بسم الله الرحمن الرحيم
في البداية أحب أنا ابارك للجميع للخروج بالتعادل وبكل صراحة يعتبر فوز لأن المباراة لو جاء فيها هدف الشوط الأول ممكن تنتهي تاريخية خاصةً في حضور المصارع سلمان الخالدي لكن نقول الحمدلله
من أجل الحصول على الأسيوية لابد من حصول تغييرات جذرية في النادي و أتمنى من الجميع المشاركة في الرأي لأني بصراحة سأذكر نقاط مهمة جداً وللأسف حتى الآن الإدارة متجاهلتها أو ماعندها خبرة في اكتشافها والله ماني عارف بالضبط اتمنى الإدارة تطلع لهذه النقاط وسأكتبها من واقع خبرة
1. يجب تغيير المرشدي بمدافع أجنبي يجيد تخليض العرضيات
2. يجب اللعب بالمحاور التالية مهما كلف الأمر ( رادوي و عزيز ) و إذا تم ايقاف احدهم او اصيب لا سمح الله يلعب القرني بديلاً للغائب منهم
3. يجب احضار مهاجم هداف بمعنى الكلمة والإقتناع بأن ياسر انتهاء ولا يبدع إلا محلياً .
قبل مانبداء في الشرح اتمنى من الجميع أن يأحذوا الموضوع بعيداً عن العاطفة من أجل الهلال فقط وليس شيء أخر.
هنا سأوضح لكم شرح بسيط لهالنقاط
بالنسبة للنقطة الأولى فالجميع شاهد تخبطات المرشدي طول هالموسم وبصراحة المرشدي كنتروله ضعيف وهذا عيب جامد في لاعب كرة القدم فإن الكنترول مهم جداً خاصةً لمن تستلم الكرة في مناطق حساسة قريبة من مرماك وشفنا مباراة الهلال والنصر في الدوري الدور الأول كيف كنترول المرشدي كيف كان ضعيف وكيف ريان بلال خطف الكرة منه وحصل على بلنتي اضافة إلى الكنترول فإن اللاعب ثقيل جداً وهذة عيبان كفيلة للقتناع بأن اللاعب سيء واتمنى من الجميع أخذ الأمور بشكل جدي بعيد عن العاطفة .
بالنسبة للنقطة الثانية المحاور ياهلاليين المحور هي أهم شيء في الفريق لو كانت محاورك قوية صدقوني ماأحد يقدر يهاجمك الكل يخاف منك لأنه بكل بساطة كل ماوصل المنافس لوسط الملعب قابل جدار قدامة عاد تخيل فريق ماتجيه فرص قدام بابك كل ماوصل لنص الملعب انقطعت الكرة ايش بيصير في الفريق المنافس اكيد بيستسلم وهالإستسلم راح يضغط جميع خطوط الفريق المنافس وبكل صراحة أفضل محور في السعودية خالد عزيز وللأسف الإدارة ماهي عارفة قيمته وصدقوني لو استمر الوضع كذا راح تشوفونه في نادي الإتحاد في اقرب وقت و ايضاً محمد القرني محور قوي جداً اتمنى تقديره من المدرب اللي يلعب بالشلهوب محور للأسف والقرني احتياط ومرة خارج التشكيلة وكل يوم المدرب يطلعنا بعذر اقبح من اللي قبله وصدقوني لو رادوي ماهو اجنبي كان راح نشوفه خارج التشكيلة هذا تخبط واضح من المدرب في هالمنطقة بالذات لاززم يلعبون هالثلاث بالتبديل بينهم لو اضطرت الإدارة تفرض عليه هالشيء هالمنطقة مهمه جداً جداً جداً والدليل شوفوا الإتحاد لمن كان يلعب بحديد وكريري والله ماتفوز عليهم إلا بطلوع الروح وهالسنة لمن صاروا يلعبون بمحور واحد كل الفرق هزائتهم حتى التعاون هزمهم في عقر دارهم لا تقولي غنام لا تقولي برقان لا تقولي ابقنعك ترى الشلهوب تكتيكياً وماني عارف ايش أقول ترى البلوي فاوض عزيز قبل كم سنه والسنه الماضية كاد أن يخطف القرني وكلنا نعرف قيمة اختيارات البلوي و أكبر دليل على قدرتة في الإختيار حقق الآسيوية سنتين متتالية هذا بالنسبة للنقطة الثانية
بالنسبة للنقطة الثالثة والأخيرة
والله العظيم ماني مصدق اللي يصير في نادي الهلال معقولة ماهم منتبهين للهجوم ياناس يا جمهور ياعالم واضحة الهلال يلعب بدون هجوم من زما1111111ن لنا تقريباً ثلاث او اربع سنين بدون هجوووووووم ياسر فنان وخطير وقناص وهداف وياما وياما سجل وفرحنا لكن ماهو الهجوم اللي في الطموح نبغى هجوم مثل كالون لاعب الإتحاد السابق أو هجوم الهلال السابق نسيت اسمه المهم البرازيلي اللي جابلنا الآسيوية نبغى هجوم قوي جداً ويجري طول المباراة ويسجل برأسه وقدمية الثنتين يمين ويسار وسريع مو لاعب واقف طول المباراة او ينتظر الكرة تجية وإذا جاته يطيح ويروح ينافخ على الحكم وحالة يرثاء لها يا هلاليين إذا تبغون البطولة لأزم تتبعون هالكلام وصدقوني تعبت نفسياً بسبب مانتكلم في عزيز والهجوم ياناس عزيز ادفعوا له ملايين الحل بسيط وموجود الفلوس تمشي عزيز زي الألف ليش لا مو الإدارة تدفع ملايين خلاص عزيز أحق بها من الغريب و الهجوم هذا ماينفع للآسيوية والله ماينفع للآسيوية نحب ياسر ونحترمه لكن بعيداً عن المجاملات وعن العاطفة الآن الجمهور يبغى شيء خارجي ولأزم نبتعد عن المجاملات ونكون واضحين وصريحين جداً جداً جداً

