هل يفعلها رئيس الهلال ؟! - نادي الهلال السعودي - شبكة الزعيم

سيمو · #1 17/05/2011, 10:59 AM

اول شي صباح الخير
ومبروك الدوري والكاس وعقبال كاس الملك وكاس اسيا

بصراحة من زمان ماكتبت مواضيع في المنتدى ولكن اليوم اتحمست اكتب عن موضوع مهم وانشاء الله يتحقق بوجود اميرنا المحبوب عبدالرحمن بن مساعد

مثل ما انتم عارفين انو الهلال راح يلعب مباراتة الاخيرة مع نجران في الرياض وبتكون تتويج الدوري

اتمنى من ابو فيصل ان يكرم لاعب المنتخب السابق ونادي نجران الاعب / الحسن اليامي ويكون دخل المباراة للحسن اليامي وهذا اقل شي يقدر نادي الهلال يسويه في حق لاعب ابدع ولا يزال يبدع مع ناديه ومنتخب بلاده سابقا
واذا ماخانتني الذاكرة قبل سنة او سنتين ابو فيصل تكلم عن هذا الموضوع وقال نادي الهلال راح يكون او من يكرم الحسن اليامي

بصراحة لاعب عمره فوق ال36 سنة ولازال يعطيك في الملعب بلعبة واخلاقه يستاهل مننا كنادي وكجمهور اننا نكرمه لانه يستاهل بصراحة
وياليت جمهور الهلال يحييه في الدقيقه 20 لنثبت للعالم ان جمهور الزعيم جمهور ذواق

ارجو من الاخوة المشرفين تثبيت الموضوع وتوصيله للامير عبدرالحمن وانا متأكد انو ابو فيصل راح يسوي هذا الشيء

وصدقوني انا مااعرف الحسن اليامي ولا تربطني فيه اي علاقة بس والله يستاهل كل خير
هذي مشاركتي واتمنى الموضوع يتم

عزوزالخبوبي · #2 17/05/2011, 11:03 AM

الحسن اليامي لاعب من طينة الكبارويستاهل كل خير
اتمنى تكريمه ولو بالقليل

مواصل من يومين · #3 17/05/2011, 11:03 AM

أبو فيصل قاله مستعدين للعب مع نادي نجران في اعتزال الحسن اليامي
وهو رفض خلاص بكيفه
مو واجب على الهلال إنـه يكرمه
هذا المقترح يقدم لإدارة الإتحـاد لأن اللاعب خدمهم

....

هديل الزعامه · #4 17/05/2011, 11:07 AM

ع كلامك راح تطلع اشاعات من احد الأصفرين ويقولون نجران باعو المبآراة للهلال

خصوصاُ هالإشآعآت مآشي سوقها هالإيآم ....!

وانآ آشوف لاعبيين الهلآل أولىآ من غيرهم بالتشجيع

شمالي كول · #5 17/05/2011, 11:09 AM

كلام سليم أخ سلطان واذا فعلها شبيه الريح فهي بادرة غير مستغربة من سموه
والكابتن الحسن يستاهل

جنون الهلآل · #6 17/05/2011, 11:12 AM

-
وليه دخل آلمبآرآه مآيروح مثلاً لـ [ عبدآلله سليمآن ] آللي هو محتآج آكثر من آليآمي !
آو لـ عآئلة آلمرحوم سعد آلدوسري .
آو لـ آحد نجوم آلهلآل آلسآبقين .

مآنختلف آنهآ بآدره طيبه وتحسب لـ شبيه آلريح .. لكن بنفس آلوقت فيه نآس آحق خدموآ آلشعآر لـ سنوآت طويله .
وجهة نظر على فكره . . عوآفي ,’

سيمو · #7 17/05/2011, 11:19 AM

اخوي عزوز تحياتي لك
اخوي مواصل انا قلت التكريم يكون باسم الهلال ليه تدخل الاتحاد؟!

