وظهير ايمن عبدالرحمن الحسن الطائي ومهاجم سلمان الصبياني من الوحده او(؟) راح ارسل اسمه على ايميل الاداره ومع السلامه للشمري ونامي والبرقان والجمعان والجيزاني والشلهوب والمحياني والخالدي ومنح فرصة المشاركه للجميع خاصة لاعبي الاولمبي اما تبي تصنع لاعب بالغصب ماتجي راح يبقى بالاحتياط اطول فتره ممكنه ونهايتها التنسيق |
الجيل على ما قلت جيل فيه برود للاسف ولا تلومهم الفلوس هو ديدنهم لكن اذا تبي لاعبين على مستوى لا تخلي قلبك طيب خلك قاسي واذا جابو المطلوووووووووووووب ارخ الدريهماااااااااااااااااااااات |
المشكله الدلع هذا الجيل ماش مدلع وااااجد |
اتمنى من الادراه اعطاء المحياني فرصه لانه كل مباراه يلعبها يبدع |
عسا يدينك ماتمسها النار يوم القيامة وش اقول وش اخلي موضوعك برد كبدي من هالمستعجلين يبغون كل شيء بسسسسرعه سسسلامات وش تحسون فيه شوفوا فريق تشيلسي قعد ابراموفيتش يبني فيه لمدة 4 سنوات لين وصل النهائي وخسر بسبب زلقة الكابتن جون تيري 4 سنوات جعلت تشيلسي خصم لايقهر ولمدة 4 سنوات يصل تشيلسي الى نصف النهائي واحده منها فقط وصل فيها للنهائي وواحده ظلم فيها امام برشلونة وخذوا عبرة من انتر ميلان انتظر 4 سنوات وهو متسيد على البطولات المحلية الا ان وصلوا الى السنة الـ5 وحصلوا على دوري الابطال عبدالرحمن بن مساعد صار له 3 سنوات وهو يبني فالفريق اتمنى ماحد يعيقه او يطلب منه رحيل لاعبين خلوه يبني على راحته لو يقعد 5 سنوات من الان ماعليكم منه خلوه على راحته ليش تبغون الشيء باستعجال عالعموم كفيت ووفيت اخوي وبردت كبدي الله يبرد كبدك يوم القيامة تحياتي هلالي وهدافي ياسر |
...........مشكور الله يعطيك العافية ......... |
إقتباس:
والله اني ارتاح اذا شفت واحد يدعي لي بالدعاء الطيب هذا مكسب عظيم لايقدر بثمن شكرا من الاعماق |
صدقون ؟؟؟ احس ان هـ الادارة جت في زمن مش زمنها ادارة تدفع بلا حساب ادارة تجلب لاعبين اجانب على مستوى اوربي ادارة عملها من اول يوم الى يومنا هذا احترافي بمعنى الكلمه بس ماقول الا ياخسارةهذة الادارة عند هـ الجيل |
...........مشكور الله يعطيك العافية ......... |
إقتباس:
|
هذآ الكلام الي يجمد على الشآرب ..~ ودي آشوف نآس مثل هَ التفكير تفكر صح ..! مشكلة بعظ جماهير الزعيم تفكيرهآ مادري وش يبي ..! طيب يآخي ريآل مدريد الي هو متسيد اورباء كم مر عليه جيل من 2002 لين 2011 ؟؟ ماحققو إلأ المحليه والخارجيه ماجابوهآ ..! لم ارى جماهير الريال تطالب برحيل لاعبينهآ او ادارتهآ .غير جماهيرنآ جزاها الله خير على عواطفهآ المريضه ودي اشوف عتب من جماهير واعيه تدرك ماتعنيه .. لكن ان ششاء الله مع ادارة شبيه الريح بنجلب البطولات خارجياً ومحلياً ..~ لانريد هرج لايودي ولايجيب .. نبي نآآس تشكر لاتعتب بشكل غير لايق .. |
إقتباس:
وين الخمسات والاربعات ماتطلع بالاسيوية .. !! حتى الغرافه الاسوا منك فنيآ جاب الخمسه بالجزيره هو سباهان .. !! |
الرياض 14 يعني أنت ترى ان أحنا مانأمل في هالجيل في البطوله الآسيويه يعني ننتظر بس متى نخرج منها مثلنا مثل الأندية الصغيرة والمتوسطه لا ياحبيبي وألف لا فريق ماناقصه اي شيء ألا مدلعين لين قالوا بس أبو فيصل يصرف ع الفريق ويجيب افضل المحترفين ويقابلونه بعدها ببرود تام في البطوله اللي هي المحكـ الحقيقي لأي فريق قوي في دوريه انا لو الاقي شخص مثل ابو فيصل مدللني مثل مايدللهم ياشيخ لأسوي اي شيء حتى لو ماعندي اي مستوى لكن هالجيل ياعزيزي قول انهم حصلوا اللي يبون وأنا أؤيدكـ في هالنقطه إقتباس:
الله يعينك ياأبو فيصل ع هالجيل :cry: يعطييك العاافية |
ان شاء الله هالجيل يحقق اسيا :ba: صبرنا كثير وان شاء الله مايخذلونا :s2: |
