قصة مباراة الغد .. حمـ(الهلالي)ــد .. كبير الهلآليين .. هلمجرا .. الصخرة .. ضيوف في منزل فرفوش الزعيم .. في قالب فكآهي شيق :) - نادي الهلال السعودي - شبكة الزعيم

فرفوش الزعيم · #1 23/05/2011, 05:16 PM

مسّآكم الله بالخير أيها الزعمآء الكرآم ..

أولآ : أهنيكمـ ع البطولتين .. وعقبآل بقية البطولآت يارب ..

أنا آخوكمـ : فرفوش الزعيم ..

الآكلة المفضلة : ليز + شطة ( الآنسة رنا ) + مكرونهـ

هوآيتي : كرة القدم وملحقآتهـ ..

هدفي : إني آصير شيف مآهر ..

آلخ .. >> كلمة ذآت معآني نبيلة هع

المهم خلونا نبدأ بالآهم .. طبعا آنآ توي عقدت .. وبهذهـ المناسبة الكريمة ..

وجهة الدعوة لآربعة من الأحباب وهم : حمـ(الهلالي)ــد, الـصـخـرة, هلمجرا, كبير الهلاليين,.

كآن خآطري آعزم كل آعضاء المنتدى .. ولآنها الدعوة الآولى فضلت إنها تكون لهؤلاء الآربع ..

والدعوة طبعا بخصوص المباراة المنتظرة غدا مع اتحاد جدة ..

ويتخللهـ عشاء فآخر

بدآية الحوآر ..

في البدآية وصل إلى منزل الفرفوش كبير الهلآليين .. استقبلهـ الفرفوش بكل حفاوة وترحآب ..

ويحمل كبير الهلآليين حزمة من الآوراق .. ~

وبعد آن رحب الفرفوش بضيفهـ العزيز سآلهـ قآئلا :

الفرفوش : حبيب قلبي والله يا كبير الهلآليين .. وش ذي الآوراق يالغالي .. ؟

ابتسم كبير الهلآليين ابتسامة لطيفة ثم قال : هذهـ الخطط الآولية اللي آنا رسمتها للقآء الاتحآد ..

الفرفوش : حبيب قلبي والله .. ما نحتاج لخطط ولا هم يحزنووو .. قآطعهـ كبير الهلآليين قآئلا :

توقفني هنا برا ولا كيف .. ؟

الفرفوش : ( بعد ابتسامة خجل ) اييه اييه صرآحة الحوار معك ممتع ونسيت آدخلك يالغالي ..

حيّاك البيت بيتك ..

آمسك الفرفوش بيد ضيفهـ وقال لهـ : زآرتنا البركة .. منور والله يالغالي ..

كبير الهلآليين : النور نورك والله .. تسلملي

وأثناء ذلك سُمع صوت كثيف لـ منبهـ سيارةٍ في الخارج .. فتوقف الفرفوش وقال لضيفهـ : آكيد الجماعة

وصلوو ..

كبير الهلآليين : هذا هلمجرا ما غيرهـ .. آعرفهـ وآعرف طقتهـ للبوري

أسرع الفرفوش وفتح الباب .. ثم آطلق ضحكة عالية .. وقال : هلا والله بالغوالي ..

وصل هلمجرا مصطحبا معهـ المبدعان حمد الهلآلي والصخرة ..

ورحّب الفرفوش بهم قآئلا :

يآ مرحبا بمن وصل .. على الرؤوس والمقل ..

قلوبنا هي المحل .. فيا فسيح المقعد ..

صفق ( الصخرة ) للفرفوش وقال : لبهـ هالصوت يا نآس

فرد عليهـ الفرفوش : لبي روحك انت يالغالي ..

حياكم الله .. نورتو الدآر .. وانضم الثلاثة إلى آخيهم كبير الهلآليين ..

...

في المجلس .. ~

وبعد آن آكرم الفرفوش ضيوفهـ بكل آنواع الآكل قال : وش رآيكم يالغوالي خلونا نبدأ الجلسة .. ترا طولنا في السواليف والله ..

حمد لهلآلي : ايه يكون آحسن ..

الصخرة : الله لا يهينك يالفرفوش جب لنآ كذا كم ( كنافة ) عشان ننق نق فيها آثناء التحليل ..

هلمجرا : أوووخص بعد كل هذا الأكل وتبي كنآفة بعد ..

كبير الهلآلين : قل ما شاء الله يا دوووب لا يروح فيها الآخ .. آدري انهـ عيونك قوية

هلمجرا : ما شاء الله تبارك الله

الفرفوش : ابشر يالغالي من عيوني والله .. بس خلونا نبدأ عبال ما تجهز الكنآفة ..

وبدأت الجلسة ..

طرح الفرفوش في بدآية الجلسة سؤالآ وقال :

كيف نفوز على الاتحآد .. ؟

حمد الهلآلي رفع يدهـ أولآ وقال : سؤال مختصر ولكنّ الجواب عنهـ يحتاج إلى تفصيل ..

