اهنن اهنن . .

على اني ما ارد الا مرتين بالسنة الا اني قررت اغير جدولي وارد

يعني انا ما ادري الحين احنا بالسعودية من المغضوب عليهم والا الضالين << لا احد يجي مطفي نوره ويقولي امييين
كل مكان نروحله ممنوع دخول الشباب .. خلاص ملينا نفاق اصلا كلهم منافقين
ومالك علي يمين مرة رحت بيت جدي عيو يدخلوني يقولون لازم امك تكون معك ^_^
اسواق وعرفنا ما بنروح الا اذا انت مضبط السيكيورتي وعاد اذا ما كان شفته باليوم اللي بتروح فيه قشر زيتون ياردي الحظ
نهيت بالشوارع مثلا ؟ . . ابشرك هتنا حفظت جدة والرياض والخبر ولاس فيقاس والعيينة شارع شارع الين ما جاء مفرق الجماعات ساهر هع مستعد احلف اني ثاني اكثر واحد بالكون تعرض للفلاشات بعد الفريان والفرق بيننا 7 صور بس .. يعني بمشوارين اجيب راسه
تمشيي 100 تطلعلك لوحة تقولك السرعة 70 . . تمشي 70 تجيك لوحة تقولك السرعة 12 . . انزل ادف السيارة مع اخوياي مثلا ؟ ؟
نرجع لموضوع الشباب ^.^ اللي يقول رح للمقاهي وتسذا .. ماشاء الله عندك حلووووول > مايقلد هذاك وشسمه اللي انكرش السفير انا انسان قطعت كل مقاهي الرياض . . حضرت تمارين الهلال اكثر من خالد عزيز زرت اقاربي كل ابوهم . . ما في ملعب بالرياض الا ورزيت خشتي فيه . . حولت على الخبر عند عمتي قالت لي بيتنا للعوايل بس ^_^ رجعت لاهلي بجدة قالولي قلبنا البيت للشباب اطلع << لا تفلها ..
حتى القطاوة صارت تناظرنا نظرة استحقار الى متى يعني


كيبوردي خلص والا كان اطلقت العنان لاناملي

لك ودي