اختي هديل الدوري للهلال خلاص يقولو الل يقولو اهم شي نكرم رمز من رموز الكرة اللسعودية

اخو الشمالي انت السليم والله

اخوي اطلق هلالي احترم ردك لكن اللي اذكره انو سعد الدوسري الله يرحمة مكفاته ماشية مع الفريق ومع احترامي لعبدالله سليمان لايقارن بالحسن اليامي

جنون الهلآل · #8 17/05/2011, 11:54 AM

إقتباس

الرسالة الأصلية كتبت بواسطة سيمو


	ومع احترامي لعبدالله سليمان لايقارن بالحسن اليامي

مآقلنآ مقآرنه . . يستآهلون مآنبي نحسـد آحد

لكن آلآحقيه لـ من ؟!
لـ شخص خدم آلنآدي . . آم لـ شخص خدم نآدي آخر وآلمفروض يتكرم منهم سوآء آلآتحآد آو نجرآن !
تخيل معي , لآعب هلآلي محتآج لـ آلمآل وكآن مسجون وآنآ آقصـد هنآ [ عبدآلله سليمآن ] وبين لآعب لـ نآدي آخر .
يتم تكريم آلثآني ويتم تجآهل آلآول . . مآتشوف آنهآ تحز بآلخآطر لـ عبدآلله نفسه ؟!
بتقولي آلحسن قدم مجهود مع آلمنتخب .. حتى عبدآلله سليمآن كآن مع آلمنتخب !

لآتقيس آلآمور من جهه وحده يآعزيزي . . تذكر آن هنآك لآعبين محتآجين للدعم وهم آلآولى بمآ آنهم [ هلآليين ] .
كآنوآ يخدمون آلنآدي ومآ بخلوآ بقطرة عرق وحده في سبيل آسعآد آلمشجع آلهلآلي .

تشرفت بآلنقآش معك . . دمت بود

سيمو · #9 17/05/2011, 12:26 PM

وجهة نظرك والله احترمها

ومشكور اخوي

هلالي موسيقار · #10 17/05/2011, 12:35 PM

بلا مثاليه زائده بلا خرابيط وش الحسن اليامي بعد سلامات

المصري حمادة راعي الطبل احق بالتكريم له 20 سنه وهو ماسك طبل وش كبره

الحسن اليامي ياما حرمك من بطولات مع الاتحاد خل الاتهاد يكرمه

رايــــق · #11 17/05/2011, 12:35 PM

ياخوي دخل مباراة الهلال بيعرفون وين يودونه المحتاجين كثير
الحسن مو محتاج لدخل مباراته مع الهلال

نترك التصرف فيها للمسؤل ويعطيك العافيه

bret1234 · #12 17/05/2011, 12:36 PM

في نجوم سابقين للهلال

احق بكثير وخدموا الهلال

وحققوا معاة عدة بطولات

مثل عبدالله سليمان

الحوت الأزرق@ · #13 17/05/2011, 12:42 PM

موضووووووووووووووووووووووووووووووع ماااااااااااااااله داعي
نجووووووووووووم الزعيم اولى اليامي يروح للاتحاد يكرمه

سيمو · #14 17/05/2011, 01:24 PM

والله ماعندي تعليق كل واحد له وجهة نظر وموفقين انشاء الله

الخبيرالازرق · #15 17/05/2011, 03:34 PM

اخي العزيز سيمو

احي فيك هذه البادرة الطيبة والتي تدل على اخلاقك العالية

لكن الاولى ان يتم تكريم من خدم الهلال والوطن معا الحسن

اليامي لاعب كبير ولكن خدم ناديه ومع المنتخب فترة بسيطة

ما استفزني قولك ان الحسن افضل من عبدالله سليمان اعطيني

امارة على كلامك عبدالله سليمان خدم الهلال وخدم المنتخب اضعاف

الحسن اليامي وفوق هذا كله ظروفه المادية سيئة

اما الحسن اليامي نسمع انه بيترشح لانتخابات البلدية ومرة رئيس

لنجران فمن الاحق بالتكريم ويكرم على ماذا على خدمته لفريقي

نجران والاتحاد والتكريم من الهلال

اذكر قبل سنوات بعد هزيمتهم من الاتحاد في بطولة كأس قال اتمنى

الاتحاد يفوز على الهلال في النهائي وكان من باب اولى انه يتمنى التوفيق

للفريقين وهو لاعب لنادي نجران

عموما اتمنى من كل قلبي عدم تكريمه ومثله مثل اي لاعب لاي فريق

خاصة انه دائما يلعب بحماس وبقوة ستين حصان امام الزعيم وامام الاتحاد

يلعب بنص حصان

تحياتي وتقبل وجهة نظري يا عـــــــــــــزيــــــــــزي