علمهم أن البرازيل غابت 24 سنة عن تحقيق كأس العالم وهي الأفضل أنذاك علمهم أن الأرجنتين لم تفز بكأس العالم منذ 25 سنة والمانيا منذ 21 سنة وأسبانيا أنتظرت 80 سنة والأنتر أنتظر 43 سنة ليحقق التشامبيونز والريال منذ 9 سنوات وبرشلونة غاب لعقود وتشيلسي والأرسنال اللذين أبهرا العالم لم يحقق التشامبيونز في تأريخهما أخبرهم أن من يهايط ويستهزي بخروج الزعيم في العقد الأخير هو لم يحقق التشامبيونز الأسيوي في تأريخها وطوال 53 عام وهو الأصيفر الصغير تحياتي |
إقتباس:
الحينَ في فرق بين المنتخبات و الفرق , وفي فرق بين بطولة وبطولة , هذا الانتر الي غايب بس ما غاب اسي ميلان عن دوري ابطال اوروبا عن العشر سنوات الريال غاب لكن برشلونه ماغاب عن هالبطولة بالعشر سنوات وبرظوا الحال لتشيلسي والمان والليفر كلهم ماغابوا عن البطولات هذي لكن ياعزيزَ فرق مستواها مايقارن مع مستوى الاتفاق السعودي تطلع الهلال خارج البطولة .. !! نبي شئ بالعقل ,, يغيوا عن البطولات لكن شوف مين ينافسهم من الفرق المحلية ببطولة ابطال اوروبا ياحبيبي |
الله يعطيك العافية ................................... |
اشكركم على تفاعلكم ومافيه شك ان عواطفنا تبي هالاسيويه وقلوبنا متحمسه لها لكن وش نسوي مالنا حيلة وليس من المنطق ان يخرج شخص ويقول نريد تنسيق اللاعبين وكرش الاجانب وتغير المدربين والاداريين قرار مثل كذا عواقبه وخيمة وقد تكون كارثية نندم بعدها ما نعرف وش البديل لكن رجائي من الامير عبدالرحمن استخدام سياسة الاحلال الجزئي والانتقال المتدرج حتى يكون الفريق بجيل طموحه عالمي واثق من قدراته لايتأثر نفسيا ولايهاب خصما ايا كان هذا الخصم والله سبحانه كريم |
إقتباس:
ياليتهم ينظرون لما ورد في توقيعك فأنصار الهلال لابد من الاستماع لمقترحاتهم |
مشكور آخوي على الموضوع المتميز لاكن مافي شي اسمه فريق محلي وفريق آسيوي احنا يوم كنت نجيب الاسيويه برضو كنا ابطال الدوري وبطولات داخليه لاكن الفرق في اللاعبين كانو لاعبين يحترقون على الشعار يلعبون من اجل الجمهور والنادي والحين لاعبين يلعبون من اجل المال واجل الشهره والصيت والجمهره مو الجمهور الحل الوحيد موجود اذا تبي الاسسيويه ورب البيت ماتجيبها الا اذا كان عندك لاعب زي نور لاعب يلعب من اجل الجمهور والنادي والفلوس وكل ريال ياخذه يستحقه مع احترامي الشديد لياسر بالله عليك هل يستحق المبلغ الي دفع له في التجديد حتى لو ماكنا نعرف كم المبلغ بالله عليك هل يستحق انه يكون الكبتن والله ماياخذ البطوله الاسيويه الا اذا رجع سامي الجابرر يلعب بالفريق او انك تجيب دكاتره نفسيين للفريق لان الهلال دائم يختفي في المبارايات الحاسمه ضد الوحده ضد ام صلال ضد الايراني ضد الاتحاد لو الهلال لعب ب50 % من لعبه والله كان فزنا لاكن الشكوه لله |
إقتباس:
انا بصراحة وخل صدرك وسيع هالجيل كم لهم من مره وهم يطلعون من هالاسيوية حتى ولا مره وصلو للدور ربع النهائي فضل عن نصف النهائي او النهائي يعني حاااااااالتهم شبه ميؤس منها هذي قدراتهم في الاسيوية نقول يا تجيبون الاسيوية ياتقضبون الباب مايصير هالكلام لابد نرضى منهم بواقع قدراتهن اللين يتغير الحال بجيل افضل منهم واقدر اجزم ان اللاعبين ودهم يجيبون الاسيوية عشان على الاقل يفتكون من المصير المجهول ومن سب الجماهير بس لسان حالهم يقول هذا اقصى شي نسويه مالنا حيله اكثر من كذا ورحم الله امرئ عرف قدر نفسه |
إقتباس:
انا معك هالجيل ليس جيل حسم وليس هناك الثقة التامة بقدراته يخاف كثير من المباريات المهمة والحاسمة الله يحفظ سامي الجابر ليش سموه لاعب حسم لانه. يظهر بقوه وثقة في المباريات الحاسمة يعشق المهمات الصعبه ثقه لا حدود لها موب ينتفض اذا جى النهائي وتتصافق رجوله وكل شوي يطيح ويعرق من الخوف الله خلق وفرق يعني لايمكن تطلب من اي لاعب خواف يحسم لك مباراه مهمة |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 05:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd