كأس خادم الحرمين للأبطال 2010-2011 :: ذهاب دور 8 [ الهلال Vs الفيصلي ] المباراة كاملة فيديو - صفحة رقم 3 - نادي الهلال السعودي - شبكة الزعيم

مهجدة جمهورالحالمي · #31 29/05/2011, 02:12 AM

الحمدلله على الفوز المستوى مرره سيء
باالتوفيق للهلال باالتأهل ان شاءالله
وطردة رادوي على مااظن انها محبوكه من المدرب انه طلب من رادوي التأخر عشان يطرد وفي حال تأهلنا يظمن لعبه ذهاب
واياب

♡مجيد الملكي♡ · #32 29/05/2011, 03:25 AM

آلله يعطيكم آلف عآفية ,

ومبروك آلفوز , وعقبآل التآهل والبطولة آن شآْء الله ,

ـهلالــــي ـهذا حالي · #33 29/05/2011, 07:21 AM

ياخي وين المباراة هذي اللي منتظرينها من امس
..
والموضوع مليااااااااااااااااااااان مخالفات
كل الاعضاء علمونا النتيجة!!
ياخي نزلوا المباراة ياخي!!
وللا لاتحطون موضوع من اصله اذا منتم قد التعب
وش العذاب هذا اللي حاطينا فيه
,,
حاطين موضوع للمباراة ولا تعلمونا متى نتزل
والاعضاء خالفوا النظام وخربوا علينا المشاهدة بردودهم , ولا ادري وين الاخوان المشرفين عنهم وليش هالانتقائية في تطبيق النظام
طيب ليش حاطين هالعبارة ((نتمنى من الجميع التعاون معنا بعدم ذكر النتيجة نهائيا أو التلميح لها ولكم منا جزيل الشكر)) !!
,,
كل أنسان مرتبط بمواعيد وجدول والناس أوقاتها ثمينه جداً ولا يمكن تعويض الفائت منها
المباراة لها 18 ساعة ولا نزلت
طيب متى ننام يعنى
يعني حتى الشوق والجمر اللي كنت جالس انتظر عليه المباراة طفى ورمّد
ولاهي اللي اول ولا ثاني مرة بنفس الطريقة هذي
قسم بالله كل مرة نفس الشي
دااايم كذا
,,
من أصعب الاشياء انك توضع قيد الانتظار بدون أي معلومة عن مدته , ماتدري هي دقيقة وللا سنة
انا لي سنتين في لندن وتعبت نفسيا من موضوع المباراة كاملة اللي ينزل في المنتدى
ومن كثر حبي للهلال ولعبه ما ابي احد يعلمني كم النتيجة ابد,, منقطع عن العالم وكل مافيه ولكني اتابع اخبار الهلال بشكل متواصل
ابي اشوف المباراة بعيني انا ,, كمحب متيّم ومتذوق للكرة بدون تأخير واحراج مع الناس
وللأسف خسرت ناس بسبب انهم يدرون انه مابي احد يعلمني النتيجة لكن يمزحون معي ولا يدرون ان هذا الشي مهم جددداً بالنسبة لي ,
هذا كله يصير بسبب طول الانتظار لأني أدري في قرارة نفسي
ان المباراة ماراح تنزل إلا آآآآخر الليل او الصباح
ويتعين علي أخوكم في الله انه يطفي جواله ولا يقابل احد
ويطلع من الجامعة كأنه منحاش
كله عشان لا احد يجي يستهبل ويعلمني عن النتيجة واخسر الشخص ومتعة المباراة في نفس الوقت
طيب وش هي فايدة رفع المباراة على المنتدى اذا لم تكن في نفس اليوم
هل هو موضوع توثيق فقط؟!

,,
مع كل الحب والتقدير لكم على كل التعب والمباريات اللي انتم سبب في مشاهدتي لها بعد الله
لكني والله أمداني يجيني مرض نفسي بسبب التأخير هذا , وسقى الله ايامك ياعكوز
هذا عتب محب لمنتدى نتوقع منه الكثير
وشبكة الزعيم عندها القدرة على أكثر من هذا بمراحل
ويفترض أن مباريات الهلال هي أهم مادة تنزل في المنتدى
لأن الهلال هو فريق له جمهور يريد ان يشاهده في الملعب
والكلام اللي برى الملعب هذا اغلب قشور ومن سقط القول
وانتم اخذتوا القشور وتركتوا اللــب وهو لعب الكرة ومشاهدتها!!
وانشغلتوا بقلنا وقالوا وقال خبيلان وصرح زعطان وتداخل معطان
حطوا المباراة أول ثم حطوا ملحقاتها واكسسواراتها
,,

لكن ما اقول الا الله ينعل ابو الغربة اللي احوجتنا للتعب هذا