يسلمووو
انا ماني معك في كل اللي قلته من ناحية ياسر والاجنبي بدل المرشدي
لان لو جاء اجنبي لازم تتخلى عن لاعب مهم لان كل الاجانب مهمين
إلا خالد عزيز يلعب محور اتمنى القرني نبي عزيز يتفرغ للغياب

امس المرشدي وهوساوي ماقصروا بس ناكبهم الخالدي يعتمدون على الله ثم عليه بخانته مايدرون الا وهو حايسهم اما الباقي ... وجهة نظر واحترمها ..ياسر يكفي تكلمت اكثر من مره عنه ما اقدر ازود لأنه لن يتغير شي

اتفق مع اللي فوقي بكل ما ذكر ما ازيد عليها شي

شكراَ لك وبالتوفيق للهلال في المنافسات الاسيوية

كلام طالع
من محب
للكيان
وليس للأشخاص
وهذا الذي نريده والسلام

المرشدي نكبه الله يجيب لنا سنتر مع هوساوي كويس

المرشدي يقوم بدوره صح لا تنسى كان افضل مدافـع .. لكن ناقصه الحماس والتركيز
الحل تلعب عزيز وردوي محاور... وقتها بيرتاح الدفـأع ..وبتتفعل الناحيه الهجوميـه رادوي راح يتقدم مو يتقيّد بالنواحي الدفاعيه بس
وتشيل احمد علي ولي يونق او ولهامسون.. وتحط اثنين مهاجمين اجاانب ... والله مافيه حل الا اثنين مهاجمين ابطـال
شف الاتحــاد كيف مهاجمينه بالاسيويه.. كان عنده مهاجمين من نص فرصه يجيب قول .. موب لاعب تدلعـه على انه ثقيل دم مايعرف يتمركز .. ويضيعها بعـد

الله يكتب اللي فيه الخير للزعيم

يابعد قلبي كلامك والله انه في الصميم

ياسر حتى محلي مستواه ضعيف واكثر اهدافه ضربات جزاء ولا ع خط الباب واحيانآ يضيع ويبتسم

والمرشد خليفة المفرج مامنه فكه ونكبه بس يحمد ربه ان بجنبه هوساوي ولا كان حصلته في الحزم ولا نجران

شكراً لكل من قراء الموضوع تحياتي لكم جميعاً

اخوي بتكلم عن نقطه وحده وهي المهاجم الهلال يحتاج مهاجم اجنبي هداف مثل تيم كاهل ترددت الانباء عن انجابه في فترة الانتقالات الصيفية فلو جاء سيشكل قوة ضاربة في الهجوم

شكرااااااااااااااااااا لك

شكرا على الموضوع الرائع ولكن لى تعليق بسيط جداا
بالنسبه لياسر القحطاااانى وماادراك ماياسر
ياعالم احنا نلعب بايران وتحت ضغط هائل وياسر كان بين اربعه وحوش ز
السوال الى ابي اسالكم كيف تبون ياسر يلعب وهو يلعب بينهم
علما بان ياسر بكل مباراه يغطونه لاعبين .
ايى فريق يلعب امام الهلال يلعب غير

اعذرونى على ركاكة الرد فهذا من اول الردور لى بالمنتدى لانى لااحب الكتابه.