الفريق الاتحادي كما هو معروف عندكم ياخوان يعتمد على اللعب الرجووو .. قاطعهـ الصخرة وقال :

وش اللي رجولي الا تكسير وانبراشات ..

حمد الهلآلي : يا حبيبي لا تقآطعني ..

الصخرة : آسف يا قلبوو كمل كمل ..

حمد الهلآلي : دآئما الفريق الاتحادي لو تلآحظون بطيء في عملية بناء الهجمة ..

ويمكن آن نستغل هذهـ النقطة بالضغط على الاعب ومحاولة قطع الكرة ..

لآن البطء في عملية بناء الهجمة تحتاج إلى تمريرات كثيرة .. ويمكن قطع الكرة بشكل جماعي .. وبالضغط على

الاعب المنآفس .. هذهـ نقطة ولدّي نقآط أخرى .. آترك المجال للأخوان ..

كبير الهلآلين يرفع يدهـ : أوافق آخوي حمد الهلآلي في نقطتهـ .. وعندي نقطة مهمة بخصوص هذا الموضوع ..

لو تلآحظون في كثير من الفراغات بين الوسط والدفاع في الفريق الاتحادي ..

ويمكن أن نسغل هذهـ الفراغات بالسرعة والمهارة وهما متوفرآن في السويدي ولي والكابتن عبد العزيز الدوسري ..

هلمجرا : برافو عليكمـ يا شباب .. وكمان لا تنسون وسط الاتحاد كلهم ( عوآجيز ).. يعني شبابنا لو يستغلون

السرعة والمهارة بإذن الله رآح نفوز .. وودي أضيف نقطة من عندي ..

الفرفوش : تفضل يالغالي ..

هلمجرا : ياليت لو يحطون أحمد علي مع يسار وو .. قآطعهـ الصخرة قآئلا :

الصخرة : ايش تقووول آحمد علي !! انت أول وآحد طالبت بعيسى في الفترة المآضية .. واللحين وش اللي تغير .. ؟

هلمجرا : كنت أتمنى إنك ما تقآطعني

الصخرة : قآطعتك وخلاااص عطنا اللي عندك بخصوص سؤالي

هلمجرا : طيب .. أحمد علي لاعب مقاتل .. قوي في الالتحامات المباشرة .. وسريع يمكن يطلع منهـ شيء ويفيد

الفريق أمام الاتحاد .. وعيسى لاعب مهاري لكنهـ بطيء بعض الشيء .. وعندنا ياسر سريع ومهاري وصانع لعب

خطير .. بمعنى أننا محتاجين وآحد سريع فالآفضل يكون أحمد علي ما ياسر .. وسلآمتكم ..

الفرفوش : هاا يالصخرة عطنا اللي عندك كل شوي تقاطهم آكيد عندك كثير ..

الصخرة : أول شيء شف لنا خبر الكنافة .. معرف آتكلم الا لما آكل كنافة

الفرفوش : أجل انتظر الكنافة يا دوووب

الفرفوش : طيب عندي سؤال ثآني يالغوالي :

ما هي التشكيلة المناسبة بنظركم .. ؟

كبير الهلآليين : نفس تشكيلة الهلآل آمام نجرآن مع تغير طفيف في الآسماء .. دخول عزيزبيدلا عن عيسى ..

واللعب بياسر في الهجوم فقط ..

حمد الهلآلي : ايه ياليت والله ندخل المباراة بمحورين .. عشان نمتص حماس الاتحاديين .. إن سجّل هدف في

الشطوط الآول .. نستمر بمحورين .. وإن ما سجّلنا أقترح إنهم ينزلون آحمد علي ولا عيسي على حساب عزيز ..

هلمجرا : آنا مع الاخوآن صرآحة يعني لو نبدأ بهذهـ التشكيلة :

الشآطر حسن ..

الزوري ــ ماجد ــ هوساوي ــ ليو ..

رادوي ــ عزيز

الشلهوب خلف ياسر .. من اليمين ويلي .. ومن اليسار الفريدي ..

وبعد آن آكمل هلمجرا الحديث وصلت الكنافة عندها حم حم الفرفوش وقال :

الفرفوش : هاا يالصخرة عندك شيء من هنا ولا هناك ولا تبي الكنافة .. ؟

الصخرة : لا والله آنا مع الإخوان كفوو ووفوو .. وعجّل علينا بالكنافة الله لا يهينك ..

ضحك الجميع من موقف الصخرة وقالو : خلونا نشارك الصخرة في نقة نقة الكنافة

ويآرب يفوز الزعيم بكراااا ..

هذا أول موضوع لي بالمنتدى .. أتمنى من حبايبي حمـ(الهلالي)ــد, الـصـخـرة, هلمجرا, كبير الهلاليين ..

ما يزعلون مني .. ويتقبلوا الموضوع بصدر رحب ..

وأتمنى إنهـ ينال إعجابكمـ ..

طبعا هذا الجزء الآول وبعد المباراة .. رآح آكتب الجزء الثاني إن شاء الله

دمتم ودآمت الزعآمة للزعمآء الآوفياء ..