إقتباس الرسالة الأصلية كتبت بواسطة مخلص للهلال الأندية الاحترافية أعتقد ما عندها الوقت تصبر على لاعب انخفض مستواه ورادي أشوف أنه في عز مستواه يعني ماهو ذاك الزود وفيه لاعبين أجانب أفضل منه بمراحل في خاصة في صناعة الألعاب والربط بين الدفاع والهجوم كما أن رادوي مصخها بصراحة بعصبيته الزايده صاير زي الحبحر ما ينتحارش وبعدين صار هدف للجنة الظراط يعني كل مباراة متحفيننا بإيقافات له بالمختصر ثمنه اليوم أحسن من بكره والعمر يجري ويوجد بالعالم من هم أفضل من رادوي وتبون المختصر كل أجانبنا يبيلهم تغيير ونجيب سنتر بجانب هوساوي وأرشح الأسترالي ساشا وصانع ألعاب وجناح أيمن وأرشح الكويتي فهد العنزي زي ويلي وأفضل بعد ومهاجم هداف مجرم وياعيني على الهلال بعدها

والله جبتها يامخلص الهلال يابعدي والله ...
كانت فكرتي ابعاد هذا الرادوي ..لاننا منا بحاجه له مع وجود محاور مثل عبداللطيف الغنام والقرني والفريدي والبرقان .. ويجلب بداله سنتر يساند اسامة هوساوي ليصبح الفريق قوي قوي دفاعيا ..
ثم يجلب مهاجمين واحد آسوي وياليت والله فرهاد مجيدي لاعب الاستقلال هداف خطير ومتحرك راااائع ... ويجلب ايضاً ..ومهاجم عالمي هدااااااااف هداااااف من ارباع الفرص ..ومتحرك ومهاري
ثم وسط برزيلي مهاري وذكي جدا في التمرير واللعب في المناطق الضيقة .. هذا الي افكر فيه ..
ورادوي والله ياناس ماهو محور متكامل يكفي ان الشلهوب هو الموزع لبداية الهجمة ...ثم انظر لدفاعه تكسير في تكسير يعني انا ماشفت حقيقه فيه الا الفاولات بس لاغير ..ماشفت شيء ثاني والفاولات القريبة عندنا محمد الشلهوب الله يعطيه العافية .

88

مخلص الهلال

وانت وش يضمنك هالاجنبي بيكون افضل من رادوي او بيتأقلم معنا
يعني رادوي مستواه هالفتره نازل شيء طبيعي ومع بدايه الموسم راح يرجع رادوي نفسه
فيعني وشوله المخاطره !؟

صراحه ماقريت الموضوع كامل بس اللي فهمته من الموضوع والردود هو موضوع بقاء

رادوي من عدم بقائه رادوي مايختلف عليه اثنين من افضل اجانب الهلال لو ماكان افضلهم

بس سؤال هل راودي يريد البقاء في الهلال ؟؟

صراحه من بعد مباراه الفيصلي وانا ماني متأكد هل يريد الاستمرار ولا عجبه عرض العين من كوزمين ...

وشكرا على الموضوع

رادوي راح يبقى انشالله وبعدين كيف تقولوون الادارة الهلاليه عندها احتراف
على مستوى عالي لاعب مثل رادوي مبدع طول المواسم اللي راحت وبالاخير جت مباراة الاتحاد
ويتلخبط كل شي وترووح تلغي عقد رادوي اذا حدث ذلك فسلامي على الهلال

انا ضد الابقاء على اي محترف لايرغب بالبقاء

ان كان يرغب بالانتقال خلوه ويجينا لاعبين يخدمون

النادي

والله يكتب اللي فيه الخير للفريق

وبعدين الاجانب كلهم على بعضهم وشو سوو للهلال في المباريات الحاسمه

كلام سليم ورادوي لاعب كبير واتمنى بقااءه

إقتباس انا ضد الابقاء على اي محترف لايرغب بالبقاء ان كان يرغب بالانتقال خلوه ويجينا لاعبين يخدمون النادي والله يكتب اللي فيه الخير للفريق وبعدين الاجانب كلهم على بعضهم وشو سوو للهلال في المباريات الحاسمه

اكيد كل كلامي اذا كان رادوي يرغب بالتجديد
وانا ما أتكلم عن المحترفين الباقين انا اتكلم عن رادوي
وبخصوص المباريات الحاسمه ياليت توضحين لي مثل اي مباراة ؟
اذا كنتي بتجيبين لي اقرب مباراة الي هي مع الاتحاد
يعني تقولين لي مثلا ان رادوي مفروض يشيل الفريق للفوز برغم ان اللاعبين كلهم كانوا سيئين !؟

رادوي لاعب من الطراز الثقيل ولا يقل اهمية عن ريفالينو او نجيب الامام او دي سانتوس او موسى نداو او ليتانا او بصير او توليو او سيرجيو او كماتشو ( الحمد لله ) او تفاريس او ويلهامسون لاعبون صنعوا الفارق بالفريق وتركوا بصمه ..

على الاقل لا نطالب علنا بابعاده لكي لا نصير قليلي خاتمه معه ترك منتخب بلاده وتحمل اعباء الفريق لوحده خلال ثلاث مواسم بكل قوه ورجوله والمشكله ايش سبب التغير !!!!!!!!!!!!

شكل حال رادوي الان يردد / باعوني ويه ويه عافوني ويه ويه ..

عذا رادوي هكذا نحن العرب ناخذ الواحد لحم ونرميه عظم

ياخوي .. رادوي المفروض يعطا الجنسية السعودية
ويحسب لاعب محلي ...