سنعيدها مرةً أخرى إن شاءالله
برغم تفائلي ان اللقب ممكن يرجع لتشيلسي لكن ما توقعت يكون بهالصورة الخرافيه .. مهما كانت المباراة ما توقعت ان حسم البطولة بيكون بمواجهة تشيلسي و مانشستر
سيناريو مرعب جداً لكل الفريقين .. و في نفس الوقت سيناريو راااااااااااااااائع جداً لمن سيحسمه لصالحه .. هذي أكثر مباراة تستحق انه يطلق عليها مباراة حسم اللقب
من أمس و انا افكر في المباراة و اتخيل كل سيناريو ممكن يصير .. بس الخوف مسيطر علي بشكل غير طبيعي .. متشائم في وقت المفروض ان التفاؤل يكون هو الطاغي علي بعد كل هاللي صار في الموسم و العوده للمنافسه بعد الابتعاد نقطياً بأكثر من 13 نقطه .. مانشستر فريق يخوف و اكثر ما يخوفني فيه هو الشايب اللي جالس برى .. و مباراة شالكه خوفتني زود يوم شفته مريح نص الفريق و فاز أربعه
مدري وش اتكلم عنه .. امممم .. ايه انشيلوتي هالمباراة ما تحتمل اختراعات و لا مجاملات زي اللي شفناه في مباراتنا مع المانيو في الابطال .. شغل انه يحط دروجبا احتياط لتوريس ما ينفع .. و شغل توتنهام يوم يلعبهم مع بعض و الحوسه اللي صارت في المباراة ما ينفع .. الفريق ما يحتاج اي اختراع في التشكيله .. ميزته انه ثابت في كل خطوط الفريق .. لكن الهجوم دائماً يلعب فيه .. مرة توريس و دروجبا و مالودا .. مرة يشيل واحد و يحط كالو و مرة يشيل واحد و يحط انيلكا .. هالمباراة افضل ثلاثي هجومي ممكن يبدأ فيه هو الثلاثي المعتاد .. انيلكا - دروجبا - مالودا اما باقي التشكيله معروفه بس اهم شيء يفكنا من رامي دام اوبي موجود
ان شاءالله الفريق يكون في أحلى اداء و اقوى تركيز و نحسم اللقب على ملعبهم
و أشين شي ان المباراة تنتهي تعادل
و اللي اشين منها نفوز اليوم و ننهزم المباراة الجايه
ياااااااااااوك يا هي شينه
المباراة بيكون فيها طحن .. بيكون فيها كل شيء لكن اهم شيء و اللي ابيه انها تنتهي بدون اخطاء تحكيميه لا لنا و لا علينا
الا ان حصل بلنتي من نص الملعب لتشيلسي فلا باس
---------------
استعجب كثيراً لأناس يتكلمون عن التحكيم و نطلب منهم الهدوء و يزيدون .. الآن يطلبون الهدوء هم أنفسهم .. يهدأون متى يريدون و يزيدون متى يريدون !!
كيف الفصحى
!! 
الوضع العادي
