عقدة الهلال الاسيويه
وعقدة كالديرون المباريات الحاسمه

من زمان وانا اقول ياسر مايستاهل اساسي اذا لعب كأنا نلعب بدون مهاجم

المشكله انك تجيب لاعب هداف الدوري او الوصيف (عيسى ) دايم وتركه احتياطي ليش عشان

عندي لاعب يشغل المدافعين اللي هو طبعا ياسر

من متى صارت وضيفة المهاجم اشغال الدفاع

يابوي انا ابي مهاجم هداف.

المشكله ماتدري ليش يجاملونه طيب اذا كانو المهاجمين اللي معه سيئين جب مهاجم موب تمرضونا فيه .

عموما الهلال بشكل عام الموسم ذا كله مستواه نازل ومن يمكن خمس سنوات ماصرنا بسوءذا

ولا فيه لاعب تقول انه نجم غير ويلي بس

لارادوي ولا لي ولا هوساوي يمكن نقول العتيبي .

وارجع واقول طرد ياسر هذا هو الشي الوحيد اللي بينسيني الخسارة.

وبالاخير الادارة ذي من يوم جات لي عليها تحفضات كثيرة بس مو وقته.