ابو سروال وفنيلة Vs ام ركبة سوداء - صفحة رقم 3 - نادي الهلال السعودي - شبكة الزعيم

سما هواها هلالي · #31 17/05/2011, 12:19 PM

ام الركبة السوده مردها لاابو فنيلة وسروال والعكس

وبعدين العالم اللي تتداول هذه النكت والتريقة ع بعض ناس سخيييييييفة ماعندها اي هدف في الحياة زيهم زي اللي يسب ويقول كلام وسخ ع مقاطع اليوتيوب مافرقوه عن بعض يحسون بنقص
في داخلهم وحضرتهم كل واحد يجي ويفرغها بكلام ماادري وين حيوصلهم

تشكراااات اخوي ع موضوعك

ايوه صح موضوعك ليش بس للي عندهم بلاك يااخي ماحبيييييييييييتوه صارو بنات خالي كول وحدة رقبتها نازلة ومشغولة فيه آخر جمعة حلفنا اللي عندها هوس والا مرض ماتقدر تستغني
لا تجي تجلس في البيت احسن

حمـ(الهلالي)ــد · #32 17/05/2011, 12:53 PM

انا مستعد اتقبل ام ركبة سودا لكن بشرط تتقبلني بالسروال والفنيلة

صحيح ان البلاك بيري فيه ضحك واستهبال لكني اشوفه ينتقد الوضع الاجتماعي باسلوب محبب .. وللأمانة انا اشوف ان الرجال غالب وقتهم فنيلة وسروال !! اقسم بالله اني امشي قبل كم يوم قدام شقق مفروشة فخمة والقى شاب سعودي يمشي عند باب الشقق بفنيلة وسروال !!! يخرب بيت اللي يزعلك ياشيخ

!! هذا والله ماينفع فيه لا بلاك بيري ولا آر بي جي

.. اجل قدام العالم بفنيلة وسروال .. والا مالوم البنات فيهم .. على الأقل ركبة سودا من رب العالمين ومن ثم ايام الصبا والركض في الهواء الطلق

لكن بعض الطعوس وش عذرهم !! اقسم بالله الشكل اللي شفته يخليني احمد الله الف مرة اني ماني بنت بالسعودية والا كان ذبحته بيديني دووول ..

هو صحيح اللبس تعودنا عليه لكن الواحد يغير على الأقل مراعاة لشعور المدام .. يتغدا بنفيلة وسروال يتابع التي في بنفيلة وسروال وويلعب مع اطفاله بفنيلة وسروال ويقرا الجريدة ويتابع مباراة بنفيلة وسروال وكل وقته صباح مساء حتى بال ... بفنيلة وسروال قبل التعمق بالأمور .. معليش ياشبابنا

بنت فهد · #33 17/05/2011, 07:42 PM

^^^^
والله يازين الفنيله والسروال عليهم عند هالخشش نبيها ورديه تفتح النفس مو رماديه او سودا .،

ALHLAL! · #34 17/05/2011, 08:03 PM

___
*

بصصرآحة وسعت صدري ,,

نص الموضضوع تنكيت وفيه النص الثاني شوية ججد ! > روق وانا اخخوك

سلامات اووه قصدي مع السلآمة > سسخيف هووع

leader ksa · #35 17/05/2011, 08:06 PM

ياخي لما قريت موضوعك والردود حسيت اني احد اسباب تفكك المجتمع السعودي المسلم الشقيق

وبيني وبينك حسيت اني عميل

ياشعبنا الكريم الموضوع كله استهبال × استهبال ولو بعد كم برود عن البنات ارسلته مابقدر اعدها

لكن فالاخير مابي غير ام ركبة سوداء

>>طبعا مايحتاج اقول ان كل الركب السود يبوني

بس بعض الشعب عندنا رسميين لو مايدخلون بالموضوع كان كويس

والموضوع ماله دخل ببنت بلدنا ولازم مانتكلم ومدري وشو

يعني حنا كأصحاب سراويل وفنايل اول ماشفنا الخليجيين بدووا بنتفون السعوديين ويرسلون البرودات
مسكناهم شرشحناهم خلال يومين واغلب السعوديين نقص عدد المضافين عندهم من دول الخليج

ويوجد لدينا الاثباتات وككذا يعني

وأي شخص يعني يقول ان العالم راح يصدقون هالشي انا اقول عادي يصدقون يعني بتقنعونا
ان ركب السعوديين تلق ؟!!

وفي النهاية سيدي الكريم في حفل الختام تم تكريم الفتاة السعودية (ام ركبة سوداء) وعطيناها قلم ابو خمسه مايكتب ودفتر وصفات للتبييض

شكرا لكم على حسن المشاركة

سفيرة الزعيم 14 · #36 17/05/2011, 09:29 PM

اصلا ماتوا البنات اللي ركبهم سوداء

وهم للحين ماسكين هالشغله مغبرين مرره كح كح كح

~~> من جد أكره البي بي لما يرسلوا لي عن الركب السوداء والشغلات ذي المشكلة يكرروها مَ يطفششوآ من هالسالفة

//

طرح جميــل خيوو ..

يعطيك ألف عآفيه يَ رب ..

