يعني باللهي مدري انتو ليش زعلانين ؟؟
هل كنتو متأملين ان آسيا هالسنة للهلال ؟؟؟؟؟؟؟؟؟؟؟؟
لا طبعا المستوى مايبشر بخير ابدا
قلتها وبرجع اقولها الهلال عشان يتعدل يبغالنا نشيل الكديش ونجيب محليين على مستوى ونقشع كالديرووووووون
وعن نفسي مستانس اننا طلعنا من دور مبكر قبل لا نتعشم بآسيا وتنقطع قلوبنا عليها زي العام

هارد لكم وبإذن الله القادم احلى والاعداد بيكون لائق بمكانة آسيا

المدرب فااااااااااااااااااااشل وهو وحده من يتحمل الخساره

كل سنه نقول هالكلام
تعبناااا

فيه ناس مال امهم داعي قال ايش قال نبي عزيز وياسر يروحون
الدعوة سيبة ؟؟؟
يوم مباراة الجزيرة رفعتو ياسر فوق هام السحب
ولو عزوز اليوم ماجاب الهدف كان مرمطتوه
ياعالم حكموا عقولكم
اذا بنتكلم عن هالمباراة نتمنى كلهم يرحلون لأنهم مايليقون بإسم الهلال
هل هذا منطق ؟؟؟؟؟؟؟؟؟؟؟
هي كذا يالك او عليك وشاء ربي انها تكون علينا
خلاص الحمدلله على كل حال
ومن البوادر كل شي باين ان آسيا ماهي هلالية يعني الف حمد لك يارب انك اخترت لنا الخروج بها الوقت المبكر قبل لانتعشم بشي وهمي

صدق من قال العالميه صعبه وقويه والله قهر لامستوى ولا حماس ولا روح لاعبين مدللين بقوه اه يالفيلسوف وسامي والتيماوي والتمياط وبوثنين على ايامكم من جد كانو يحرثون الملعب حرث بس من اجل الجمهور مو من اجل المكافئات ولا الماده لوني ماكان ابو مساعد خليتهم يمشون كعابي من جده الا الرياض وبعز القايله يعني الظهر علشان يعرفون النعومه والدلال الزايد مبسوطين في الدوري والكاس اما في الاسيويه يصيرون ارانب من جد الواحد يطلع كلام من القهر اللي فيه لاعبين فااااااااااااااااااااااشلين شكرا ابومساعد شكرا سامي شكرا كالدرون ماقصرتم .......

نتمى عدم التجريح في اللعيبه
وأتمنى تجديد عقد كالديرون

ياكثر المندسين

الي يقول العالميه صعبه قويه والي يقول حنا فريق محلي

والي يقول مانقدر الا على الطائي ونجران اما الاتهاد والفقر مانقدر

الفقر مانقدر عليه؟ وطلعناه 4 مرات متتاليه من ولي العهد وطيرنا خمسته

يعني تبي تقنعوني ان البطوله ماهي مهمه وان الهلال ما يبي ينافس عليها

................... مدري ويش صاااااير فيناااا

أقول الله يخلف بس ..

قال لا تجرحون اللاعبين ..

تكفون لا تقسون عليهم أنتبهوا ترى لو سمعوا كلامكم يمكن يصيحون .. أنتبهوا ..

ياعم مادروا عنك أنت و إياه ..

الفلوس و بالحساب .. و لا عليه من أي متفرج ..

يالغالي مقولة ساير الشهيرة ( المدرج يتفرج )

ولن يعود الزعيم لآسيا إلا بأبناء النادي ..

متى ماقاد الفريق مجموعة من مدرسة الهلال و من صناعة الزعيم سنتمكن من آسيا ..

عذراً ليس لدينا لاعبين بل أشباه لاعبين ..

حرقوا قلوبنا الله يحرق قلوبهم و فشلونا الله يفشلهم .

لم يراعوا الجماهير و لم يهتموا ..

نحن نحترق و هم في مزاج راااايق .

