من الجنوب لعيون الزعيم / جمهور العاصمة هل لكم كلمة ؟ - نادي الهلال السعودي - شبكة الزعيم

عزتيلك · #1 09/05/2011, 09:46 AM

بسم الله الرحمن الرحيم

السلام عليكم ورحمة الله وبركاته . . .

يسعد صباحكم يا زعماء والله يوفق هلالنا حين حل وارتحل

نحن من سكان الجنوب وماخذين اجازه لعيون الزعيم وحاضرين

المباراة اذا وصلنا بالسلامه ان شاء الله

انا من وجهة نظري ان هذي اهم مباراة انا اشوفها اهم من مباراة

ذوب آهان اللي احزنتنا والله لا يعيدها من ايام . . .

لكن يا جمهور الزعيم الغرافة اصعب من سباهان عندما يلعب

في درة الملاعب الاندية الخليجية دائماً تبدع في درة الملاعب

وخاصتاً لما تلعب مع الهلال اسلوب الهلال يفرض الكل على الحماس

نبي الحضور من كل مكان الرياض الشرقيه جده الخرج الحفر كل مكان

واخص جمهور الرياض لانهم الاقرب واذا بتقولون ملينا كل يوم حضور

ترى مو من صالح الهلال دكتك في البيت انت بتقول غيري بيجي والثاني

يقول مثلك والنهاية محد حضر . .

وربي هامني الحضور اكثر من المباراة لان الغرافة مدربة ولاعبيه
متخوفين من اهازيج الجمهور القوية فلذلك سيساعد اللاعبين على
الفوز

بالتوفيق

شمشوم الهلالي · #2 09/05/2011, 10:48 AM

توصلون بالسلامه ..

وباذن الله اهل الرياض والخرج وسدير سيكونون بالموعد

ياناس أحب الهلال · #3 09/05/2011, 10:53 AM

وأنا من منطقة الباحة ~ ..

راح أسحب على الجامعه يوم الثلاثاء والأربعاء ~ ..

لعيون الزعيم ~ ..

راح أحضر ~ ..

هـلالي تشلساوي · #4 09/05/2011, 10:53 AM

يآلبى قلبك بس .. بتنور والله

يالبى الجمآهير اللي زيك ..

توصلون بالسلامه يآرب

هلالي متعصب · #5 09/05/2011, 10:55 AM

الله يستر عليكم وتصلون بالسلامة لو اني مكانكم والله ما اتعب نفسي واطق هالمشوار

كله ! الفريق وضعه ما يشجع ان الواحد يحضر !

زعيم مدفعجي · #6 09/05/2011, 11:00 AM

ودي احضر بس عندي دوااام ولو باخذ اجازة باروح عند اهلي

wem11 · #7 09/05/2011, 11:52 AM

لبى قلبك وتوصلنا بالسلامه..ابحضر ومعي 3...همتكم بالحضوور

سعوديه والهلال ناديه · #8 09/05/2011, 11:56 AM

الله يوفقكم وتوصلون بالسلامه وبحول الله ترجعون فرحانين وسالمين

والله الله ياجماهير الهلال لاتتركون ناديكم

عزتيلك · #9 09/05/2011, 12:01 PM

الله يسلمكم يارب والله يعطيكم الف عافيه

هلالي متعصب /

واذا مستواه مش كويس تدري كم خسارة خسرها هالموسم انت اعرف ؟
مقارنة بالموسم الماضي صح ان الموسم الماضي افضل مستوى ولكن
اقل خساره وهذا ما يشجعنا اكثر لك الفخر يا اخي ان هلالك لم يخسر الا مرة
وهذا ما يزيدنا حماسا حضورا وتشجعا