حب الزعامة · #37 21/05/2011, 08:41 PM

رغم اني مو من شعب البي بي ومقتنعه انه لفئه عمريه معينه
بس الغريب انا نشوف ناس تتكلم عن الركب السوداء والله العظيم هالشي انقرض من سنين
العالم وصلت وين وانتوا وين
البنت صارت تهتم بنفسها بشكل احياناً مبالغ فيه
وتغيرت بدون مبالغه 180 درجه المشكله السروال والفنيله وش يغيره
بس تبون الصدق
ليت اكبر مشاكلنا ركبه وسروال وفنيله
لما كانت المرأه ماتعرف لامكياج ولا تهتم بشكلها كأنها مذيعه
ولما كان الرجال مايعرف لغات ولا دشوش ولا نت ولا بي بي
كانت الحياة اجمل وارقى والاحترام اكبر بينهم
كان الطلاق اقل
كان التربية اصحْ
ماكنا نشوف البنت تمشي بشبه عبايه وبجنبها شبه رجال
ماكنا نشوف ضحكات البنات في المطاعم والله تذكرني بضحكات الرقاصات المقززه في الافلام
ماكنا نشوف بنت متزوجه وماتعرف تطبخ او تقوم باساسيات بيتها
ماكنا نشوف رجال مايعرف حتى يتقضى لبيته
ماكنا نشوف رجال تارك بيته ولاهي بالاستراحه وزوجته تدور من سوق لسوق
ماكنا نشوف رجال جالس يقارن زوجته العفيفه بوحده منحطه شافها على التلفزيون وهو يدري انها بنت شوارع اخذوها من اقذر الاماكن وغيروا في خلقتها لين قالوا بس علشان يجذبون اصحاب النفوس الدنيئه امثاله

ادري اني تكلمت كثير بس والله وضع المجتمع اصبح في خطر البنات والاولاد اللي قادرين على فتح بيت
وتربية ابناء تربيه سليمه قله للاسف
ياليتنا جلسنا على حالنا اول ياليت

لين الهلاليه · #38 21/05/2011, 09:38 PM

بصراحه اهنيك ع موضوعك الراقــي

وربــي انا معاك في كل كلمـة قلتها بستنثناء انا الاخ او الاخت تحضن وتبوس اخوها _ اختها لان مثل ماقلت مجتمعنا منغلق فا من المستحيل يصير كذا الا نادرا وابصم لك بالعششره وحتى لمن تقول لاي احـد سواء بنت او ولد بوس اخت او بوسي اخوك شوف كيف ردت فعلهم ودائما الثمار ماتطلع الا ع البذره فاذا الشباب او الفتيات نربوا على غير البوس والاحضان بين الاخوان من يوم كانوا صغار فا من المستحيل انهم يسسون هذا الشششيء لما يكبروا واول دليل انا خخخ

واما من ناحية ام ركبة سوداء وسروال وفنيله شوف ترا مهما قلنا ومهما سوينا البنت مالها الا ولد ديرتها والولد مالها الا بنت ديرتها صحيح في بعض البنات يكونون معجبين في ممثل ولا مغني ولا تركي مع اني ماايد جمال التركييين ابدا وعععع واقرب دليل مهند وع اللهم لاشمته كانه قطوه مـدري وش لاقين في البنات

وربي دائما اشوف سعوديات يحبون كورييين والعكس يعني شباب السعوديين يفضلون الاجنبيات علينا وبالاخص المغربيات والشاميات والمصريات والتركيات بس في النهايه كل واحد ووحده ماله \ها الا ولد \بنت بلاده\ها

والا احـــــــــــد يعيف الشاب او الفتاه السعوديه ؟؟؟؟!!!

وبعدين السؤال اللي يطرح نفسسه ؟!

للبنات : وش لاقين في ذا الاجانب السعودييين وش فيهم ؟!

للشباب : وش لاقين في ذا الاجنبيات السعوديات وجمالهم وينها وبالاصح وش فيهم ؟!

وفي النهايه اشكرك اخوي على موضوعك الاكثر من رائع + الهادف واسفه على الاطاله ...!,

أميرة العشاق · #39 22/05/2011, 07:34 AM

هههههههههههههههههههههههههههههه.... الخ << بررررا

واقسم بالله موضوع مبدع وردود ابدع وتموت ضحك
يناااااس علينا وعلى ركبنا اذا خلتكم تفتحون موضوع زي كدا يونس
ههههههههههه

الا ع فكره ماتمشي اصحاب الايفون

وعلى موضوع الاخ يحتوي اخته يالللييييت والله
الولد مايشتاق لاخته الا اذا سافر!!
ولارجع يومين ويطيح الحيا والميانه
لكن بإذن الله مستقبل اولادنا افضل
بنعلمهم ونربيهم عالدين والاسلام والمحبه والرحمه ان شاءالله

ودمتم سالمييين اعزائي.. وصاحب الموضوع

هلآلي وراسي فوق · #40 23/05/2011, 02:39 PM

اسلوبك روعه
وجزاك الله خير على النصائح
مع اني بغيت اطلع لان ماعندي بلاك بيري