ياشباب والله حرام لاتصورون مثل غيركم
الهلال ماقصر والله سوى الجهد الجهيد
بهالسنه خليكم حقانيين
مبروووك البطولتين يالزعيم

الحمدلله قدر الله و ما شاء فعل

خلونا نكون صريحين الخساره كانت أقرب لـ الهلال من الفوز من قبل حتى ما نعرف مين منافسنا في دور الـ 16 ..!

أولاً .. لاعبي الهلال هالبطوله بالنسبه لهم كابوس يدخلون المباريات في الأدوار المتقدمه بكل ربكه و خوف تقول ذولا أول مره يلعبون مع بعض و هالأمر تكرر في كل مباراة مهمه في المواسم اللي راحت يعني الأمر تحول إلى " حاله " محتاجه لعلاج

ثانياً .. المباراة على أرض المنافس و بين جماهيره المتعطشه لأي فوز ينسيهم موسمهم السئ و الله جاب لهم الهلال أكبر و أفضل تعويض يكون على حسابه

ثالثاً .. كالديرون في المباريات الكبيره يخبصها .. مباراتي الهلال مع الإتحاد و مباراة الأهلي في الدوري كنا قريبين من الخساره الشباب و النصر ماهم مقياس الأول لعبنا معه و هو يفتقد لعيبه مهمين للإصابه و الثاني داج .. الإتفاق بغينا نخسر المباراه لولا لطف الله
بالمختصر المفيد كالديرون ما يفيد الهلال

أبو فيصل يقول الجوانب النفسيه في مثل هالمباريات لا تتعدى الـ 5 % و الباقي للجوانب الفنيه و أنا أقول العكس .. و الدليل مباراة اليوم شفنا كيف انتصرت روح الفريق الإتحادي مع إنهم أقل من لاعبينا فنياً .!
فـ أتمنى أتمنى أتمنى من سمو الأمير ينتبه للأمور النفسيه في الفريق .. الفريق يعاني " نفسياً " في آسيا و هذا شيء واضح للعيان

معوضين خير جميعاً ..

واذا انتقد وش صار ربعك هم الفاهمين والبقيه كمبرس

نفول الهلال لايسجل الا الوسط يقولون مهاجمينا هم من اتاح الفرصه للاعبي الوسط ليكونو هدافين !!!

اخر مباراة ونحن نبحث عن المهاجمين الخطوره من لاعب الوسط العابد يصوب في القائم والدوسري يسجل

بينما المهاجمين في نفس الاجازه منذ ثلاث مواسم

الجهاز الفنى يري الزورى تارك مركزه ومهامه الدفاعيه وجالس في الجناح ظهيرنا الايسر منه الهدفين ولايتحرك احد لتوجيه الزورى !على كل الهلال يلعب بدون هجوم فكيف تريدونه ينافس في اسيا ؟

فريق العجايز سلم المباراة في نصف الشوط الثاني لكن لم يلعب مع فريق يملك هداف هذا هو الواقع للاسف

الشلهوب وياسر و ويلي وهوساوي

اليوم قمة في السوء


بس نفسي جمهور الرياض يشوف جمهور الاتحاد اليوم .. يتعلموا شوي
خرجوا من بطولتين .. والملعب ما سكت

جمهور الهلال في ايام التتويج ما ملى الملعب

هاردلك لكم هزيمه مستحقه بكل المقااييس للاسف احنا مانكبنا غير التطبيل للاعبين

وقفنا معهم كلهم بمافيه الكفايه لكن مسأله تدخل المباراه وانت خامتك ام الركب بليز

اذا انت منت كفو للمباراه فيه غيرك بالدكه يسوي الواجب احنا فالحين بالتسريحات

والاستعراض قدام الكاميرات واذا جاء وقت الجد مانشوف احد صراحه اليوم الهلال

يلعب من غير هويه انا لو ماعرفه اقول هذا مستحيل يكون النادي الي اخذ الدوري

كور مقطعه وهجمات غير منظمه والدفاع كأنه اول مره يلعب كوره يالله زين

طلعنا من دور 16 لعل وعسى نصحح بعض الاخطاء الي ارتكبناها الليله ..
....

مخرج

اذا بقى ياسر والمرشدي في الهلال والله ماتشوفون الاسيويه